Connect with us

Hi, what are you looking for?

LuduNwayOo

သတင်း

ဝင်းရေးမြို့နယ်အတွင်း စစ်တပ်က အရပ်သားများကိုဖမ်းဆီးနေကြောင်း ဒေသခံများပြော

ပြီးခဲ့သော နိုဝင်ဘာလ(၂၁)ရက်က တပ်မဟာ(၆)နယ်မြေအတွင်းရှိ စစ်ကောင်စီလက်အောက်ခံ တောင်ကလေးရဲစခန်း ပစ်ခတ်တိုက်ခိုက်ခံရပြီးသည့်နောက် စစ်ကောင်စီတပ်သည် အင်အားအများအပြားဖြင့် ထိုဒေသအတွင်းတွင် စစ်ရေးဝင်ရောက်လှုပ်ရှားလာခဲ့ခြင်းဖြစ်သည်။

ဝင်းရေးမြို့နယ်အတွင်း စစ်တပ်က အရပ်သားများကိုဖမ်းဆီးနေကြောင်း ဒေသခံများပြော
ဝင်းရေးမြို့နယ်အတွင်း စစ်တပ်က အရပ်သားများကိုဖမ်းဆီးနေကြောင်း ဒေသခံများပြော

KNU တပ်မဟာ(၆)နယ်မြေ ဝင်းရေးမြို့နယ်တွင် ယခုရက်ပိုင်းအတွင်း စစ်ကောင်စီတပ်က စစ်ကြောင်းသုံးကြောင်းနှင့် စစ်ရေးဝင်ရောက်လှုပ်ရှားနေပြီး ဒေသခံများကို ဖမ်းဆီးခေါ်ဆောင်နေကြောင်း ဒေသခံများ၏ ပြောကြားချက်အရ သိရသည်။

ကေအဲန်ယူ-ဝင်းရေးမြို့နယ် တံခွန်တိုင်-အဘစ်လမ်းပိုင်းမှတစ်ဆင့် စစ်ကောင်စီ၏ စစ်ကြောင်းတစ်ကြောင်း၊ တောင်ကလေး-တံခွန်တိုင်လမ်းပိုင်းတွင် စစ်ကောင်စီ၏ စစ်ကြောင်းတစ်ကြောင်း၊ ကြံတောကျေးရွာကနေ တစ်ဆင့် တောလမ်းအတိုင်းစစ်ကြောင်းတစ်ကြောင်း စုစုပေါင်းစစ်ကြောင်း(၃) ကြောင်းဖြင့် ဝင်ရောက်လှုပ်ရှားလာနေသည်ဟု ဒေသခံများက ပြောကြားသည်။

ပြီးခဲ့သောရက်ပိုင်းမှစပြီး နိုဝင်ဘာလ(၂၇) ညပိုင်းထိ စစ်ကောင်စီတပ်သည် တံခွန်တိုင်-အဘစ်လမ်းပိုင်းရှိ ပုလိန်ကျေးရွာဘက်တွင် လက်နက်ကြီးပစ်ခတ်မှုများ ဆက်တိုက်လုပ်ဆောင်နေသလို ယနေ့ နိုဝင်ဘာလ(၂၈)ရက် နံနက်ပိုင်းတွင် ပုလိန်ကျေးရွာတွင် စစ်ကောင်စီတပ်မှ အင်အားအများအပြားနှင့် ရောက်ရှိလာခဲ့ကာ ဒေသခံတချို့ကို ဖမ်းဆီးခဲ့သည်ဟု ဒေသခံများမှ ပြောဆိုသည်။

Public Service Announcement
Public Service Announcement

“စစ်ကောင်စီတွေ အမြှောက်နဲ့ပစ်ပြီး လမ်းရှင်းနေတဲ့အနေအထားပါ။ ပုလိန်မှာ စစ်ကောင်စီတွေ ရောက်ရှိနေပြီ။ ရွာသားနှစ်ယောက်ကိုဖမ်းပြီး လမ်းပြလုပ်ခိုင်းနေပါတယ်။ စစ်ကောင်စီအင်အား များနေပါတယ်။ ခန့်မှန်းခြေ ၃၀၀ နီးပါးလောက်ရှိတယ်” ဟု ဒေသခံများမှ ပြောဆိုသည်။

ထိုစစ်ကောင်စီတပ်၏ စစ်ကြောင်း(၃)ကြောင်းသည် ဝင်းရော်ဒေသအတွင်းရှိ ကရင်အမျိုးသားလွတ်မြောက်ရေးတပ်မတော်(KNLA) ၏ စခန်းများကို ဝင်ရောက်တိုက်ခိုက်နိုင်ခြေရှိနေပြီး တံခွန်တိုင်ကျေးရွာအတွင်းရှိ ရဲစခန်းတွင်လည်း ထပ်မံအင်အားဖြည့်ဆည်းဖို့ ရောက်ရှိလာခြင်းများ ဖြစ်နိုင်သည်ဟု ဒေသခံများမှ သုံးသပ်ပြောကြားသည်။

ပြီးခဲ့သော နိုဝင်ဘာလ(၂၁)ရက်က တပ်မဟာ(၆)နယ်မြေအတွင်းရှိ စစ်ကောင်စီလက်အောက်ခံ တောင်ကလေးရဲစခန်း ပစ်ခတ်တိုက်ခိုက်ခံရပြီးသည့်နောက် စစ်ကောင်စီတပ်သည် အင်အားအများအပြားဖြင့် ထိုဒေသအတွင်းတွင် စစ်ရေးဝင်ရောက်လှုပ်ရှားလာခဲ့ခြင်းဖြစ်သည်။

You May Also Like

သတင်း

“မနက်ပိုင်းမှာဒလန်ပျုစောထီးကိုရှင်းလိုက်ပြီးစစ်တပ်နဲ့ ပျူစောထီးတွေ ၂၀လောက် ရောက်လာပြီးစစ်ဆေးရေးလုပ်တယ်။ပြီးတော့ ကျောင်းက မီးလောင်သွားတာ”ဟုဒေသခံကပြောသည်။

သတင်း

ကရင်ပြည်နယ် မြန်မာ-ထိုင်းနယ်စပ် ဘုရားသုံးဆူမြို့တွင် ယနေ့ နေ့လည်ပိုင်းအချိန်၌ စစ်ကောင်စီတပ်က လေယာဉ်များဖြင့် တပ်အင်အား လာရောက်ဖြည့်ဆည်းနေကြောင်း ဘုရားသုံးဆူမြို့ မြို့ပြပျောက်ကျားတပ်ပေါင်းစုအဖွဲ့ထံမှ သိရသည်။ ” သူတို့ဖက်က အဖက်ဖက်ယိုယွင်းနေပြီလေ၊ ကုန်းကြောင်းနဲ့တက်လာမရဲလို့ လေယာဉ်နဲ့ လူလာချတာပါ။ ပြောလို့တော့မရဘူးဗျ ခန့်မှန်းအင်အား (၈၀)ဝန်းကျင်ရှိမယ်၊ ခန့်မှန်းခြေပါ” ဟု ၎င်းအခြေအနေနှင့်...

သတင်း

မြန်မာနိုင်ငံ ဒီမိုကရေစီ လမ်းကြောင်းပေါ် ပြန်လည်ရောက်ရှိစေရန်နှင့် မြန်မာပြည်သူများ အားလုံးပါဝင်သည့် ဒီမိုက‌ရက်တစ် အနာဂတ်ဆီသို့ ငြိမ်းချမ်းစွာ ကြိုးစားဆောင်ရွက်ကြသူများ အားလုံးအတွက် ဆက်လက်၍ ပြတ်သားစွာ ထောက်ခံပံ့ပိုးနေမည်ဟု ပူးတွဲကြေညာသည်။

သတင်း

တပ်ဖွဲ့တည်ထောက်မှု (၂)နှစ် ပြည့်တော့မည်ဖြစ်သည့် YGFသည် စစ်ကောင်စီတပ်အားတိုက်ခိုက်မှုအရ လက်နက် ၁၁လက်ရယူနိုင်ခဲ့ကြောင်းလည်း သိရသည်။