Connect with us

Hi, what are you looking for?

LuduNwayOo

သတင်း

ငါန်းဇွန်တွင် စစ်ကောင်စီခန့်အုပ်ချုပ်ရေးမှူးတစ်ဦးကို ရှင်းလင်း

ငါန်းဇွန်မြို့နယ်အတွင်း ည ၇နာရီမှ နောက်တစ် နေ့နံနက် ၆ နာရီအတွင်း အပြင်ထွက်သွားလာခြင်းမပြုရန် မဟာမိတ်အဖွဲ့များက သတိပေးထားသည်။

ငါန်းဇွန်တွင် စစ်ကောင်စီခန့်အုပ်ချုပ်ရေးမှူးတစ်ဦးကို ရှင်းလင်း
ငါန်းဇွန်တွင် စစ်ကောင်စီခန့်အုပ်ချုပ်ရေးမှူးတစ်ဦးကို ရှင်းလင်း

မန္တလေးတိုင်း၊ မြင်းခြံခရိုင်၊ ငါန်းဇွန်မြို့နယ်တွင် စစ်ကောင်စီခန့်အုပ်ချုပ်ရေးမှူးတစ်ဦးအား သုတ်သင်ရှင်းလင်းခဲ့ကြောင်း ဒေသတွင်းအခြေစို​က်ပြောက်ကျားတပ်ဖွဲ့များက ထုတ်ပြန်သည်။

ယမန်နေ့ (အောက်တိုဘာ၂ ရက်) နံနက် ၁၀နာရီ ၁၀ မိနစ်ခန့်က ငါန်းဇွန်မြို့နယ်၊ ညောင်ပင်ရိုးကျေးရွာ၏ စစ်ကောင်စီခန့် အုပ်ချုပ်ရေးမှူး၊ ပြည်ခိုင်ဖြိုး ဥက္ကဌဟောင်း ဦးလှမြင့်ဆိုသူအားမဟာမိတ် ညီနောင် လေးဖွဲ့ ပူးပေါင်းကာ ရှင်းလင်းခဲ့ကြောင်း နောင်ရိုးအထူးပြောက်ကျားတပ်- NYSGF က အသိပေးသည်။

နောင်တွင် ပြည်သူ့အကျိုးစီးပွား နှောင့်ယှက်ဖျက်ဆီးသူများကို မဟာမိတ်အဖွဲ့များက ရှင်းလင်းသွားမည်ဖြစ်ကြောင်း မာန်စွယ်ကျား ပြည်သူ့ကာကွယ်ရေး အထူးပြောက်ကျားတပ်ဖွဲ့က သတိပေးသည်။

Public Service Announcement
Public Service Announcement

ထိုဖြစ်စဥ်အား နောင်ရိုးအထူးပြောက်ကျားတပ်-NYSGF နှင့် မာန်စွယ်ကျားပြည်သူ့ကာကွယ်ရေးတပ်ဖွဲ့၊ မီးနဂါး NZN Revolution Force၊ One ပြောက်ကျားအဖွဲ့ မဟာမိတ် ညီနောင်၄ဖွဲ့ ပူးပေါင်း၍ ရှင်းလင်းရေး လုပ်ဆောင်ခဲ့ကြောင်း အသိပေးထားသည်။

ဖြစ်စဥ်နှင့်ပတ်သက်၍ နောင်ရိုးအထူးပြောက်ကျားတပ်- NYSGF ပြန်ကြားရေးတာဝန်ခံက “ညောင်ပင်ရိုး အုပ်ကြီးက စကစခန့်ထားတဲ့လက်ရှိ ရပ်ကျေးအုပ်ချုပ်ရေးမှုးပါ။ အာဏာမသိမ်းခင်ကာလတုန်းကလည်း ကြံဖွတ်ပါတီရဲ့ ဥက္ကဌ ဖြစ်ခဲ့ပါတယ်။အခု ငါန်းဇွန်နယ်မှာ စခတွေ အင်အားတိုးပြီး ရွာတိုင်းမှာရှိတဲ့ပြည်သူတွေကို ဖမ်းဆီးသက်ဖြတ်တာတွေ နေ့စဥ်နှင့်အမျှဖြစ်နေပါတယ်။ ညောင်ပင်ရိုးအုပ်ကြီးကလည်း စခတွေနဲ့ပေါင်းပြီး ပြည်သူလူထုအပေါ် စော်ကားသက်ဖြတ်တာတွေ ရမ်းကားခြိမ်းခြောက်တာတွေ လုပ်ဆောင်နေပါတယ်။ သူ့ကြောင့် ပြည်သူတော်တော်များများ ထွက်ပြေးတိမ်းရှောင်ရတာတွေ အသက်ပေးဆပ်ရတာတွေ ရှိလာပါတယ်။ အဲဒါကြောင့် မျက်စိနောက်လာလို့ ငရဲပြည် ဒိုးခိုင်းလိုက်တာပါ။”ဟု ပြောသည်။

ပြည်သူများအနေဖြင့် စစ်ကောင်စီတပ်များ၊ ပျူစောထီးများနှင့် အနီးကပ်နေထိုင်ခြင်းမပြုကြရန် မဟာမိတ်အဖွဲ့များက မေတ္တာရပ်ခံထားသည်။

ငါန်းဇွန်မြို့နယ်အတွင်း ည ၇နာရီမှ နောက်တစ် နေ့နံနက် ၆ နာရီအတွင်း အပြင်ထွက်သွားလာခြင်းမပြုရန် မဟာမိတ်အဖွဲ့များက သတိပေးထားသည်။

ငါန်းဇွန်မြို့နယ်သည် စစ်ကောင်စီတပ်အား ခုခံတော်လှန်မှုအားကောင်းနေသည့် တောင်ဘက်တွင်မြင်းခြံမြို့နယ်၊ အနောက်ဘက် ဧရာဝတီမြစ်တစ်ဖက်ကမ်း မြင်းမူမြို့နယ်တို့နှင့် နီးကပ်စွာတည်ရှိနေပြီး ယခင်လပိုင်းအတွင်းကလည်း ကျွန်းပေါ်ကျေးရွာအချို့၌ ပစ်ခတ်မှုများ ဖြစ်ပွားခဲ့သေးသည်။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။