Connect with us

Hi, what are you looking for?

LuduNwayOo

သတင်း

သြစတြေးလျနိုင်ငံ မဲလ်ဘုန်းရောက် မြန်မာမိသားစုများက သံအမတ်ကြီးဦးကျော်မိုးထွန်း ထောက်ခံပွဲပြုလုပ်

ထို့အပြင် မြန်မာ့အရေးကိုထောက်ခံအားပေးနေသည့် တက်ကြွလှုပ်ရှားသူ စင်္ကာပူမှ လာရောက်ပညာသင်ကြားနေကြသော ကျောင်းသူနှစ်ဦးကလည်းကိုယ်တိုင်ဝင်ရောက် အားပေးခဲ့သည်။

ဓာတ်ပုံ - Ko Aye Min Soe/Facebook
ဓာတ်ပုံ - Ko Aye Min Soe/Facebook

သံအမတ်ကြီးဦးကျော်မိုးထွန်းအား မြန်မာပြည်သူများ၏ ကိုယ်စားလှယ်အဖြစ် ကမ္ဘာက ဆက်လက်အသိအမှတ်ပြုရေး ထောက်ခံသည့်ငြိမ်းချမ်းစွာ ဆန္ဒဖော်ထုတ်ပွဲကို ယနေ့ (စက်တင်ဘာ ၂၆)တွင် သြစတြေးလျနိုင်ငံ မဲလ်ဘုန်းမြို့ ဗစ်တိုးရီးယားပါလီမာန်ရှေ့၌ မြန်မာမိသားစုများက ပြုလုပ်ခဲ့သည်။

ဓာတ်ပုံ - Ko Aye Min Soe/Facebook
ဓာတ်ပုံ – Ko Aye Min Soe/Facebook

အဆိုပါဆန္ဒဖေါ်ထုတ်ပွဲတွင် မြန်မာမိသားစုများက ၎င်းတို့ရဲ့သဘောထားကို ဩစတေးလျအစိုးရ သိစေရန်၊ နိုင်ငံခြားရေးဝန်ကြီး Hon Senator Penny Wong ဆီသို့ တိုက်ရိုက်အစီရင်ခံစာ ပေးပို့ခဲ့သည့် အပြင် ဗစ်တိုးရီးယားပါလီမာန်သို့လည်း စာရေးသား ပေးပို့ခဲ့ကြကြောင်း CRPH/NUG Support Group Australia (Vic) က ဖော်ပြထားသည်။

ဗစ်တိုးရီးယားပါလီမာန်အတွက် ပေးပို့သောပန်ကြားလွှာကို ဗစ်တိုးရီးယားပါလီမာန်မှလွှတ်တော်အမတ် တစ်ဦးဖြစ်သူ Mr.Meng Heang Tak ကလက်ခံရယူပြီး ပါလီမာန်အတွင်း ပါတီစုံမှအမတ် ၂၀ ဦး စုပေါင်းလက်မှတ်ထိုး၍ ဩစတေးလျ အစိုးရထံ တောင်းဆိုသွားရန်ရှိကြောင်းကိုလည်း ပြောကြားသွားခဲ့ကြောင်း မဲလ်ဘုန်းရောက်မြန်မာမိသားစုများက ဆိုသည်။

အဆိုပါ ဆန္ဒထုတ်ဖော်ပွဲကို CRPH/NUG Support Group Australia (Vic) က ဦးဆောင်စီစဉ်ခဲ့ခြင်း ဖြစ်ပြီး ဗစ်တိုးရီးယား ပါလီမာန်အမတ်တစ်ဦးဖြစ်သည့် Mr. Meng Heang Tak MP က ကိုယ်တိုင်ပါဝင်အားပေးခဲ့ကာ Australia Myanmar Institute ၏ ဥက္ကဌ ဖြစ်သူ Mr. Christopher Lambလည်း လာရောက်အားပေးခဲ့ကြောင်း Vic က ဖော်ပြထားသည်။

ထို့အပြင် မြန်မာ့အရေးကိုထောက်ခံအားပေးနေသည့် တက်ကြွလှုပ်ရှားသူ စင်္ကာပူမှ လာရောက်ပညာသင်ကြားနေကြသော ကျောင်းသူနှစ်ဦးကလည်းကိုယ်တိုင်ဝင်ရောက် အားပေးခဲ့သည်။

You May Also Like

သတင်း

ဒီနေ့ နေ့လယ်ပိုင်း ANZ ဘဏ်ရဲ့ ထုတ်ပြန်ချက်အရ မြန်မာနိုင်ငံမှာ လည်ပတ်နေတဲ့ လုပ်ငန်းတွေကို လာမယ့်နှစ် အစောပိုင်းရပ်နားမယ်လို့သိရပါတယ်။

သတင်း

သြစတြေးလျသည် အသက်ရှင်သန်ရေးအတွက် လူသားချင်းစာနာမှုအကူအညီထောက်ပံ့မှုကို မှီခိုနေရသည့် နေရပ်စွန့်ခွာရိုဟင်ဂျာ ၉၁၉,၀၀၀ ကျော်အတွက် ဘင်္ဂလားဒေ့ရှ်ကို ဆက်လက်ကူညီထောက်ပံ့မည်ဟု ကတိပြုသည်။

သတင်း

သံအမတ်ကြီးသည် လုံခြုံရေးကောင်စီကို အဆိုပါသက်သေအထောက်အထားများကို အသုံးပြုကာ နိုင်ငံတကာရာဇဝတ်ခုံရုံးသို့ လွှဲပြောင်းပေးရန် ကြိမ်ဖန်များစွာ တောင်းဆိုခဲ့ပြီးလည်း ဖြစ်သည်။

သတင်း

နိုင်ငံတကာဘဏ်များဖြစ်သည့် ANZ၊ UOB နှင့် BIDV တို့အနေဖြင့် ၎င်းတို့၏ နိုင်ငံတကာလူ့အခွင့်အရေးတာဝန်များနှင့်အညီ အင်းဝဘဏ်နှင့် ဆက်ဆံရေးကို ချက်ချင်းအဆုံးသတ်ခြင်း၊ သို့မဟုတ် မြန်မာနိုင်ငံမှ ထွက်ခွာခြင်းကို မဖြစ်မနေ လုပ်ကြရမည်ဟု JFM က တိုက်တွန်းသည်။