လက်နက် တစ်လက်ရဟု အသိပေး
မွန်ပြည်နယ် ရေးမြို့နယ်ရှိ စစ်ကောင်စီ၏ တိုက် ခိုက်ရေးတပ်တစ်ခုအနီးတွင် ရေးမြို့ စခန်းမှူး အပါအဝင် ရဲ သုံးဦးကို ယနေ့နံနက်တွင် ရှင်းလင်းခဲ့ကြောင်း ရေးဘီလူးအဖွဲ့ခေါင်းဆောင်က ပြောသည်။
နိုဝင်ဘာ ၂၃ရက် နံနက် ၈နာရီခွဲခန့်တွင် စခန်းမှူး လိုက်ပါလာသည့် ကားကို ပစ်ခတ် ရှင်းလင်းခဲ့ခြင်းဖြစ်သည်ဟု ၎င်းက ဆိုသည်။
“ရေးမြို့ (၁၉)တပ်ရင်းနဲ့ မီတာ ၂၀ ၊ ၃၀ အကွာအဝေးလောက်မှာ ကျွန်တော်တို့က ဝင်ပစ်တာ ဖြစ်တယ်ခင်ဗျ။ သူတို့က ကားနဲ့အလာ။ ပါဂျဲရိုး မီနီအသေးနဲ့ပေါ့။ သူတို့က အလာ ကျနော်တို့တွေက လမ်းခုလတ်က စောင့်ပစ်တာပေါ့”ဟု ရေးဘီလူးအဖွဲ့ခေါင်းဆောင်က ပြောသည်။ ရေးမြို့တွင် စစ်ကောင်စီ၏ အမှတ်(၁၉) စစ်ဆင်ရေးကွပ်ကဲမှူဌာနချုပ်(စကခ-၁၉) တပ်တည်ရှိသည်။
အဆိုပါ တိုက်ခိုက်မှုအတွင်း M-16 တစ်လက် သိမ်းဆည်းရရှိခဲ့ပြီး ဓာတ်ပုံများကို ထုတ်ပြန်ပေးသွားမည်ဟု ပြောသည်။
Public Service Announcement
ရေးဘီလူးအဖွဲ့သည် စက်တင်ဘာအတွင်းကလည်း ရေးမြို့နယ် ခေါ်ဇာရဲစခန်းမှူးအပါအဝင် ရဲတပ်သား သုံးဦးကို ရေးမြို့နယ် ကဗျာကြီးရွာအနီးတွင် ပစ်ခတ်ရှင်းလင်းခဲ့ဖူးသည်။ ထိုစဉ်ကလည်း စခန်းမှူးကိုင်သည့် သေနတ်အပါအဝင်လက်နက် ၃လက်ရရှိခဲ့သည်ဟု အသိပေးထားသည်။
