Connect with us

Hi, what are you looking for?

LuduNwayOo

သတင်း

မြိုင်နယ်တွင် စစ်ကောင်စီတပ် စစ်ကြောင်းထိုးပြီး ပစ်ခတ်ဖမ်းဆီးမှုများပြုလုပ်နေ

ယနေ့(နိုဝင်ဘာ ၂၈ရက်)နံနက် ၈ နာရီခန့်တွင်စစ်ကောင်စီတပ်များသည် ကျွဲတွင်းကျေးရွာမှ အင်အား ၁၅၀ခန့်ဖြင့် မြောက်ဘက်သို့ ဦးတည် ထွက်ခွာလာ​၍ ပြည်သူများထွက်ပြေးတိမ်းရှောင်နေရကြောင်း ဒေသခံများက ပြောသည်။

မကွေးတိုင်း မြိုင်မြို့နယ်တွင် စစ်တပ်ရန်ကြောင့် ထွက်ပြေးတိမ်းရှောင်နေရသော ဒေသခံများကို ပြီးခဲ့သည့် ဇူလိုင်က တွေ့ရစဉ်။ (ဓာတ်ပုံ - CJ)
မကွေးတိုင်း မြိုင်မြို့နယ်တွင် စစ်တပ်ရန်ကြောင့် ထွက်ပြေးတိမ်းရှောင်နေရသော ဒေသခံများကို ပြီးခဲ့သည့် ဇူလိုင်က တွေ့ရစဉ်။ (ဓာတ်ပုံ - CJ)

မကွေးတိုင်း၊ မြိုင်မြို့နယ်အတွင်းရှိ ကျေးရွာများသို့ ပခုက္ကူမြို့ဘက်မှ စစ်ကောင်စီတပ်အပါအဝင် စစ်ကြောင်းများထိုးဝင်ရောက်နေပြီး ပစ်ခတ်ဖမ်းဆီးမှုများ ပြုလုပ်နေကြောင်း ဒေသခံများက ပြောသည်။

ယမန်နေ့ (နိုဝင်ဘာ၂၇ ရက်)နံနက်ပိုင်းက ပခုက္ကူမြို့ဘက်မှလာသည့် စစ်ကောင်စီစစ်ကြောင်းသည် နံနက် ၁၁နာရီခန့်တွင် မြိုင်မြို့နယ်အနောက်တောင်ပိုင်းရှိ အိုင်းမကျေးရွာကို ဝင်ရောက်မွေနှောက်ခဲ့ကြောင်း၊ ထို့နောက် ညနေ၃ နာရီခန့်တွင် ဝါးရင့်ချိုင်ကျေးရွာကို တစ်ဖွဲ့ခွဲထွက်လာပြီး ကျေးရွာအတွင်း ရမ်းသမ်းပစ်ခတ်ခဲ့၍ နေအိမ်အချို့ ထိမှန်ခဲ့ကြောင်း ဒေသခံများက ပြောသည်။

ထို့အပြင် စစ်ကောင်စီတပ်သည် ယမန်နေ့ညက အိုင်းမရွာ၌ အင်အား ၈၀ခန့်ဖြင့် တပ်စွဲညအိပ်ခဲ့ပြီး ဝါးရင့်ချိုင်ရွာဘုန်းကြီးကျောင်းတွင်လည်း အင်အား ၇၀ခန့် ညအိပ်ခဲ့ကြောင်း ဒေသခံတို့ကဆိုသည်။

အလားတူ မြိုင်မြို့တောင်ဘက် စက်မှု (၂)ရှိ စစ်ကောင်စီတပ်သည် နိုဝင်ဘာ၂၆ ရက်နှင့် ၂၇ရက်က ချိုင်ဇောက်ကျေးရွာကို နှစ်ရက်ဆက်ဝင်ရောက်ခဲ့ပြီး ပြည်သူအချို့အား ဖမ်းဆီးထားကြောင်း ဒေသခံများက ပြောသည်။

“ချိုင်ဇောက်ရွာက ပြည်သူလေးဦးကိုဖမ်းဆီးထားပြီး ယခုအချိန်ထိ ပြန်လွှတ်မပေးသေးဘူးလို့ သိရပါတယ်။”ဟု We Love Myaing အဖွဲ့က ပြောသည်။

ထို့အပြင် ပခုက္ကူမြို့နယ်မြောက်ပိုင်း မြောက်လူးကန်ရွာတွင်လည်း ယမန်နေ့ညက စစ်ကောင်စီတပ် များ ဝင်ရောက်ခဲ့ကြောင်း ဒေသခံများက ပြောသည်။

ယနေ့(နိုဝင်ဘာ ၂၈ရက်)နံနက် ၈ နာရီခန့်တွင်စစ်ကောင်စီတပ်များသည် ကျွဲတွင်းကျေးရွာမှ အင်အား ၁၅၀ခန့်ဖြင့် မြောက်ဘက်သို့ ဦးတည် ထွက်ခွာလာ​၍ ပြည်သူများထွက်ပြေးတိမ်းရှောင်နေရကြောင်း ဒေသခံများက ပြောသည်။

You May Also Like

မေးမြန်းခန်း

စစ်ကောင်စီဘက်က တပ်ဖွဲ့ဝင်​တွေသေဆုံးမှုရှိခဲ့ပြီး လက်နက်မျိုးစုံ ၄၀ ကျော်ကို ချင်းပူးပေါင်းတပ်ဖွဲ့က သိမ်းပိုက်ခဲ့ပါတယ်။

သတင်း

ယမန်နေ့ မွန်းလွဲပိုင်းက ရေဦးမြို့ပေါ်မှထွက်လာသော စစ်ကောင်စီတပ်ကို တော်လှန်ရေးအင်အားစုများက ဒရုန်းဖြင့်တိုက်ခိုက်ခဲ့သေးသည်။

သတင်း

စစ်ကောင်စီလက်အောက်ခံ စစ်ရေးပစ်မှတ်နှစ်ခုအား ပစ်ခတ်တိုက်ခိုက်မှုများတွက် စစ်ကောင်စီဘက်မှ ထိခိုက်မှုရှိနိုင်သော်လည်း အတည်ပြုစုံစမ်းဆဲဖြစ်ကြောင်း Eagle Force က အသိပေးထားသည်။

သတင်း

ယမန်နေ့ (ဖေဖော်ဝါရီ ၈ရက်)က ရေဦးမြို့မှထွက်လာသော အင်အား ၉၀ကျော်ပါ စစ်ကောင်တပ်စစ်ကြောင်းကို ကံသစ်ကျေးရွာနှင့် ခင်ဦးမြို့ကြားတွင် ဒရုန်းဖြင့် ဗုံးသီးချတိုက်ခိုက်ခဲ့ကြောင်း RTGF ပြန်ကြားရေးတာဝန်ခံက ပြောသည်။