လုံခြုံရေးအခြေအနေအရ ဖြန့်ခွဲနေထိုင်သော တပ်ဖွဲ့ဝင်များအားလုံး ယနေ့ တစုတစည်းတည်းတွေ့ဆုံခဲ့ကြကြောင်း ယောဒေသအခြေစိုက် The Youth Force (Saw&Kyaukhtu)က သတင်းထုတ်ပြန်သည်။
The Youth Force (Saw&Kyaukhtu)၏ တပ်ဖွဲ့ဝင် များအားလုံး တွေ့ဆုံပွဲကို ယနေ့(ဒီဇင်ဘာလ ၂၅ရက်) ပြုလုပ်ခဲ့ခြင်းဖြစ်သည်။
“ ကျွန်တော်တို့က အခြေအနေအရ ဖြန့်ခွဲနေထိုင် ကြတာ။ ပထမဆုံးအကြိမ်တွေ့ဆုံကြတာ။ ကျွန်တော်တို့က NUG ရဲ့ ဦးဆောင်မှုနဲ့အတူ စစ်အာဏာရှင်ပြုတ်ကျတဲ့အထိ တိုက်ထုတ်သွားကြမှာပါ” ဟု The Youth Force (Saw&Kyaukhtu)၏ ပြန်ကြားရေးတာဝန်ခံတစ်ဦးက ပြောသည်။
The Youth Force (Saw&Kyaukhtu)သည် တော်လှန် ရေးအစကာလတွင် ယောဒေသတွင်း ပြည်သူ့ကာကွယ်ရေးတပ်ဖွဲ့တစ်ခုအဖြစ် စစ်ကောင်စီကို တိုက်ခိုက်ခဲ့သည်။ ယခုအခါ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနလက်အောက်ခံ ဂန့်ဂေါခရိုင်အမှတ် (၁၃) တပ်ရင်းဖြစ်လာသည်။
Public Service Announcement
The Youth Force (Saw&Kyaukhtu) အနေဖြင့် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန၏ လမ်းညွှန်မှု၊ ကွပ်ကဲမှုများကို ခံယူ၍ စစ်အာဏာရှင် အမြစ်ဖြတ်ချေမှုန်းရေး ၊ ဖက်ဒရယ်ဒီမိုကရေစီရရှိရေးအတွက် ဆက်လက်တိုင်ပွဲဝင်သွားမည်ဖြစ်သည်ဟုလည်း ထုတ်ပြန်ထားသည်။
