Connect with us

Hi, what are you looking for?

LuduNwayOo

သတင်း

အချုပ်ကားကို မြို့ပြပြောက်ကျားအဖွဲ့စောင့်ကြိုတိုက်ခိုက်ပြီး နိုင်ကျဉ်းတွေကို ကယ်ထုတ်

တိုက်ခိုက်မှုအပြီး နိုင်ကျဉ်း ၈ ဦးထွက်ပြေးခဲ့ပေမယ့် ၆ ဦးပြန်ဖမ်းခံရကာ ၂ ဦးကိုသာလုံခြုံတဲ့နေရာဆီပို့ဆောင်ပေးလိုက်နိုင်တယ်လို့Truth Keeping Force – Amarapura ဆိုပါတယ်။

စစ်ကောင်စီလက်အောက်ခံ ရဲတပ်ဖွဲ့ရဲ့အချုပ်ကားကိုတွေ့ရစဉ် (ပုံဟောင်း) ဓာတ်ပုံ − ရိုက်တာ
စစ်ကောင်စီလက်အောက်ခံ ရဲတပ်ဖွဲ့ရဲ့အချုပ်ကားကိုတွေ့ရစဉ် (ပုံဟောင်း) ဓာတ်ပုံ − ရိုက်တာ

မန္တလေး၊ အမရပူရမြို့နယ် အတွင်း နိုင်ငံရေးအကျဉ်းသားတွေကို တင်ဆောင်လာတဲ့ အချုပ်ကားကို မြို့ပြပြောက်ကျားအဖွဲ့က တိုက်ခိုက်ပြီး နိုင်ငံရေးအကျဉ်းသား ၂ ဦးကို ကယ်ထုတ်သွားခဲ့တယ်လို့တိုက်ခိုက်မှုကိုလုပ်ဆောင်ခဲ့တဲ့ Truth Keeping Force – Amarapura ကသတင်းထုတ်ပြန်ပါတယ်။

ဒီနေ့မနက်ပိုင်း ၉ နာရီခန့်က မြစ်ငယ်တံတားအနီးအချုပ်ကားကိုစောင့်ကြိုတိုက်ခိုက်ခဲ့တာလို့သိရပါတယ်။

အချုပ်ကားပေါ်မှာလုံခြုံရေးလိုက်ပါလာတဲ့ စစ်ကောင်စီလက်အောက်ခံ ရဲတပ်ဖွဲ့ဝင်တွေနဲ့အပြန်အလှန်ပစ်ခတ်မှုဖြစ်ခဲ့ပြီး ရဲ ၂ ဦးသေကာ နိုင်ကျဉ်း ၁ ဦးဒဏ်ရာရသွားတယ်လို့ ထုတ်ပြန်ချက်မှာတွေ့ရပါတယ်။

တိုက်ခိုက်မှုအပြီး နိုင်ကျဉ်း ၈ ဦးထွက်ပြေးခဲ့ပေမယ့် ၆ ဦးပြန်ဖမ်းခံရကာ ၂ ဦးကိုသာလုံခြုံတဲ့နေရာဆီပို့ဆောင်ပေးလိုက်နိုင်တယ်လို့Truth Keeping Force – Amarapura ဆိုပါတယ်။

ပြန်လည်ဖမ်းဆီးခံလိုက်ရတဲ့ နိုင်ကျဉ်း ၆ ဦးကို နှိပ်စက်ညှင်းပန်းပြီး စစ်အုပ်စုက လက်စဖျောက်လိုက်မှာကိုစိုးရိမ်ရတယ်လို့ လည်း ပြောထားပါတယ်။

အချုပ်ကားဟာ ကျောက်ဆည်ရဲစခန်းအချုပ်မှာ ချုပ်နှောင်ထားတဲ့ နိုင်ကျဉ်း ၈ ဦးကို အိုးဘိုထောင်ဆီ ရွှေ့ဖို့သယ်ဆောင်လာတဲ့ကားလည်းဖြစ်ပါတယ်။

You May Also Like

သတင်း

မြောင်မြို့နယ် ကျောက်ရစ်စခန်းရှိ စစ်ကောင်စီတပ် များသည် မြောင်နယ်နှင့် ရေစကြိုမြို့နယ်များရှိ ကျေးရွာများအား မကြာခဏ မီးရှို့ဖျက်ဆီးလေ့ရှိသည်။

သတင်း

ညာတခိုကျိုးတပ်စခန်း သိမ်းတိုက်ပွဲတွင်စစ်ကောင်စီတပ်မှ သေဆုံးထိခိုက်မှုများပြီး KNU ရဲဘော်နှစ်ဦးကျဆုံးခဲ့သည်ဟုKNU သတင်းရင်းမြစ်က​ပြောသည်။

သတင်း

လက်ရှိတွင် ဒီးမော့ဆိုမြို့နယ် ၊ ကုန်းသာကျေး ရွာ အရှေ့ဖက်တစ်ကျော ၊ သေးဆူလဲ၊ ဒေါကမီး တစ်ကျောတို့တွင်အကြမ်းဖက် စစ်ကောင်စီမှ စစ်ကြောင်းများ ပြန်ထိုးလာသော အခြေနေများကြောင့် စစ်ရေးအခြေနေတင်းမာနေသလို တိုက်ပွဲများ လည်း ဆက်လက်ဖြစ်ပွားနေဆဲ​ဖြစ်သည်။

သတင်း

ဒီဇင်ဘာ ၂ရက် နံနက်၅နာရီ၀န်းကျင်က စစ်ကိုင်းတပ်မ(၃၃)မှ စစ်ကောင်စီစစ်ကြောင်းသည် စစ်ကိုင်းမြို့နယ်နှင့် မတ္တရာမြို့နယ်ဘက်ခြမ်းကျေးရွာများသို့ အင်အား(၁၀၀)ကျော်ဖြင့်စစ်ကြောင်းထိုးကာ မွှေနှောက်ဖျက်ဆီးမှုများ ပြုလုပ်ခဲ့သည်။