Connect with us

Hi, what are you looking for?

LuduNwayOo

သတင်း

တမူးမြို့မှာအမျိုးသမီးတစ်ဦး သတ်ဖြတ်ခံရတဲ့ဖြစ်စဉ် NUG စုံစမ်းစစ်ဆေးမယ်

အဲဒီရုပ်သံဖိုင်ထဲမှာ လက်ထိပ်ခတ်ထားတဲ့အမျိုးသမီးကို ပြောက်ကျားဝတ် အမျိုးသမီးတစ်ဦးနဲ့အမျိုးသားအချို့က ရိုက်နှက်တာတွေ တွေ့ရပါတယ်။

တမူးမြို့မှာအမျိုးသမီးတစ်ဦး သတ်ဖြတ်ခံရတဲ့ဖြစ်စဉ် NUG စုံစမ်းစစ်ဆေးမယ်
တမူးမြို့မှာအမျိုးသမီးတစ်ဦး သတ်ဖြတ်ခံရတဲ့ဖြစ်စဉ် NUG စုံစမ်းစစ်ဆေးမယ်

လူမှုကွန်ရက်မှာ ပျံနှံ့နေတဲ့ စစ်ကိုင်းတိုင်း၊ တမူးမြို့နယ်ထဲက အမျိုးသမီးတစ်ဦး လမ်းပေါ်မှာ နှိပ်စက်ခံရပြီး ပစ်သတ်ခံရတဲ့ဖြစ်စဉ်ကို စုံစမ်းစစ်ဆေးမှုတွေလုပ်မယ်လို့ အမျိုးသားညီညွှတ်ရေးအစိုးရ (NUG )ရဲ့ လူ့အခွင့်အရေးဝန်ကြီး ဦးအောင်မျိုးမင်းက ပြောလိုက်ပါတယ်။

အဲဒီဖြစ်စဉ်ကို စုံစမ်းစစ်ဆေးရုံနဲ့ ပြီးသွားမှာမဟုတ်ဘဲ ထိုက်သင့်တဲ့ လုပ်ဆောင်မှုတွေကိုမဖြစ်မနေ လုပ်ဆောင်ရမှာဖြစ်တယ်လို့လည်း ဝန်ကြီးဦးအောင်မျိုးမင်းက ပြောပါတယ်။

တမူးမြို့နယ်က လမ်းပိုင်းတစ်နေရာမှာ အမျိုးသမီးတစ်ဦးကို ပြောက်ကျားဝတ်လက်နက်ကိုင်အဖွဲ့ တစ်ဖွဲ့က ရိုက်နှက်နှိပ်စက်ပြီး ပစ်သတ်ခဲ့တဲ့ ရုပ်သံဖိုင်တစ်ခု ပြီးခဲ့တဲ့ ရက်ပိုင်းက လူမှုကွန်ရက်မှာ ပျံ့နှံ့လာခဲ့ပါတယ်။

အဲဒီရုပ်သံဖိုင်ထဲမှာ လက်ထိပ်ခတ်ထားတဲ့အမျိုးသမီးကို ပြောက်ကျားဝတ် အမျိုးသမီးတစ်ဦးနဲ့အမျိုးသားအချို့က ရိုက်နှက်တာတွေ တွေ့ရပါတယ်။

Public Service Announcement

Public Service Announcement

ဒါအပြင် အဲဒီအဖြစ်အပျက်ကို ပြောက်ကျားဝတ်အမျိုးသားတစ်ဦးက လက်ကိုင်ဖုန်းနဲ့ ရိုက်ကူးနေတာတွေ့ရသလို အမျိုးသမီးကို ဒလန်လုပ်မိပါတယ်လို့ အော်ခိုင်းတာလည်းတွေ့ရပါတယ်။

ရိုက်နှက်အပြီးမှာတော့ မျက်လုံးကို စည်းလိုက်ကာ ဒူးထောက်ထိုင်ခိုင်းပြီး နောက်ကနေ မောင်းပြန်သေနတ်နဲ့ ခေါင်းကို ပစ်ကာ ပစ်သတ်လိုက်ပါတယ်။

ဒီလုပ်ရပ်ကိုကျုးလွန်တဲ့ အဖွဲ့အစည်းကိုတော့မသိရသေးပါဘူး။

NUG လူ့အခွင့်အရေးဝန်ကြီး ကတော့ သွေးဆာနေတဲ့ အကြမ်းဖက်စစ်တပ်ကို တော်လှန်ရာမှာ ကျင့်ဝတ်တွေ ၊လုပ်ထုံးလုပ်နည်းတွေမှန်ကန်ဖို့ လိုတယ်လို့ ထောက်ပြထားပါတယ်။

“ရန်ငါပြတ်ဖို့လိုတယ်ဆိုပေမဲ့ ကိုင်တွယ်ဖြေရှင်းမှုက မမှားဖို့ လိုတယ်၊ ထိန်းသိမ်းဖို့ လိုပါတယ်” လို့လည်း ဝန်ကြီးဦးအောင်မျိုးမင်းက ပြောပါတယ်။

ဆက်စပ်သတင်းများ

သတင်း

စစ်ကောင်စီတပ်သည် တိုက်ပွဲဖြစ်ပွားခြင်းမရှိဘဲ အကြောင်းမဲ့မီးဝင်ရှို့သွားခြင်းဖြစ်ကြောင်း၊ မီးရှို့ဖျက်ဆီးပြီးနောက် ၎င်းတို့တပ်စွဲရာနေရာများသို့ ပြန်လည်ဝင်ရောက်သွားကြောင်း သိရသည်။

သတင်း

ပေါက်ကွဲမှုကြောင့် နေပြည်တော် အေလာလေဆိပ်အနီး၊ လယ်ဝေးနှင့် ပျဥ်းမနားမြို့စွန်တို့တွင် ဖုန်းလိုင်းအချို့ ယာယီပြတ်တောက်မှုဖြစ်ခဲ့ကြောင်း ဒေသခံပြည်သူတို့က ပြောသည်။

သတင်း

စစ်အုပ်စု၏ အဓမ္မစစ်သားစုဆောင်းမှုလုပ်ရပ်နှင့်ပတ်သက်၍ တိုင်ကြား၊ စုံစမ်း၊ အကြံဉာဏ်ရယူနိုင်သည့် ပြည်သူ့ရေးရာဝန်ဆောင်မှုစတင်ကြောင်း အမျိုးသားညီညွတ်ရေးအစိုးရ(NUG)က ယနေ့ ကြေညာချက်ထုတ်ပြန်လိုက်သည်။ စစ်အုပ်စု၏ အဓမ္မ စစ်သားစုဆောင်းမှုလုပ်ရပ်ကြောင့် ထိခိုက်ခံစားကြရသော ပြည်သူလူထု၏ စိတ်သောကများအား သက်သာရာရစေရန် နှင့် လိုအပ်သော အကူအညီနှင့် အထောက်အပံ့များကို တတ်နိုင်သမျှ ချိတ်ဆက်ပံ့ပိုးပေးနိုင်ရန်ရည်ရွယ်၍ ပြည်သူ့ရေးရာဝန်ဆောင်မှု တစ်ခုအဖြစ်...

သတင်း

ခင်ဦးနယ်အတွင်းရှိ ကျေးရွာ ၁၂ရွာမှ ဒေသခံပြည်သူထောင်နှင့်ချီ ထွက်ပြေးတိမ်းရှောင်နေရပြီး အကူအညီများလိုအပ်နေကြောင်း သတင်းရရှိသည်။