ရွှေပြည်သာမြို့နယ် ရဲစခန်းနဲ့ ရပ်ကွက်အုပ်ချုပ်ရေးမှူးရုံး တိုက်ခိုက်ခံရ

ရန်ကုန်တိုင်း ၊ရွှေပြည်သာမြို့နယ်ထဲက စစ်ရေးပစ်မှတ် ၃ နေရာကို မနေ့က အောက်တိုဘာလ ၂၄ ရက်မှာတိုက်ခိုက်ခဲ့တယ်လို့ မြို့ပြပြောက်ကျားအဖွဲ့က ထုတ်ပြန်ပါတယ်။

မနေ့ကညနေပိုင်း ၃ နာရီ မိနစ် ၄၀ ခန့်က လှော်ကား တာဆုံ အနီးမှာရှိတဲ့ အမှတ် ၂၇ ရပ်ကွက် အုပ်ချုပ်ရေးမှူးရုံးကို ဝင်ပစ်ရာမှာ အုပ်ချုပ်ရေးမှူး ဒဏ်ရာရပြီး ၊ ရပ်ကွက်ရုံးစာရေးအမျိုးသမီး သေဆုံးသွားပါတယ်။

အုပ်ချုပ်ရေးမှူးဟာ ခြေထောက်ထိမှန်ခဲ့ပြီး ရုံးစာရေးအမျိုးသမီးကတော့ ရင်ဘတ်မှန်ကာ သေဆုံးသွားတာလို့ စစ်ကောင်စီဘက်ကသတင်းထုတ်ထားပါတယ်။

ညနေ ၇ နာရီမထိုးခင် မှာလည်း တော်ဝင်မှတ်တိုင်ရှေ့မှာ ရှိတဲ့ ရွှေပြည်သာမြို့မ ရဲစခန်း ဝင်းထဲလက်ပစ်ဗုံး ပစ်သွင်းခဲ့တယ်လို့သိရပါတယ်။

Public Service Announcement

ရဲစခန်းကို တိုက်ခိုက်တဲ့ အချိန်နဲ့တပြိုင်တည်းမှာပဲ ရွှေပြည်သာကွေ့အနီး ကစစ်ကောင်စီဖမ်းဆီးထားတဲ့ ဆိုင်ကယ်တွေကိုပြန်လည်ရောင်းချပေးနေတဲ့ နေအိမ်ကိုလည်း ဗုံးနဲ့တိုက်ခိုက်ခဲ့ပါသေးတယ်။

ဒီတိုက်ခိုက်မှုတွေကို Yangon Urban Guerrilla Army (MO-7 Eagle)၊ မြို့နယ် ပြည်သူ့ ကာကွယ်ရေးအဖွဲ့ ( ရွှေပြည်သာ PDF)၊ Black Tiger UG Team တို့က ဆောင်ရွက်တာလို့ အသိပေးထုတ်ပြန်ထားကြပါတယ်။