စစ်ကိုင်းတိုင်း၊ မုံရွာ – မန္တလေးလမ်းပိုင်းတွင် စစ်ကောင်စီယာဥ်များအား ပဒေသာမိုင်းဆွဲတိုက် ခိုက်ခဲ့ရာ စစ်အုပ်စု အထိအခိုက်များနိုင်ကြောင်း Black Wolf Soldiers အဖွဲ့က သတင်းထုတ်ပြန်သည်။
ယနေ့ (နိုဝင်ဘာ၄)နံနက်၁၁ နာရီခွဲခန့်က မုံရွာ-မန္တလေးလမ်းပေါ် ချောင်းဦး-မြင်းမူလမ်းပိုင်း၌ မန္တလေးမှ မုံရွာမြို့သို့ ထွက်ခွာလာသော စစ်ကား လေးစီးအား မိုင်းဆွဲတိုက်ခိုက်ခဲ့ရာ လေးစီးမြောက် ကားအား တည့်တည့်ထိမှန်ခဲ့ပြီး အထိခိုက်အကျဆုံးများနိုင်ကြောင်း မြေပြင်သတင်းများအရသိရသည်ဟု Black Wolf Soldiers အဖွဲ့က ဆိုသည်။
အဆိုပါ စစ်ဆင်ရေးအား Black Wolf Soldiers အဖွဲ့၊ Chaung U Revolution Army(CRA-2)၊ ချောင်းဦးမြို့နယ်တော်လှန်ရေးတပ်နှင့် Spring Soldiers အဖွဲ့တို့ ပူးပေါင်း၍ Spring Soldiersအဖွဲ့၏ ပဒေသာမိုင်းများဖြင့် တိုက်ခိုက်ခဲ့ခြင်းဖြစ်သည်။
နိုဝင်ဘာ၂ ရက်ကလည်း မုံရွာ – မန္တလေးလမ်းပေါ်တွင် စစ်ကောင်စီ၏ Jummer ကားလေးစီးအား ဒေသကာကွယ်ရေးအဖွဲ့များကဖောက်ခွဲတိုက်ခိုက်ခဲ့ရာ ထိခိုက်သေဆုံးမှုများရှိခဲ့သည်။