ရန်သူတွေက စိတ်ဓာတ်အင်အားချိနဲ့နေကြတော့ အလွယ်တကူပဲ သိမ်းပိုက်နိုင်ခဲ့ပါတယ်”- ဗမာပြည်သူ့လွတ်မြောက်ရေးတပ်တော်(BPLA) တာဝန်ခံ မောင်ဆောင်းခ
ရန်သူတွေက စိတ်ဓာတ်အင်အားချိနဲ့နေကြတော့ အလွယ်တကူပဲ သိမ်းပိုက်နိုင်ခဲ့ပါတယ်”- ဗမာပြည်သူ့လွတ်မြောက်ရေးတပ်တော်(BPLA) တာဝန်ခံ မောင်ဆောင်းခကရင်အမျိုးသားအစည်းအရုံး(KNU) ဖာပွန်ခရိုင် ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ(၅)နယ်မြေရှိ စစ်ကောင်စီတပ်စခန်း တစ်ခုကို ယနေ့မနက်တွင် တိုက်ခိုက်သိမ်းပိုက်နိုင်ခဲ့ကြောင်း ဗမာပြည်သူ့လွတ်မြောက်ရေးတပ်တော်(BPLA)က သတင်းထုတ်ပြန်သည်။
KNLA၊BPLA၊ ပြည်သူ့ကာကွယ်ရေးတပ်မတော် (PDF)နှင့် Force for Federal Democracy(FFD) တို့ပါဝင်သော မဟာမိတ်ပူးပေါင်းအဖွဲ့မှ တိုက်ခိုက်ခဲ့ခြင်းဖြစ်ကြောင်း ဖော်ပြသည်။
KNU တပ်မဟာ (၅)နယ်မြေအတွင်းရှိ စစ်ကောင်စီနှင့် BGF ပူးတွဲနေထိုင်သော တပ်စခန်းတစ်ခုကို နံနက် ၆နာရီခန့်တွင် တိုက်ခိုက်ခဲ့ရာ မိနစ်အနည်းငယ်ကြာပစ်ခတ်ရုံဖြင့် ရန်သူများကြောက်လန့်တကြား စခန်းစွန့်ခွာထွက်ပြေးသွားကြောင်း ထုတ်ပြန်သည်။
“ကျနော်တို့ မဟာမိတ်ပူးပေါင်းအဖွဲ့ဘက်က စကစနဲ့ BGF တို့ပူးတွဲနေထိုင်ကြတဲ့စခန်းကို အလစ်ဝင်တိုက်ကြတာဖြစ်ပါတယ်။ ရန်သူတွေက စိတ်ဓာတ်အင်အားချိနဲ့နေကြတော့ အလွယ်တကူပဲ သိမ်းပိုက်နိုင်ခဲ့ပါတယ်”ဟုဗမာပြည်သူ့လွတ်မြောက်ရေးတပ်တော်(BPLA) တာဝန်ခံ မောင်ဆောင်းခက People’s Spring သတင်းဌာနသို့ပြောသည်။
Public Service Announcement
နာရီဝက်ခန့်အကြာတွင် စခန်းကို သိမ်းပိုက်နိုင်ခဲ့ကာ ရန်သူ့အလောင်းတစ်လောင်း၊ လက်နက် နှစ်လက်နှင့် ဆက်စပ်ပစ္စည်းများရရှိခဲ့သည်ဟုဆိုသည်။
တိုက်ပွဲအတွင်း မဟာမိတ်ပူးပေါင်းအဖွဲ့ဘက်မှ ထိခိုက်ဒဏ်ရာရမှုမရှိခဲ့ကြောင်း မြေပြင်သတင်းပေးပို့ချက်အရ သိရသည်ဟု ဖော်ပြသည်။
တပ်မဟာ(၅)နယ်မြေတွင် စစ်ကောင်စီတပ်စခန်းများကို တိုက်ခိုက်သိမ်းပိုက်ခြင်း၊ စစ်ကောင်စီတပ်စခန်းနှင့် စ်စကြောင်းများကို ခြုံခိုတိုက်ခိုက်ခြင်းများကို KNLA ဦးဆောင်သည့် တော်လှန်ရေး တပ်ဖွဲ့များက မကြာခဏ ဆောင်ရွက်ခဲ့သည်။
သိမ်းဆည်းရမိသော ခဲယမ်းများနှင့် ပူးပေါင်းအဖွဲ့မှ ရဲဘော်များအား တွေ့ရစဉ်၊ ဓာတ်ပုံ – BPLA
