ရှမ်းပြည်နယ်နဲ့မန္တလေး နယ်စပ် နောင်ချိုမြို့နယ် ထဲမှာ စစ်ကောင်စီတပ်နဲ့ PDF တပ်တွေကြား တိုက်ပွဲ ဖြစ်နေပြီး စစ်ကောင်စီလေတပ်က လာရောက်ပစ်ခတ်တာတွေရှိနေတယ်လို့ ဒေသခံတွေဆီကစုံစမ်းသိရပါတယ်။
တိုက်ပွဲဟာ ဒီနေ့မနက်ပိုင်း ၆ နာရီဝန်းကျင်က နောင်ချို့မြို့နယ် ၊ဒိုးပင်ကျေးရွာအုပ်စုထဲက လုံခန်ရွာမှာ ဖြစ်ပွားခဲ့တာပါ။
” တိုက်ပွဲဖြစ်လို့ရွာသူ၊သားတွေအကုန်လုံးထွက်ပြေးရတာတွေရှိတယ်” လို့ဒိုးပင်ကျေးရွာ မှာ နေထိုင်သူဒေသခံတစ်ဦးက ပြောပါတယ်။
စစ်ကောင်စီတပ်ဟာ မန္တလေး PDF လှုပ်ရှားရာ နယ်မြေထဲ စစ်ကြောင်းထိုးလာပြီးနောက် တိုက်ပွဲဖြစ်တာလို့ မန္တလေး PDFဘက်က သိရပါတယ်။
Public Service Announcement
လက်ရှိအချိန်ထိ တိုက်ပွဲဖြစ်ပွားနေဆဲဖြစ်ပြီး စစ်ကောင်စီဘက်က လေကြောင်းတိုက်ခိုက်မှု ၃ကြိမ်ပြုလုပ်ခဲ့တယ်လို့ စုံစမ်းသိရပါတယ်။
ရှမ်းပြည်နယ်နဲ့မန္တလေး နယ်စပ် နောင်ချိုမြို့နယ်ထဲမှာ ပြီးခဲ့တဲ့နှစ်တွေအတွင်းကလည်း PDF နဲ့ စစ်ကောင်စီတပ်တွေကြား တိုက်ပွဲတွေပြင်းထန်ခဲ့ပါတယ်။
နောင်ချို့မြို့နယ်ဟာ မန္တလေးတိုင်းထဲက ပြင်ဦးလွင် ၊သပိတ်ကျင်း ၊မိုးကုတ် ၊ကျောက်ဆည်တို့ နဲ့ထိစပ်နေတဲ့ မြို့ဖြစ်ပါတယ်။
