ပဲခူးတိုင်း၊ ညောင်လေးပင်မြို့နယ် ရန်ကုန် – မန္တလေးလမ်းဟောင်းရှိ စစ်ကောင်စီတပ်၏ ထောက်ပို့ဆက်သွယ်ရေးတံတားတစ်စင်းကို ‘နန်းထိုက်အောင်စစ်ဆင်ရေး’အဖြစ် မိုင်းခွဲဖြတ်တောက်ခဲ့ကြောင်း ပဲခူးတိုင်းစစ်ဒေသခွဲက ယနေ့(ဖေဖော်ဝါရီ ၉) ထုတ်ပြန်သည်။
ညောင်လေးပင်မြို့နယ် ထိန်တပင်နှင့် ထော်နွတ်ကျေးရွာကြားရှိ စစ်ကောင်စီ၏ ထောက်ပို့ဆက်သွယ်ရေးအဖြစ် အသုံးပြုနေသောတံတားအား ယနေ့နေ့လည် ၂ နာရီ ၄၇မိနစ်ခန့်က ညောင်လေးပင်မြို့နယ်(ပ.က.ဖ)နှင့် ကျောက်တံခါးမြို့နယ်(ပ.က.ဖ)တို့ ပူးပေါင်းပြီး မိုင်းခွဲဖြတ်တောက်ခဲ့ခြင်းဖြစ်သည်ဟု ဖော်ပြသည်။
“ ရ်ိက္ခာသယ်တာ ထိခိုက်နိုင်သလို ကုန်ပစ္စည်းစီးဆင်းမှုအပေါ်မှာလည်း အနည်းငယ်သက်ရောက်မှုရှိနိုင်ပါတယ်။ ဒါပေမဲ့ တံတားက တစ်ခြမ်းပဲပျက်စီးသွားတော့ သွားလို့တော့ရပါသေးတယ်” ဟု ပဲခူးတိုင်းတော်လှန်ရေးတပ်ဖွဲ့များနှင့် နီးစပ်သူတစ်ဦးက ပြောသည်။
အဆိုပါ မိုင်းခွဲဖြတ်တောက်ခဲ့သော ရန်ကုန် – မန္တလေးလမ်းဟောင်းပေါ်ရှိ စစ်ကောင်စီ ထောက်ပို့ဆက်သွယ်ရေးတံတားမှာ အရှည်ပေ ၆၀ရှိပြီး တံတားတစ်ခြမ်းကျိုးပဲ့ပျက်စီးသွားသော်လည်း လူထိခိုက်မှုမရှိကြောင်း အထက်ပါဒေသခံက ဆက်ပြောသည်။
Public Service Announcement
စစ်ဆင်ရေးတွင်ပါဝင်သော ညောင်လေးပင်(ပ.က.ဖ)နှင့် ကျောက်တံခါး(ပ.က.ဖ)မှတော်လှန်ရေးရဲဘော်များမှာ အောင်မြင်စွာဆုတ်ခွာနိုင်ခဲ့ကြောင်း ပဲခူးတိုင်းစစ်ဒေသခွဲက အသိပေးထားသည်။
