စစ်ကောင်စီတပ်မှ သေဆုံးထိခိုက်ရှိပြီး လက်နက် (၈)လက်နှင့် ခဲယမ်း၊ကျည်များရ
စစ်ကောင်စီတပ်မှ သေဆုံးထိခိုက်ရှိပြီး လက်နက် (၈)လက်နှင့် ခဲယမ်း၊ကျည်များရကရင်အမျိုးသားအစည်းအရုံး(KNU) မူတြော် (ဖာပွန်)ခရိုင် အတွင်းရှိ စစ်ကောင်စီတပ်စခန်းတစ်ခုကို ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ(၅) တပ်ဖွဲ့ဝင်များက တိုက်ခိုက်သိမ်းပိုက်ခဲ့ကြောင်း KNU သတင်းရင်းမြစ်က ပြော သည်။
ဖာပွန်ခရိုင်ရှိ စစ်ကောင်စီတပ်၏ ဖောလုတပ်စခန်းကို စက်တင်ဘာ ၂ရက် နံနက်တွင် တိုက်ခိုက်သိမ်းပိုက်ခဲ့ပြီး စစ်ကောင်စီတပ်မှ သေဆုံးထိခိုက်မှုရှိခဲ့သည်ဟုဆိုသည်။
” စခန်းသိမ်းတာ ဟုတ်တယ်။ ဖြစ်တာ ဒီမနက်ပဲ။ အထိအခိုက် အကျအဆုံးလည်းရှိတယ်။ လက်နက်ကတော့ ၈လက်ရတယ်။ နောက်တခြား လက်နက်ကြီးကျည်တို့ဘာတို့ ရတာပေါ့။ စစ်သားဝတ်စုံတွေရော” ဟု KNU သတင်းရင်းမြစ်က ပြော သည်။
ပြီးခဲ့သည့် ဩဂုတ် ၂၂ရက်ကလည်း ဖာပွန်ခရိုင် ဒွယ်လိုးမြို့နယ်ရှိ စစ်ကောင်စီ လက်အောက်ခံ နယ်ခြားစောင့်တပ်ဖွဲ့၏ ဘော့ကျုံထာ့ တပ်စခန်း ကို တပ်မဟာ(၅)က တိုက်ခိုက်သိမ်းပိုက်ခဲ့ရာ BGF တပ်သား လေးဦး သေဆုံးပြီး နှစ်ဦး ဒဏ်ရာရခဲ့ကြောင်း ၊ လက်နက်ခဲယမ်းများ ရရှိခဲ့ကြောင်း တပ်မဟာ(၅)က ထုတ်ပြန်ထားသည်။
Public Service Announcement
