Connect with us

Hi, what are you looking for?

LuduNwayOo

သတင်း

မုံရွာ(နမခ)မှ မန္တလေးဘက်သို့ ထွက်လာသော စစ်ကောင်စီယာဥ်နှစ်စီးအား မိုင်းဆွဲတိုက်ခိုက်

ယနေ့(စက်တင်ဘာ ၂၄ ရက်) နံနက် ၄ နာရီခန့်က မုံရွာ – မန္တလေးလမ်းမကြီးပေါ်၊ မုံရွာ-ချောင်းဦးကြား လမ်းပိုင်းတစ်နေရာတွင် မုံရွာဘက်မှ မန္တလေးမြို့ဘက်သို့ သွားသော စစ်ကောင်စီ၏ ယာဥ်ကြီး နှစ်စီးအား မိုင်း၂ လုံးခွဲကာ တိုက်ခိုက်ခဲ့ကြောင်း PDF-South Monywa ၏ ထုတ်ပြန်ချက်တွင် ဖော်ပြ သည်။

(မုံရွာခရိုင်အတွင်း ဖြတ်သန်းသွားသော စစ်ကောင်စီတပ် ယာဥ်တစ်စီးအား တွေ့ရစဥ်။ဓာတ်ပုံ-CJ)
(မုံရွာခရိုင်အတွင်း ဖြတ်သန်းသွားသော စစ်ကောင်စီတပ် ယာဥ်တစ်စီးအား တွေ့ရစဥ်။ဓာတ်ပုံ-CJ)

စစ်ကိုင်းတိုင်း၊ မုံရွာအနောက်မြောက်တိုင်းစစ်ဌာနချုပ်(နမခ)မှ မန္တလေးမြို့ဘက်သို့လာသည့် စစ်ကောင်စီတပ် ယာဥ်နှစ်စီးအား မုံရွာနှင့်ချောင်းဦးမြို့နယ်ကြားတွင် မိုင်းခွဲတိုက်ခိုက်ခဲ့ကြောင်း မုံရွာမြို့နယ်တောင်ပိုင်း ပြည်သူ့ကာကွယ်ရေးတပ်ဖွဲ့ (People’s Defence Force – South Monywa)က သတင်းထုတ်ပြန်သည်။

ယနေ့(စက်တင်ဘာ ၂၄ ရက်) နံနက် ၄ နာရီခန့်က မုံရွာ – မန္တလေးလမ်းမကြီးပေါ်၊ မုံရွာ-ချောင်းဦးကြား လမ်းပိုင်းတစ်နေရာတွင် မုံရွာဘက်မှ မန္တလေးမြို့ဘက်သို့ သွားသော စစ်ကောင်စီ၏ ယာဥ်ကြီး နှစ်စီးအား မိုင်း၂ လုံးခွဲကာ တိုက်ခိုက်ခဲ့ကြောင်း PDF-South Monywa ၏ ထုတ်ပြန်ချက်တွင် ဖော်ပြ သည်။

အဆိုပါ စစ်ဆင်ရေးအား Farmers Revolution Force – FRFအဖွဲ့နှင့် ပူးပေါင်းတိုက်ခိုက်ခဲ့ခြင်းဖြစ်ပြီး ယာဥ်၏နောက်ပိုင်းများ ထိသွားသည်ဟု သိရှိရပြီး ထိခိုက်မှုအခြေအနေမသိရသေးကြောင်း PDF-South Monywaက အသိပေးသည်။

ထိုဖြစ်စဥ်နှင့်ပတ်သက်၍ PDF-South Monywaအဖွဲ့ တာဝန်ရှိသူ Daung Karyan က “ဒီနေ့မနက်၄နာရီလောက်က မုံရွာနမခကနေပြီးတော့ ွေးကားအကြီး၂စီးအင်အားအပြည့်နဲ့ထွက်လာကြောင်းသတင်းရရှိတာနဲ့ ကြိုတင်စောင့်ဆိုင်းပြီး မိုင်းအကြီး၂လုံးနဲ့ ဖောက်ခွဲတိုက်ခိုက်ခဲ့တာပါဗျ။”ဟု ပြောသည်။

စစ်ကောင်စီတပ်သည် လူနာတင်ယာဉ်နှင့်သာသနာရေး ယာဥ်များကိုပါ အသုံးပြုသွားလာနေ၍ အဆိုပါယာဥ်များအပါအဝင် မုံရွာ – မန္တလေးလမ်းမကြီးအား အသုံးပြုသွားလာနေကြသော မည်သည့်ယာဥ်မဆို တော်လှန်ရေးအောင်မြင်စွာ ပြီးမြောက်သည့်အချိန်အထိ ကားမှန်များချ၍ သင့်တင့်သောအရှိန်ဖြင့်သာ ဖြတ်သန်းသွားလာ မောင်းနှင်ပေးကြရန် PDF-South Monywaက မေတ္တာရပ်ခံသည်။

ထို့အပြင် သက်ဆိုင်ရာပြည်သူ့ကာကွယ်ရေးအဖွဲ့အစည်းများ၏ လမ်းပိုင်းဆိုင်ရာကြေညာချက်၊ သတိပေးချက်များကိုလည်း မျက်ခြည်မပြတ်ဖတ်၍ အတိအကျ လိုက်နာပေးခြင်းဖြင့် တော်လှန်ရေးတွင် တတပ်တအား ပါဝင်ကူညီပေးကြရန်လည်း PDF-South Monywaက ထပ်ဆင့်မေတ္တာရပ်ခံထားသည်။

You May Also Like

သတင်း

ယမန်နေ့(ဒီဇင်ဘာ ၂ရက်) ညနေပိုင်း၌ ညောင် လေးပင်ခရိုင် ရွှေကျင်နှင့် ကျောက်ကြီးမြို့နယ် တို့ရှိ ကျေးရွာများသို့ လေကြောင်းမှ တပြိုင်တည်းတိုက်ခိုက်လာခြင်းဖြစ်သည်။

သတင်း

ကံတော်ရာတောင်‌ပေါ်၌ တပ်စွဲထားလျက်ရှိသောစစ်ကောင်စီတပ်သည် ဒီဇင်ဘာ ၁ ရက်တွင် အင်အားအများအပြားဖြည့်တင်းပြီး စစ်ရေးလှုပ်ရှားမှုများပြုလုပ်ခဲ့သည်ဟု ဆိုသည်။

သတင်း

၁၂ဘီးကားတစ်စီးမှာ ထိုနေရာ၌ ၅မိနစ်ခန့်ထိုးရပ်သွား၍ လူလဲကာဆက်လက်မောင်းနှင်သွားခဲ့ပြီး အထိအခိုက်အကျအဆုံးများနိုင်သည်ဟု အေဒီက ပြောသည်။

သတင်း

ဒေါင်းမင်းသားမြို့ပြပြောက်ကျားတပ်ဖွဲ့(ရေတာရှည်)သည် တောင်ငူခရိုင် PDF တပ်ရင်း (၃၅၀၁)၊ တပ်ခွဲ (၃)အဖြစ် NUG အစိုးရ၊ ကာကွယ်ရေးဝန်ကြီးဌာနအောက်ရှိ တပ်ခွဲတစ်ခုဖြစ်ပြီး တောင်ငူခရိုင် PDF နှင့် ပူးတွဲစစ်ဆင်ရေးများ ဆက်နွှဲလျှက်ရှိသည်။