စစ်ကိုင်းတိုင်း၊ ရွှေဘိုမြို့နယ်၊ ရွာသာကျေးရွာရှိ ပျူစောထီးစခန်းနှင့် ပျူအဖွဲ့ဝင်များကို တစ်ရက်တည်း နှစ်ကြိမ်တိုက်ခိုက်ရာ ထိခိုက်မှုများရှိကြောင်း လျှပ်စီးမုန်တိုင်း ပြောက်ကျားတပ်ဖွဲ့ ပြန်ကြားရေးတာဝန်ခံ ကိုအောင်ဒင်က ပြောသည်။
ပလိုင်းကျေးရွာအုပ်စု၊ ရွာသာကျေးရွာစာသင်ကျောင်းတွင် စခန်းချထားသော ပျူများသည် ဇန်နဝါရီ ၂၂ ရက် နံနက် ၈ နာရီ ၁၅မိနစ်ခန့်က ပလိုင်းရွာသို့သွားရန် ဆိုင်ကယ် ခြောက်စီးဖြင့် ထွက်လာခဲ့သည်။
အဆိုပါ ပျူအုပ်စုကို ရွာသာဇရပ် အနောက်ဘက်အရောက်တွင် ကြိုတင်ပြင်ဆင်ထားသော မိုင်းနှစ်လုံးဖြင့် ဖောက်ခွဲတိုက်ခိုက်ရာ ပျူအချို့ ထိခိုက်ဒဏ်ရာရရှိသွားကြောင်း၊ ပတ်ဝန်းကျင်ကိုလည်း ရမ်းသမ်းပစ်ခတ်သွားကြောင်း လျှပ်စီးမုန်တိုင်း ပြောက်ကျားတပ်ဖွဲ့ ပြန်ကြားရေးတာဝန်ခံ ကိုအောင်ဒင်က ပြောသည်။
ထို့အပြင် ညနေ ၅ နာရီ ၄၅မိနစ်ခန့်တွင်လည်း ရော့ကတ် ရှော့တိုက်ဒုံးများဖြင့် ထပ်မံပစ်ခတ်တိုက်ခိုက်ရာ ရွာသာရွာရှိ ပျူစခန်းထဲသို့ ကျရောက်ထိမှန်ခဲ့ပြီး ပျူအများအပြား ထိခိုက်နိုင်သည်ဟု ဆိုသည်။
Public Service Announcement
“ရွာသာက ပျူရွာအဖြစ်သတ်မှတ်ထားတဲ့ရွာပါဗျ။ ပလိုင်းစာသင်ကျောင်းထဲက စစ်ကောင်စီလက်အောက်ခံပျူတွေက ရွာသာ ကျေးရွာစာသင်ကျောင်းမှာအထိုင်ချထားပါတယ်။ ပလိုင်းကစကစတွေက ပျူတွေကို ကာကင်းလုပ်ခိုင်းထားတဲ့သဘောပါဗျ။”ဟု ကိုအောင်ဒင်က ပြောသည်။
အဆိုပါ စစ်ဆင်ရေးကို ရွှေဘိုမြို့နယ် တိုက်နယ် (၅)လျှပ်စီးမုန်တိုင်း တပ်ဖွဲ့နှင့် SBDF ရွှေဘို တပ်ခွဲ (၁)တို့ ပူးပေါင်းဆောက်ရွက်ခဲ့ကြောင်း အသိပေးထားသည်။
