စစ်ကောင်စီက ဦးစီးကျင်းပတဲ့ ကျောက်ဆည်ဆင်ပွဲဟာ ယခင်နှစ်တွေကလို စည်ကားတာမရှိဘဲ မြို့ခံတွေလည်းသွားရောက်တာမရှိဘူးလို့ ဒေသခံတွေကပြောပြကြပါတယ်။
ကျောက်ဆည်မြို့မှာ ဆင်ပွဲကို ဒီနေ့ကစတင်ပြီးကျင်းပနေတာပါ။
စစ်တပ်အာဏာ တကျော့ပြန်မသိမ်းခင်ကာလတွေမှာကျင်းပတဲ့ ကျောက်ဆည်ဆင်ပွဲဟာ မြို့ပေါ်တင်မက အနီးတဝိုက်ကရွာတွေ၊ မြို့တွေ က လာရောက်ကြည့်ရှုကြတယ်လို့ဒေသခံတွေ ပြောပါတယ်။
Public Service Announcement
” အခုက မြို့ခံတွေကလည်းမသွားသလို ခြောက်ကပ်နေတာ” လို့ ကျောက်ဆည်မြို့ခံတစ်ဦးကဆိုပါတယ်။
ကျောက်ဆည်ဆင်ပွဲကို ကိုဗစ်မတိုင်ခင် ၂၀၁၉ ခုနှစ်ကနောက်ဆုံးကျင်းပခဲ့တာပါ။ အဲဒီနောက် ကိုဗစ် ကာလနဲ့ စစ်တပ်အာဏာသိမ်းမှု တွေကြောင့် မကျင်းပနိုင်ခဲ့တာပါ။
ဒီနှစ်မှာတော့ စစ်ကောင်စီက ကျင်းပလာပြီး ၂၀၁၉ ခုနှစ်က ဝင်ပြိုင်ခဲ့တဲ့ ပြိုင်ပွဲဝင်အဖွဲ့တွေကို မဖြစ်မနေ ပွဲမှာ ဝင်ပြိုင်ကြဖို့ ဖိအားပေးခဲ့တယ်လို့သိရပါတယ်။
