စစ်ကိုင်းတိုင်း၊ မုံရွာမြို့အဝင် မအူစစ်ဆေးရေးဂိတ်အား ဝင်ရောက်ပစ်ခတ်တိုက်ခိုက်ရာ စစ်ကောင်စီဘက်က သေဆုံးထိခိုက်မှုများကြောင်း မုံရွာခရိုင်ပြည်သူကာကွယ်ရေးတပ်မတော် (Chindwin Attack Force) ၏ ပြန်ကြားရေးတာဝန်ခံက ပြောသည်။
ယနေ့ အောက်တိုဘာလ ၈ ရက် နံနက် ၁ နာရီဝန်းကျင်က မုံရွာမြို့ မအူကျေးရွာအနီးရှိ မအူစစ်ဆေးရေးဂိတ်ကို လက်နက်ကြီးလက်နက်ငယ်များဖြင့် ပစ်ခတ်တိုက်ခိုက်ခဲ့ကြောင်း၊ အပြန်အလှန်ပစ်ခတ်ချိန်အတွင်း စစ်ကောင်စီဘက်က ၄၀မမ၊ ၆၀ မမ စက်သေနတ်တို့ဖြင့် တရစပ် ပြန်လည်ပစ်ခတ်ခဲ့သော်လည်း ရဲဘော်များအထိအခိုက်မရှိ ဆုတ်ခွာနိုင်ကြောင်း Chindwin Attack Force ၏ ပြန်ကြားရေးတာဝန်ခံက ပြောသည်။
စစ်ကောင်စီဘက်က သေဆုံးထိခိုက်မှုများနိုင်ပြီး အရေအတွက်မသိရသေးကြောင်း မုံရွာခရိုင်ပြည်သူကာကွယ်ရေးတပ်မတော် တပ်ရင်း ၂၊ ၃၊ ၄ ၏ တပ်ရင်းတပ်ခွဲများ ထိုးစစ်တိုက်နေသဖြင့် လက်နက်ခဲယမ်းများလိုအပ်နေကြောင်း Chindwin Attack Force ၏ ပြန်ကြားရေးတာဝန်ခံက ပြောသည်။
ထိုစစ်ဆင်ရေးအား မုံရွာခရိုင်ပြည်သူကာကွယ်ရေးတပ်မတော် (Chindwin Attack Force) တပ်ရင်း – ၄၊ တပ်ခွဲ – ၄ 5 / Teachers People Defense Force PDF၊ 5 / UG (မြေအောက်တော်လှန်ရေးအဖွဲ့)၊Springs Dove အဖွဲ့များ ပူးပေါင်းတိုက်ခိုက်ခဲ့ကြောင်း အသိပေးထားသည်။
Public Service Announcement
စစ်အာဏာရှင်အား တော်လှန်မှုအားကောင်းရာ မုံရွာမြို့နယ်တွင် စစ်ကောင်စီတပ်က ပြည်သူများအား မကြာခဏဖမ်းဆီးနှိပ်စက်သတ်ဖြတ်မှုများ ပြုလုပ်နေပြီး ယခင်ရက်ပိုင်းအတွင်းကလည်း လမ်းပိုင်းအချို့ကား ဘူဒိုဇာဖြင့် ဖျက်ဆီးသွားခဲ့သည်။
