မန္တလေး၊ အမရပူရမြို့နယ် အတွင်း နိုင်ငံရေးအကျဉ်းသားတွေကို တင်ဆောင်လာတဲ့ အချုပ်ကားကို မြို့ပြပြောက်ကျားအဖွဲ့က တိုက်ခိုက်ပြီး နိုင်ငံရေးအကျဉ်းသား ၂ ဦးကို ကယ်ထုတ်သွားခဲ့တယ်လို့တိုက်ခိုက်မှုကိုလုပ်ဆောင်ခဲ့တဲ့ Truth Keeping Force – Amarapura ကသတင်းထုတ်ပြန်ပါတယ်။
ဒီနေ့မနက်ပိုင်း ၉ နာရီခန့်က မြစ်ငယ်တံတားအနီးအချုပ်ကားကိုစောင့်ကြိုတိုက်ခိုက်ခဲ့တာလို့သိရပါတယ်။
အချုပ်ကားပေါ်မှာလုံခြုံရေးလိုက်ပါလာတဲ့ စစ်ကောင်စီလက်အောက်ခံ ရဲတပ်ဖွဲ့ဝင်တွေနဲ့အပြန်အလှန်ပစ်ခတ်မှုဖြစ်ခဲ့ပြီး ရဲ ၂ ဦးသေကာ နိုင်ကျဉ်း ၁ ဦးဒဏ်ရာရသွားတယ်လို့ ထုတ်ပြန်ချက်မှာတွေ့ရပါတယ်။
တိုက်ခိုက်မှုအပြီး နိုင်ကျဉ်း ၈ ဦးထွက်ပြေးခဲ့ပေမယ့် ၆ ဦးပြန်ဖမ်းခံရကာ ၂ ဦးကိုသာလုံခြုံတဲ့နေရာဆီပို့ဆောင်ပေးလိုက်နိုင်တယ်လို့Truth Keeping Force – Amarapura ဆိုပါတယ်။
Public Service Announcement
ပြန်လည်ဖမ်းဆီးခံလိုက်ရတဲ့ နိုင်ကျဉ်း ၆ ဦးကို နှိပ်စက်ညှင်းပန်းပြီး စစ်အုပ်စုက လက်စဖျောက်လိုက်မှာကိုစိုးရိမ်ရတယ်လို့ လည်း ပြောထားပါတယ်။
အချုပ်ကားဟာ ကျောက်ဆည်ရဲစခန်းအချုပ်မှာ ချုပ်နှောင်ထားတဲ့ နိုင်ကျဉ်း ၈ ဦးကို အိုးဘိုထောင်ဆီ ရွှေ့ဖို့သယ်ဆောင်လာတဲ့ကားလည်းဖြစ်ပါတယ်။
