စစ်ကိုင်းတိုင်း၊ ခင်ဦးမြို့နယ်တွင် စစ်ကောင်စီတပ်က စစ်ကြောင်းထိုးပစ်ခတ်ဖမ်းဆီးမှုများ ပြုလုပ်နေ၍ ကျေးရွာလေးရွာမှ ဒေသခံပြည်သူထောင်ချီ ထွက်ပြေးတိမ်းရှောင်နေရကြောင်း ဒေသခံများက ပြောသည်။
ယနေ့ (နိုဝင်ဘာ၁၅ ရက်) နံနက် ၆နာရီခွဲခန့်က ရေဦးမြို့မှ စစ်ကောင်စီတပ်များနှင့် ရွာသစ်ကုန်းကျေးရွာ ပျူစောထီးများသည် အင်အား၁၀၀ကျော်ဖြင့် စစ်ကြောင်းထိုးလာ၍ ခင်ဦးမြို့ အနောက်ခြမ်းရှိ အင်းပတ်ရွာ၊ချမ်းသာကုန်း(ခ)အောင်ချမ်းသာရွာ၊မရမ်းအင်းရွာနှင့် ကုန်းသာကျေးရွာ စသည့် ကျေးရွာများမှ ပြည်သူထောင်ချီထွက်ပြေးတိမ်းရှောင်နေရကြောင်း ခင်ဦးမြို့နယ် သတင်းမှန်ပြန်ကြားရေးအဖွဲ့တာဝန်ခံက ပြောသည်။
အဆိုပါ စစ်ကြောင်းကို ရေဦးဘက်ကလည်းလက်နက်ကြီးပစ်ကူပေးခဲ့ပြီး ဖမ်းဆီးခံရသည့်ပြည်သူများလည်းရှိနေကြောင်း ဒေသခံများက ပြောသည်။
“ဒေသခံတွေကတော့ ထွက်ပြေးနေရတယ်။ မီးရှို့တာမျိုးတော့မကြားသေးဘူး။”ဟု ခင်ဦးအခြေစိုက် Khin U Support Organization-KSO အဖွဲ့တာဝန်ခံက ပြောသည်။
Public Service Announcement
စစ်ကောင်စီတပ်နှင့် ဒေသကာကွယ်ရေးအဖွဲ့များ တိုက်ပွဲဖြစ်ပွားမှုရှိပြီး မကြာမီထုတ်ပြန်ပေးမည်ဟု Khin U Support Organization-KSO အဖွဲ့တာဝန်ခံက ပြောသည်။
