Connect with us

Hi, what are you looking for?

LuduNwayOo

သတင်း

ညောင်ဦးမြို့နယ်တွင် ဘီယာဆိုင်ထိုင်နေသည့် စခန်းမှူးအပါအဝင် ရဲငါးဦးပစ်ခတ်ခံရပြီး ငါးဦးလုံးသေ

သိမ်းဆည်းရမိသော လက်နတ်သုံးလက်နှင့် ပခုက္ကူမြို့ပြပြောက်ကျားတပ်ဖွဲ့ဝင်များ၊ ဓါတ်ပုံ-ပခုက္ကူမြို့ပြပြောက်ကျားတပ်ဖွဲ့
သိမ်းဆည်းရမိသော လက်နတ်သုံးလက်နှင့် ပခုက္ကူမြို့ပြပြောက်ကျားတပ်ဖွဲ့ဝင်များ၊ ဓါတ်ပုံ-ပခုက္ကူမြို့ပြပြောက်ကျားတပ်ဖွဲ့

▪️သေနတ်သုံးလက် သိမ်းဆည်းနိုင်ခဲ့

မန္တလေးတိုင်း၊ ညောင်ဦးမြို့နယ်၊ စဉ့်ကူနယ်မြေရဲစခန်းမှ ရဲငါးဦး ဘီယာဆိုင်ထိုင်နေစဥ် ဝင်ရောက် တိုက်ခိုက်ခဲ့ရာ စခန်းမှူးအပါအဝင် ငါးဦးလုံးသေဆုံးပြီး သေနတ်သုံးလက်သိမ်းဆည်းနိုင်ခဲ့ကြောင်း ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)က ထုတ်ပြန်သည်။

ယမန်နေ့ (ဒီဇင်ဘာ၁ ရက်)မွန်းလွဲ ၁နာရီခန့်ကညောင်ဦး​မြို့နယ်၊ စဥ့်ကူရဲစခန်း၏ စခန်းမှူးအပါအဝင် ရဲငါးဦးသည် တက်မမှော်အတွင်းရှိ ဘီယာဆိုင်တစ်ဆိုင်တွင် ထိုင်နေချိန် ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)က ကွန်မန်ဒို ရဲဘော် လေးယောက်ဖြစ်သော ရဲဘော်ဒီး၊ရဲဘော် ပုဂံကြီး၊ရဲဘော် ပုဂံလေးနှင့် ရဲဘော် King တို့က ဝင်ရောက်ပစ်ခတ်ရှင်းလင်းခဲ့ကြောင်း ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)က အသိပေးသည်။

သိမ်းဆည်းရမိသော လက်နတ်သုံးလက်နှင့် ပခုက္ကူမြို့ပြပြောက်ကျားတပ်ဖွဲ့ဝင်များ၊ ဓါတ်ပုံ-ပခုက္ကူမြို့ပြပြောက်ကျားတပ်ဖွဲ့
သိမ်းဆည်းရမိသော လက်နတ်သုံးလက်နှင့် ပခုက္ကူမြို့ပြပြောက်ကျားတပ်ဖွဲ့ဝင်များ၊ ဓါတ်ပုံ-ပခုက္ကူမြို့ပြပြောက်ကျားတပ်ဖွဲ့

ထို့အပြင် ရဲအုပ်စုထံက G3 နှစ်လက်နှင့် အူဇီတစ်လက်သိမ်းဆည်းနိုင်ခဲ့ကြောင်း ပခုက္ကူမြို့ပြပြောက်ကျားတပ်ဖွဲ့က ထုတ်ပြန်သည်။

ပခုက္ကူမြို့ပြပြောက်ကျားတပ်ဖွဲ့ တပ်ခွဲ-၁ကသတင်းအချက်အလက် ထောက်လှမ်းပေးမှုဖြင့်အချိန်တစ်လ​ကျော်ကြာပြင်ဆင်ခဲ့ကြောင်း၊ ထိုဖြစ်စဥ်အတွင်း ရဲဘော်တစ်ဦးပေါင်ကို ကျည်ထိမှန်ခဲ့သော်လည်း အသက်အန္တရာယ်မစိုးရိမ်ရကြောင်း ပခုက္ကူမြို့ပြပြောက်ကျားတပ်ဖွဲ့၏ ထုတ်ပြန်ချက်တွင် ဖော်ပြသည်။

ထို့အပြင် ပြည်သူကို မတရားအခွန်ကောက်ခြင်း၊ လက်နက် အားကိုးဖြင့် အနိုင်ကျင့်ခြင်း၊ မတရားဥပဒေများဖြင့် ပြည်သူကို ဖိနှိပ်နှိပ်စက်နေသောကြောင့် တိုက်ခိုက်ခဲ့ခြင်းဖြစ်ကြောင်း ပခုက္ကူမြို့ပြပြောက်ကျားတပ်ဖွဲ့က အသိပေးသည်။

ဖြစ်စဥ်နှင့်ပတ်သက်၍ ပခုက္ကူမြို့ပြပြောက်ကျားတပ်ဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပေ။ ရဲအုပ်စု သေဆုံးမှုနှင့်ပတ်သက်၍ ထပ်မံအတည် ပြုနိုင်ခြင်း မရှိသေးပေ။

သို့သော် ၎င်းတို့တပ်ဖွဲ့မှာ အကြွေးသိန်း ၂၀၀နီးပါးရှိသည့်အပြင် စစ်ဆင်ရေးများသောကြောင့် ကျည်ဆံမလုံလောက်မှုများ​ဖြစ်ပေါ်နေ၍ ပြည်သူများထည့်ဝင်လှူဒါန်းပေးရန် ပခုက္ကူမြို့ပြပြောက်ကျားတပ်ဖွဲ့က မေတ္တာရပ်ခံထားသည်။

You May Also Like

နိုင်ငံတကာ

သွေးသံရဲရဲ ဖြစ်နေတဲ့ မိန်းကလေးကို သူငယ်ချင်းတွေက ရေထဲကနေ ရအောင် ဆွဲတင်ပြီး အသက်ပြန်ရှင်အောင် နည်းလမ်းပေါင်းစုံနဲ့ ကြိုးစားခဲ့ပေမယ့် ဒဏ်ရာ ပြင်းလွန်းတာကြောင့် လက်လွှတ်လိုက်ရတာ ဖြစ်ပါတယ်။

သတင်း

တကောင်းနီကယ်စက်ရုံဂိတ်ကိုယမန်နေ့(ဖေဖော်ဝါရီ၃ ရက်)ညနေ ၃ နာရီခန့်တွင်ပြည်သူ့ကာကွယ်ရေးရဲဘော်များကမိုင်းဆွဲတိုက်ခိုက်ခဲ့ခြင်းဖြစ်သည်။

သတင်း

ထိုသို့ပစ်ခတ်မှုကြောင့် ပုဏ္ဏားကြီးရွာနေ အသက် (၆၀)အရွယ် အမျိုးသားကြီးတစ်ဦး ညာဘက်နားနောက်တည့်တည့်တွင် လက်နက်ကြီးစထိမှန်ခဲ့ပြီး မြေပြင်ကျန်းမာရေးစောင့်ရှောက်သူများက အရေးပေါ်ဆေးကုသမှုပေးနေကြောင်း အထက်ပါအဖွဲ့က ပြောသည်။

သတင်း

“မနက်ပိုင်းမှာဒလန်ပျုစောထီးကိုရှင်းလိုက်ပြီးစစ်တပ်နဲ့ ပျူစောထီးတွေ ၂၀လောက် ရောက်လာပြီးစစ်ဆေးရေးလုပ်တယ်။ပြီးတော့ ကျောင်းက မီးလောင်သွားတာ”ဟုဒေသခံကပြောသည်။