အိမ်နီးချင်းနိုင်ငံတွေနဲ့ ဆက်ဆံရေးတည်ထောင်ဖို့လိုနေတယ်လို့ NUG ယာယီသမ္မတဆို

တော်လှန်ရေးအောင်မြင်ဖို့အတွက် အိမ်နီးချင်းနိုင်ငံတွေနဲ့ မဟာမိတ်ဆက်ဆံရေးတည်ထောင်ဖို့ NUG အစိုးရ ယာယီသမ္မတက ဒီနေ့ ပြုလုပ်တဲ့ အစိုးရအဖွဲ့အစည်းအဝေးမှာတိုက်တွန်းလိုက်ပါတယ်။

“အိမ်နီးချင်းနိုင်ငံတွေနဲ့ မိတ်ဖက်နိုင်ငံတွေ အဖြစ် အသွင်ပြောင်းတည်ဆောက်ရေးကို လက်တွေ့ကျကျ လုပ်ရပါလိမ့်မယ်” လို့ NUG ယာယီသမ္မတက ဆိုပါတယ်။

ပြည်တွင်းရေးဟာ ပထဝီနိုင်ငံရေးနဲ့တိုက်ရိုက် သက်ဆိုင်နေပြီး အိမ်နီးချင်းနိုင်ငံတွေထဲမှာလည်း နွေဦးတော်လှန်ရေးအပေါ်မတူတဲ့သဘောထားတွေရှိတယ်လို့ ယာယီသမ္မတက ပြောပါတယ်။

ဒီအခြေအနေတွေရှိနေတာကို နားလည်လက်ခံပြီး လက်တွေ့ကျတဲ့ သံခင်းတမန်ခင်း မူဝါဒတွေနဲ့ ရှေ့ဆက်ဖို့ လိုနေတယ်လို့ ယာယီသမ္မတ က NUG အစိုးရအဖွဲ့ကို ပြောပါတယ်။

Public Service Announcement

မြန်မာနိုင်ငံရဲ့အိမ်နီးချင်းနိုင်ငံတွေဟာ အာဏာသိမ်း စစ်ကောင်စီ နဲ့ထိတွေ့ဆက်ဆံမှုတွေရှိနေပါတယ်။

အဲဒီနိုင်ငံတွေထဲက အင်အားကြီး တရုတ်နဲ့ အိန္ဒိယကို NUG အစိုးရက နွေဦးတော်လှန်ရေးဟာ သက်ဆိုင်ရာနိုင်ငံတွေရဲ့အကျိုးစီးပွားကိုထိခိုက်မှု ရှိစေမှာမဟုတ်ဘူးလို့သတင်းစကားပါးထားပါတယ်။