ဒေါ်လာလေးသန်းတန် မိုးကုတ်ရှိ ကျောက်မျက်တူးဖော်ရေးတွင်းတစ်ခုကို လုပ်ငန်းရှင်တစ်ဦးကဝယ်ယူသွားကြောင်း အမျိုးသားညီညွတ်ရေးအစိုးရအဖွဲ့၊ ကျောက်မျက်ရောင်းချရေးဖြစ်သည့် Early Partnership Programက ယနေ့ ထုတ်ပြန်ကြေညာသည်။
လုပ်ငန်းရှင် ဝယ်ယူသွားသောကျောက်မျက်တွင်းမှာ မိုးကုတ်မြို့ရှိ ကင်း-၂ အမည်ဖြင့် ကျောက်မျက်တူးဖော်ရေးတွင်း နံပတ် -၁၇ ဖြစ်သည်။
အမျိုးသားညီညွတ်ရေးအစိုးရက နွေဦးတော်လှန်ရေးရန်ပုံငွေအဖြစ် မိုးကုတ်မြို့ရှိ ကျောက်မျက်တွင်း ၄၅ခုကို ရောင်းချနေခြင်းဖြစ်သည်။
ယခု ကင်း-၂ ကျောက်မျက်တွင်းကို လုပ်ငန်းရှင်တစ်ဦးက ဝယ်ယူခွင့်ရရှိခဲ့ပြီး ကျန် ၄၄ တွင်းအတွက်လည်း ဝယ်ယူရန် ကမ်းလှမ်းမှုအမြောက်အမြားရှိနေသည်ဟု NUGက ဆိုသည်။ ထိုကျောက်မျက်တွင်း ၄၅ တွင်းစုစုပေါင်းမှာ ဒေါ်လာသန်း ၄၈၀ ကျော်ရှိပြီး ၎င်းတို့ကို ဒေါ်လာ ၁၄၄ ဒသမ ၆ သန်းဖြင့် ရောင်းချရန်စီစဉ်နေခြင်းဖြစ်သည်။
Public Service Announcement
မိုးကုတ်ကျောက်မျက်တွင်းများအတွက် အလောတကြီး ဝယ်ယူရန် စိတ်ဝင်စားသည့် လုပ်ငန်းရှင် ၁၄ ဦးရှိသည်ဟုလည်း အရောင်းကိုယ်စားလှယ်အချို့ကပြောသည်။
ယခုရောင်းထွက်ခဲ့သည့် ကျောက်မျက်တွင်းသည် အပြာရောင်နီလာ၊ ပတ္တမြား၊ မြ၊ သလင်းကျောက် စသည့် အဖိုးတန် ကျောက်မျက်များထွက်ရှိသည် နေရာဖြစ်သည်ဟု NUG၊ သယံဇာတနှင့်သ ဘာဝပတ်ဝန်းကျင်ထိန်းသိမ်းရေးဝန်ကြီးဌာက အသိပေးထားသည်။
ထိုလုပ်ကွက်သည် မြေဧက ၃၀ခန့်ကျယ်ဝန်းပြီး ဈေးကွက်ပေါက်ဈေး ဒေါ်လာ ၄ သန်းရှိသည်။ ၎င်းလုပ်ကွက်ကို ဒေါ်လာ ၁ ဒသမ ၂ သန်းဖြင့်ရောင်းချမည်ဖြစ်ပြီးတော်လှန်ရေးကာလအတွင်း ဒေါ်လာ ၄၈၀,၀၀၀ ပေးသွင်းရမည်ဖြစ်သည်။
