Connect with us

Hi, what are you looking for?

LuduNwayOo

သတင်း

KNUတပ်မဟာ(၅)နယ်မြေကို စစ်ကောင်စီတပ်က လေကြောင်းမှ ဗုံးကြဲ၊ လက်နက်ကြီးဖြင့် ပစ်ခတ်

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

ဓာတ်ပုံ - KNU- Mutraw News
ဓာတ်ပုံ - KNU- Mutraw News

ကရင်အမျိုးသားအစည်းအရုံး(KNU) ဖာပွန်ခရိုင် ရှိ ကျေးရွာများကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခြင်း၊အမြောက်များ၊လက်နက်ကြီးများဖြင့် ရမ်းသမ်းပစ်ခတ်ခြင်းများ လုပ်ဆောင်ခဲ့သည်ဟု KNU တပ်မဟာ(၅)က သတင်းထုတ်ပြန်သည်။

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

ထိုသို့ တိုက်ခိုက်ခံရပြီးနောက် စစ်ကောင်စီတပ်က ယနေ့နံနက်တွင် တိုက်လေယာဉ် နှစ်စီးဖြင့် ဒေဘုနိုကျေးရွာအတွင်းသို့ လာရောက်ဗုံးသီးကြဲချ၊ အခြားကျေးရွာများအတွင်းပါ အမြောက်လက်နက်ကြီးဖြင့် ရမ်းသမ်းပစ်ခတ်ခြင်းများ လုပ်ဆောင်ခဲ့သည်ဟု ဆိုသည်။

ဒီဇင်ဘာ ၇ရက် နံနက် ၄နာရီခွဲခန့်တွင် စစ်ကောင်စီ၏ တိုက်လေယာဉ် တစ်စီးသည် ဖာပွန် (မူတြော်) ခရိုင်လူသောမြို့နယ်၊ ပေးကေးကျေးရွာအုပ်စုအတွင်းရှိ ဒေဘုနိုကျေးရွာအတွင်းသို့ ဗုံးသီး နှစ်လုံး လာရောက်ကြဲချခဲ့သည်ဟု အသိပေးခဲ့ပြီး ရောဘာ်ပင်များ ထိုခိုက်ပျက်စီးခဲ့သည်ဟု ဆိုသည်။

ဓာတ်ပုံ - KNU- Mutraw News
ဓာတ်ပုံ – KNU- Mutraw News

တစ်ချိန်တည်း၌ပင် ဘူးသိုမြို့နယ်၊ ခေါပု(ခေါပုတ်)ကျေးရွာအုပ်စုအတွင်းရှိ ဖောထာကျေးရွာအနီးအနားရှိ လယ်မြေအတွင်းသို့ စစ်ကောင်စီတိုက်လေယာဉ်က ဗုံးသီး(၁၂)လုံးလာရောက်ကြဲချရာတွင် ပြည်သူပိုင်ကျွဲ(၆)ကောင် ပြင်းထန်စွာ ဒဏ်ရာရခဲ့ကြောင်း ဖော်ပြသည်။

နံနက် ၁၀နာရီခန့်တွင် ဖာပွန်မြို့အခြေစိုက်တပ်စခန်းမှ မူတြော်ခရိုင်၊ ဘူးသိုမြို့နယ်၊ ပါဟိုက်ကျေးရွာအုပ်စုအတွင်းရှိ ဘောခေါ်ဒဲကျေးရွာအတွင်းသို့ လက်နက်ကြီးဖြင့် ပစ်ခတ်ခဲ့ကြောင်း၊ ၁၀နာရီ ကျော်တွင်လည်း ထိုဝီးဒဲကျေးရွာနားရှိတောစပ်တစ်နေရာသို့ လက်နက်ကြီးဖြင့် ပစ်ခတ်ခဲ့ကြောင်း ထုတ်ပြန်ခဲ့သည်။

ဓာတ်ပုံ - KNU- Mutraw News
ဓာတ်ပုံ – KNU- Mutraw News

ဖာပွန်ခရိုင်အတွင်းရှိ စစ်ကောင်စီတပ်ကို KNU တပ်မဟာ(၅)က ပြောက်ကျားတိုက်ခိုက်မှုများ ဆက်တိုက်လုပ်ဆောင်လျက်ရှိရာ နိုဝင်ဘာလအတွင်း တိုက်ပွဲ ၁၁၀ကျော်ဖြစ်ခဲ့သည်ဟု ထုတ်ပြန်ထားသည်။ ယခုလ ဒီဇင်ဘာ ၆ရက်မှစ၍ စစ်ကောင်စီတပ်စခန်းအချို့အား KNUက သိမ်းပိုက်ရန် ကြိုးပမ်းခဲ့ရာ ယမန်နေ့က ညာတခိုကျိုး စခန်းသိမ်းတိုက်ပွဲ၌ စစ်ကောင်စီတပ်မှ သေဆုံးထိခိုက်မှုများ ရှိခဲ့ပြီး လက်နက်ခဲယမ်းများ သိမ်းဆည်းရရှိခဲ့ဟု KNU သတင်းရင်းမြစ်က ပြောဆိုထားသည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။

သတင်း

ဇန်နဝါရီအတွင်း ကရင်အမျိုးသားလွတ်မြောက် ရေးတပ်မတော်(KNLA) တပ်မဟာ(၅) နှင့် စစ်ကောင်စီ ၊ နယ်ခြားစောင့်တပ်ဖွဲ့(BGF)တို့ တိုက်ပွဲပေါင်း ၂၀၉ ကြိမ် ဖြစ်ခဲ့သည်ဟု ဆိုသည်။