စစ်ကောင်စီထံ ဆက်ကြေးပေးပြီး ဖွင့်လှစ်ထားသည့် မန္တလေးမြို့မှ ဂိမ်းဆိုင်တစ်ဆိုင်အား ဖောက်ခွဲတိုက်ခိုက်ခဲ့ရာ အဆိုပါဆိုင်လုံခြုံရေးယူထားသည့် ပျူစောထီးငါးဦး ထိခိုက်ဒဏ်ရာရကြောင်း DRM Rangers Mandalay — PDF က ယနေ့(စက်တင်ဘာ ၁၉)ထုတ်ပြန်သည်။
ယနေ့နံနက် ၁၁ နာရီ ၂၀ ခန့်က စစ်ကောင်စီလက်အောက်ခံရဲတပ်ဖွဲ့အား ငွေပေး၍ ဖွင့်လှစ်ထားသော ချမ်းမြသာစည်မြို့သစ်၊ မြရည်နန္ဒာရပ်ကွက် ၁၁၄ လမ်း၊ ၅၀ × ၅၁ လမ်းကြားရှိ ငါးဂိမ်းဆိုင်အား ဗုံးသီးတစ်လုံးဖြင့် ပစ်ခတ်တိုက်ခိုက်ခဲ့ခြင်းဖြစ်ကြောင်း ဖော်ပြသည်။
“ထပ်မံ ဝင်ရောက်ပစ်ခတ်ဖို့ စီစဉ်ထားသော်လည်း ထိချက်ကောင်းမွန်မှုကြောင့် ကျွန်တော်တို့ ဆုတ်ခွာခဲ့ပါတယ်”ဟု DRM – PDF က ဆိုသည်။
အထက်ပါတိုက်ခိုက်မှုတွင် ဆိုင်အတွင်း တံခါးဝရှိ ပျူစောထီးအဖွဲ့ဝင် လူမိုက်ငါးဦးထက်မနည်း ပြင်းထန်စွာထိခိုက်နိုင်ပြီး အတွင်းပစ္စည်း ဆုံးရှုံးမှုအများအပြားရှိနိုင်ကြောင်း အသိပေးထုတ်ပြန်ထားသည်။
Public Service Announcement
