မြန်မာ့အရေးဆုံးဖြတ်ချက်ကို စစ်ကောင်စီ လိုက်နာအကောင်အထည်ဖော်တာ ရှိမ ရှိကို ကုလသမဂ္ဂ လုံခြုံရေးကောင်စီအဖွဲ့ဝင်တွေဟာ လာမယ့် မတ်လလလယ်ပိုင်းမှာ ပြန်လည်သုံးသပ်ဆွေးနွေးကြဖို့ ရှိတယ်လို့ သံအမတ်ကြီး ဦးကျော်မိုးထွန်းက ပြောလိုက်ပါတယ်။
လုံခြုံရေး ကောင်စီဟာ အာဏာသိမ်း စစ်ကောင်စီ လိုက်နာရမယ့် မြန်မာ့အရေး ဆုံးဖြတ်ချက်ကို ပြီးခဲ့တဲ့ နှစ်ဒီဇင်ဘာလအတွင်း ချမှတ်ခဲ့တာပါ။
အဲဒီနောက်၂ လကျော်အကြာ မတ်လမှာ ဒီဆုံးဖြတ်ချက်တွေကို စစ်ကောင်စီလိုက်နာမှု ရှိ မရှိ မြန်မာနိုင်ငံဆိုင်ရာကုလအထူးကိုယ်စားလှယ် က အစီရင်ခံစာတင်သွင်းမှာဖြစ်ပြီး လုံခြုံရေးကောင်စီက သုံးသပ်မှာဖြစ်ပါတယ်။
လုံခြုံရေးကောင်စီ ရဲ့ဆွေးနွေးပွဲဟာ တံခါပိတ်ဖြစ်မလား ၊ အများကြားနာနိုင်မယ့် တံခါးဖွင့်ဆွေးနွေးပွဲ ဖြစ်မလားဆိုတာကိုတော့ မသိရသေးဘူးလို့ သံအမတ်ကြီးဦးကျော်မိုးထွန်းက ဖေဖော်ဝါရီလ ၁၃ ရက်က ပြောပါတယ်။
Public Service Announcement
လုံခြုံရေးကောင်စီရဲ့ ဆုံးဖြတ်ချက်တွေထဲမှာ ဒေါ်အောင်ဆန်းစုကြည်နဲ့ဖမ်းဆီးထားသူတွေကို လွှတ်ဖို့ ၊အကြမ်းဖက်မှုတွေ ရပ်တန့်ဖို့ ၊ အာဆီယံဘုံသဘောတူညီချက်တွေကိုအကောင်အထည်ဖော်ဖို့ ၊ ဒီမိုကရေစီနဲ့လူ့အခွင့်အရေးကိုလေးစာလိုက်နာဖို့အချက်တွေပါပါတယ်။
အဲဒီဆုံးဖြတ်ချက်တွေဟာ ပြည်တွင်းရေးကို ဝင်စွတ်ဖက်တဲ့အချက်တွေဖြစ်ပြီး လုံခြုံရေးကောင်စီရဲ့လုပ်ပိုင်ခွင့်ထဲမှာ မရှိနေဘူးလို့ စစ်ကောင်စီဘက် ပြန်တုံ့ပြန်ထားတာတွေ့ရပါတယ်။
နိုင်ငံရေးအကဲခတ်တွေက လုံခြုံရေးကောင်စီရဲ့ဆုံးဖြတ်ချက်ကို မလိုက်နာရင် ထိထိရောက်ရောက် အရေးယူမှု အပိုင်းမပါတဲ့အတွက် စစ်ကောင်စီဟာအလေးအနက်မထားတာလို့ သုံးသပ်ထားကြပါတယ်။
