Connect with us

Hi, what are you looking for?

LuduNwayOo

သတင်း

ထားဝယ်ကမ်းနားလမ်းက စစ်ကောင်စီဖျော်ဖြေရေးမဏ္ဍပ်ကို ဖောက်ခွဲတိုက်ခိုက်

“ထိခိုက်မှုတော့ မရှိပါဘူးခင်ဗျာ။ ဖျော်ဖြေရေး မဏ္ဍပ်တော့ အမိုးနဲ့ ကြမ်းခင်းတွေ ပေါက်ထွက်ကုန်တယ်”ဟု Guerrilla Dawei မှ တော်လှန်ရေးရဲဘော်တစ်ဦးက ပြောသည်။

(၂၀၁၉ ခုနှစ်က ပြုလုပ်ခဲ့သည့် ထားဝယ်ရိုးရာ သပိတ်မျှောပွဲမြင်ကွင်းအား တွေ့ရစဥ်၊ ဓာတ်ပုံ - CJ)
(၂၀၁၉ ခုနှစ်က ပြုလုပ်ခဲ့သည့် ထားဝယ်ရိုးရာ သပိတ်မျှောပွဲမြင်ကွင်းအား တွေ့ရစဥ်၊ ဓာတ်ပုံ - CJ)

ထားဝယ်ရိုးရာ သပိတ်မျှောပွဲကိုအကြောင်းပြပြီး ပျော်ပွဲ၊ရွှင်ပွဲပြုလုပ်မည့် ထားဝယ်ကမ်းနားလမ်း သဲကွင်းအနီး ဆောက်လုပ်ထားသည့် စစ်ကောင်စီဖျော်ဖြေရေးမဏ္ဍပ်ကို သတိပေးသည့်အနေဖြင့် ဖောက်ခွဲတိုက်ခိုက်ခဲ့ကြောင်း Guerrilla Dawei ပြောက်ကျားတပ်ဖွဲ့က ပြောသည်။

ယနေ့(အောက်တိုဘာ ၆)ညနေ ၅ နာရီကျော်က ထားဝယ်ရိုးရာ သပိတ်မျှောပွဲတွင် ပျော်ပွဲ၊ရွှင်ပွဲထည့်သွင်းမည့် စစ်ကောင်စီဖျော်ဖြေရေးမဏ္ဍပ်အား ဖောက်ခွဲတိုက်ခိုက်ခဲ့ရာ ကြမ်းခင်းနှင့် အမိုးများထိခိုက်ပျက်စီးခဲ့ပြီး လူထိခိုက်မှုမရှိကြောင်း GD ပြောက်ကျားတပ်က ပြောသည်။

“ထိခိုက်မှုတော့ မရှိပါဘူးခင်ဗျာ။ ဖျော်ဖြေရေး မဏ္ဍပ်တော့ အမိုးနဲ့ ကြမ်းခင်းတွေ ပေါက်ထွက်ကုန်တယ်”ဟု Guerrilla Dawei မှ တော်လှန်ရေးရဲဘော်တစ်ဦးက ပြောသည်။

ယခုတိုက်ခိုက်မှုသည် စစ်ကောင်စီက လူထုအား ဒိုင်းကာသဖွယ်အသုံးပြုပြီး ပျော်ပွဲ၊ရွှင်ပွဲပြုလုပ်မည်းအပေါ် ပြည်သူများ မပါဝင်ကြရန်နှင့် စစ်ကောင်စီအားပံ့ပိုးနေသူများအား သတိပေးသည့်အနေဖြင့် ဖောက်ခွဲတိုက်ခိုက်ခဲ့ခြင်းဖြစ်သည်ဟု ၎င်းတော်လှန်ရေးရဲဘော်က ဆိုသည်။

ထားဝယ်ရိုးရာ သပိတ်မျှောပွဲကို အောက်တိုဘာ ၈ ရက်နှင့် ၉ ရက်နေ့များတွင် စစ်ကောင်စီက ကျင်းပရန်စီစဥ်ထားရာ တစ်နိုင်ငံလုံး စစ်အုပ်စုကြောင့် ဒုက္ခရောက်နေချိန် စစ်ကောင်စီပြုလုပ်သည့် ပျော်ပွဲ၊ရွှင်ပွဲများတွင် ပူးပေါင်းပါဝင်ခြင်းမပြုကြရန် ထားဝယ်တော်လှန်ရေးအက်အားစုများက သတိပေးထားသည်။

အထက်ပါ စစ်ကောင်စီ ဖျော်ဖြေရေးမဏ္ဍပ် ဖောက်ခွဲတိုက်ခိုက်ခံရပြီးနောက် ကင်းချထားသော စစ်ကောင်စီတပ်များက သေနတ်များဖြင့် ရမ်းသမ်းပစ်ခတ်မှုများရှိခဲ့သည်။

You May Also Like

သတင်း

အကြမ်းဖက်စစ်ကောင်စီက သံမိုးတောင်ရွာအား လေယာဉ်ဖြင့်ဗုံးကြဲတိုက်ခိုက်ခဲ့ခြင်းကြောင့် အရပ်သားပြည်သူများ ထိခိုက်သေဆုံးမှုနှင့် ဒဏ်ရာရရှိမှုများ ရှိသည်ဟု သိရကြောင်း ထုတ်ပြန်သည်။

သတင်း

အိမ်ခြေ ၁၃၀ကျော်ရှိ ခဝါသည်ရွာကို စစ်ကောင်စီတပ် မီးရှို့ခဲ့ရာ နေအိမ် ၉၅ လုံး ပျက်စီးခဲ့ရကြောင်း အသိပေးထားသည်။ မီးလောင်မှုကြောင့် စားနပ်ရိက္ခာများ၊ အဝတ်အထည်နှင့် အိမ်အသုံးအဆောင်များ မီးလောင်ပျက်စီးခဲ့ရသည်ဟု ဆိုသည်။

သတင်း

စစ်ကောင်စီသည် အန္ဒိယနိုင်ငံဘက်မှ တင်သွင်းလာသည့် စစ်လက်နက်ပစ္စည်းများကို တမူး-ကလေးလမ်းမကြီးအတိုင်း သယ်ယူလာပြီး ပြည်သူ့ကာကွယ်ရေးမဟာမိတ်များက တားဆီးနိုင်ရန် ကြိုးစားနေသည်။

သတင်း

"မြေပြင်သတင်းအရတော့ လူထိခိုက်တယ် မကြားပါဘူး။ အဓိက ကလည်း လူထက်အခြေခံ ယန္တရားကို တိုက်ခိုက်တာပါပဲ။ ပူးပေါင်း စစ်ဆင်ရေးပါ"ဟု YUA က ပြောသည်။