Connect with us

Hi, what are you looking for?

LuduNwayOo

သတင်း

ဖာပွန်ခရိုင် မဲဝိုင်ဒေသတိုက်ပွဲ စစ်ကောင်စီတပ် သုံးဦး ဒဏ်ရာရ၊ စစ်ကောင်စီက တိုက်လေယာဉ်၊ ရဟတ်ယာဉ်ဖြင့် ပစ်ခတ်

နေ့လည် ၁နာရီခွဲခန့်တွင် စစ်ကောင်စီက တိုက်လေယာဉ်တစ်စီးသည် မယ်ဝေဒေသ ထိုကော့ကျော်ခီးကျေးရွာအပေါ်ပျံဝဲကာ ဗုံးသီး သုံးလုံးနှင့် စက်သေနတ်အချက်ပေါင်းများစွာ ပစ်ခတ်ခဲ့ကြောင်း ထုတ်ပြန်သည်။

ဇန်နဝါရီအတွင်း အကြမ်းဖက်စစ်ကောင်စီစစ်တပ်မှ လေးဝါးကျေးရွာနှင့် လာဂေါ်ဒဲကျေးရွာကို လေယာဉ်ဖြင့်ဗုံးကြဲတိုက်ခိုက်ပြီးနောက် မြင်တွေ့ရစဥ်၊ ဓာတ်ပုံ - KNU-Mutraw News
ဇန်နဝါရီအတွင်း အကြမ်းဖက်စစ်ကောင်စီစစ်တပ်မှ လေးဝါးကျေးရွာနှင့် လာဂေါ်ဒဲကျေးရွာကို လေယာဉ်ဖြင့်ဗုံးကြဲတိုက်ခိုက်ပြီးနောက် မြင်တွေ့ရစဥ်၊ ဓာတ်ပုံ - KNU-Mutraw News

ကရင်အမျိုးသားအစည်းအရုံး(KNU) တပ်မဟာ(၅)နယ်မြေ ဖာပွန်ခရိုင် မဲဝိုင်(မဲဝေ)ဒေသတိုက်ပွဲ၌ စစ်ကောင်စီတပ်မှ သုံးဦး ဒဏ်ရာရခဲ့ကြောင်း တပ်မဟာ(၅)က သတင်းထုတ်ပြန် သည်။

ဖေဖော်ဝါရီ ၇ရက်က နေ့လည် ၁နာရီခန့်တွင် ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ(၅) လက်အောက်ရှိ တပ်ဖွဲ့ဝင်များသည် မယ်ဝေအုပ်စု တိုမယ်ခီးကျေးရွာအခြေစိုက် အကြမ်းဖက်စစ်ကောင်စီတပ်အား ဝင်ရောက်ပစ်ခတ်ခဲ့ခြင်းဖြစ်သည်ဟု ဆိုသည်။

ထိုသို့ တိုက်ခိုက်ရာ၌ အကြမ်းဖက်စစ်ကောင်စီတပ်မှ သုံးဦး အပြင်းအထန်ဒဏ်ရာရရှိခဲ့ကြောင်း၊ KNLA တပ်မဟာ(၅)ဘက်က ထိခိုက်မှုမရှိကြောင်း ဖော်ပြသည်။

နေ့လည် ၁နာရီခွဲခန့်တွင် စစ်ကောင်စီက တိုက်လေယာဉ်တစ်စီးသည် မယ်ဝေဒေသ ထိုကော့ကျော်ခီးကျေးရွာအပေါ်ပျံဝဲကာ ဗုံးသီး သုံးလုံးနှင့် စက်သေနတ်အချက်ပေါင်းများစွာ ပစ်ခတ်ခဲ့ကြောင်း ထုတ်ပြန်သည်။

Public Service Announcement

Public Service Announcement

ထိုသို့ တိုက်ခိုက်မှုကြောင့် လူနေအိမ်အချို့ ထိမှန် ပျက်စီးခဲ့ကြောင်း၊ ထို့နောက်မွန်းလွဲ ၂နာရီခန့်တွင်လည်း တိုက်ခိုက်ရေး ရဟတ်ယာဉ် တစ်စီးသည် မယ်ဝေကျေးရွာသို့ စက်သေနတ်များဖြင့် ပစ်ခတ်ခဲ့ပြီး ရိက္ခာတင်ရဟတ်ယာဉ် တစ်စီးထပ်မံ ရောက်ရှိကာ မယ်ဝေတပ်စခန်းအတွင်းသို့ ရိက္ခာ၊ လက်နက်ခဲယမ်းများဟုယူဆရသည့် အထုပ်ကြီး(၈)ထုပ်အား ကြဲချပေးသွားကြောင်း ဖော်ပြထားသည်။

KNU တပ်မဟာ(၅)နယ်မြေတွင် တိုက်ပွဲများ နေ့စဉ်နီးပါးဖြစ်ပွားခဲ့ပြီး စစ်ကောင်စီတပ်ကအထိနာလျက်ရှိ၍ စစ်ကောင်စီဘက်ကလေကြောင်း တိုက်ခိုက်မှုများ မကြာခဏပြုလုပ်လျက်ရှိသည်။ပြီးခဲ့သည့် ဇန်နဝါရီလအတွင်း တပ်မဟာ(၅)နယ်မြေတွင် တိုက်ပွဲပေါင်း ၂၀၀ ကျော်ဖြစ်ပွားခဲ့ပြီး စစ်ကောင်စီတပ်က ၅၀ ဦးနီးပါး သေဆုံးကာ ၅၀ ကျော် ဒဏ်ရာရခဲ့ကြောင်း တပ်မဟာ(၅)က ထုတ်ပြန်ထားသည်။

ဇန်နဝါရီအတွင်း အကြမ်းဖက်စစ်ကောင်စီစစ်တပ်မှ လေးဝါးကျေးရွာနှင့် လာဂေါ်ဒဲကျေးရွာကို လေယာဉ်ဖြင့်ဗုံးကြဲတိုက်ခိုက်ပြီးနောက် မြင်တွေ့ရစဥ်၊ ဓာတ်ပုံ – KNU-Mutraw News

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။