မြန်မာသံအမတ်ကြီး ထောက်ခံမဲပေးခဲ့ပြီး စစ်တပ်က ဒီမိုကရေစီလှုပ်ရှားမှုကို ဖိနှိပ်ရန် ပြည်တွင်းဥပဒေများကို လက်နက်အဖြစ် အသုံးပြုနေဟု တင်ပြ
မြန်မာသံအမတ်ကြီး ထောက်ခံမဲပေးခဲ့ပြီး စစ်တပ်က ဒီမိုကရေစီလှုပ်ရှားမှုကို ဖိနှိပ်ရန် ပြည်တွင်းဥပဒေများကို လက်နက်အဖြစ် အသုံးပြုနေဟု တင်ပြသေဒဏ်ပြစ်ဒဏ်ချမှတ်မှုကို တရားဝင်ဆိုင်းငံ့ခြင်း “Moratorium on the use of the Death Penalty” ဆိုင်ရာ အဆိုမူကြမ်းကို မြန်မာသံအမတ်ကြီး ဦးကျော်မိုးထွန်းက ထောက်ခံမဲပေးခဲ့ပြီး စစ်တပ်သည် ဒီမိုကရေစီလှုပ်ရှားမှုကို ဖိနှိပ်ရန် ပြည်တွင်းဥပဒေများကို လက်နက်အဖြစ် အသုံးပြုနေကြောင်း ကုလသမဂ္ဂသို့ ပြောကြားသည်။
မြန်မာနိုင်ငံ၏ ပြစ်မှုဆိုင်ရာဥပဒေတွင် သေဒဏ်ပေးခြင်းကို တရားဝင်ဖျက်သိမ်းခြင်း မရှိသေးသော်လည်း လက်တွေ့၌ သေဒဏ်ပြစ်ဒဏ်ချမှတ်မှုကို တရားဝင်ဆိုင်းငံ့မှုကို (de facto moratorium) ကို ဆယ်စုနှစ် (၄) ခု နီးပါး ဆောင်ရွက်နိုင်ခဲ့ကြောင်း သံအမတ်ကြီးက ကုလသမဂ္ဂအထွေထွေညီလာခံ တတိယကော်မတီ၌ နိုဝင်ဘာ ၁၁ ရက်တွင် ပြောသည်။
သို့သော် ပြီးခဲ့သည့် ဇူလိုင်တွင် တရားမဝင်အာဏာသိမ်းစစ်တပ်သည် ဒီမိုကရေစီအရေးတက်ကြွလှုပ်ရှားသူ (၄) ဦး ဖြစ်သည့် ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်နှင့် ကိုအောင်သူရဇော်တို့ကို သေဒဏ်ပေးကွပ်မျက်ခဲ့ကြောင်း၊ အဆိုပါသေဒဏ်ချမှတ်မှုသည် တရားလက်လွတ် လူသားမျိုးနွယ်စုအပေါ် ကျူးလွန်သည့် ပြစ်မှုမြောက်ကြောင်း သံအမတ်ကြီးက အစီရင်ခံသည်။
သေဒဏ်ပြစ်ဒဏ်ချမှတ်မှုသည် လူသတ်ရန်ဝန်မလေးသည့် မြန်မာစစ်တပ်၏ နောက်ဆုံးနည်းလမ်း ဖြစ်ပြီး လူ့အခွင့်အရေးကျင့်သုံးသည့် လူတစ်ဦးချင်းစီအား ပစ်မှတ်ထားတိုက်ခိုက်သော ခွဲခြားဆက်ဆံသည့် ဥပဒေများကို အခြေခံ၍ သေဒဏ်ပြစ်ဒဏ်ချမှတ်မှုကို ကျင့်သုံးနေကြောင်းလည်း ဆက်ပြောသည်။
Public Service Announcement
ထို့အပြင် စစ်တပ်သည် တရားမဝင်စစ်တပ်အာဏာသိမ်းချိန်မှစ၍ တရားမဝင်သတ်ဖြတ်ခြင်း၊ နှိပ်စက်ညှဉ်းပန်းခြင်းနှင့် လူ့အခွင့်အရေးချိုးဖောက်ခြင်းတို့ကို ကျူးလွန်နေကြောင်းနှင့် ပြည်သူများနှင့် ဒီမိုကရေစီလှုပ်ရှားမှုတို့အပေါ် ကြောက်ရွံ့မှုသွတ်သွင်းရန် သေဒဏ်ပြစ်ဒဏ်ချမှတ်ခြင်းကို တရားမဝင် စိတ်တိုင်းကျ အသုံးပြုနေကြောင်း သံအမတ်ကြီးက ဆိုသည်။
တရားမဝင်စစ်အာဏာသိမ်းမှုနောက်ပိုင်း စစ်တပ်လက်အောက်ခံ တရားရုံးများမှ သေဒဏ်ချမှတ် ထားသည့်အမှု (၁၂၆)ခုရှိပြီး ယင်းအနက် (၄၂) ခု ကို ကာယကံရှင်မျက်ကွယ်၌ ချမှတ်ခဲ့ခြင်းဖြစ်သည်။ စစ်တပ်၏ ဥပဒေမဲ့သတ်ဖြစ်ခြင်းအောက်၌ သေဒဏ်ချမှတ်ခြင်းခံရန် စောင့်ဆိုင်းနေရသူ (၈၄) ဦး ရှိနေသည်။
၇၇) ကြိမ်မြောက် ကုလသမဂ္ဂအထွေထွေညီလာခံ၊ တတိယကော်မတီ၌ သေဒဏ်ပြစ်ဒဏ်ချမှတ်မှုကို တရားဝင်ဆိုင်းငံ့ခြင်း “Moratorium on the use of the Death Penalty” ဆိုင်ရာ အဆိုမူကြမ်းကို မဲခွဲဲခဲ့ရာ ထောက်ခံမဲ (၁၂၆) မဲ၊ ကန့်ကွက်မဲ (၃၇) မဲ နှင့် ကြားနေမဲ (၂၄) မဲ ဖြင့် ကော်မတီမှ အတည်ပြုခဲ့ကြောင်း သိရသည်။
