မုန်းမြို့နယ်အတွင်း လက်နက်ကြီးရန်ကြောင့် တစ်ဦးထိခိုက်ဒဏ်ရာရပြီး ၆၀၀ ကျော်ထွက်ပြေးရ

ကော်သူးလေအုပ်ချုပ်နယ်မြေ (မူး)မုန်းမြို့နယ်အတွင်းတွင် စစ်ကောင်စီတပ်က ကျေးရွာအတွင်း လက်နက်ကြီးနှင့်ပစ်ခတ်ခဲ့သောကြောင့် ဒေသခံတစ်ဦး ထိခိုက်ဒဏ်ရာရရှိခဲ့ပြီး ပြည်သူပေါင်း(၆၀၀)ကျော် ထွက်ပြေးတိမ်းရှောင်နေရခဲ့ရသည်။

ဖေဖေါ်ဝါရီလ(၂၄)ရက်က မုန်းမြို့နယ် ညောင်ပင်သာကျေးရွာအတွင်းသို့ စစ်ကောင်စီတပ် ဝင်ရောက်လာပြီး လက်နက်ကြီးများဖြင့် ပစ်ခတ်ခဲ့သည့်အတွက် ဒေသခံအမျိုးသားတစ်ဦး လက်နက်ကြီးစ ထိမှန်ဒဏ်ရာရရှိခဲ့ကာ တောင်ငူဆေးရုံကို ပို့ဆောင်ခဲ့ရကြောင်း KNU က ထုတ်ပြန်သည်။

လက်နက်ကြီးပစ်ခတ်မှုကြောင့် ဒေသခံတချို့၏ နေအိမ်များလည်း ပျက်စီးသွားခဲ့ပြီး ဒေသခံပြည်သူများ ကျေးရွာအတွင်း မနေရဲတော့ကာ ဘေးလွတ်ရာသို့ ထွက်ပြေးတိမ်းရှောင်နေကြရသည်။

ထိုသို့ ဒေသခံပြည်သူများ ထွက်ပြေးတိမ်းရှောင်ပြီးနောက် စစ်ကောင်စီတပ်က တစ်အိမ်ဝင်တစ်အိမ်ထွက် ဝင်ရောက်မွှေနှောက်ပြီး အဖိုးတန်ပစ္စည်းများကို ခိုးယူသွားခဲ့သလို ယခုလို ပစ်ခတ်မှုကြောင့် ထွက်ပြေးတိမ်ရှောင်နေရသည့် ဒေသခံပြည်သူဦးရေ(၆၀၀)ကျော်ခန့်ရှိသည်ဟု ကေအဲန်ယူ၏ ထုတ်ပြန်ချက်အရ သိရသည်။

Public Service Announcement

ကရင်အရပ်ဘက်အဖွဲ့အစည်းတစ်ခုဖြစ်သည့် ကရင်ငြိမ်းချမ်းရေးအထောက်အကူပြုကွန်ယက်(KPSN)၏ ထုတ်ပြန်ထားချက်အရ ကော်သူးလေအုပ်ချုပ်နယ်မြေတွင် ထွက်ပြေးတိမ်းရှောင်နေရသည့် ဒေသခံပြည်သူလူထုဦးရေ (၅၀၀၀၀၀)ကျော်ရှိပြီး လူသားချင်းစာနာထောက်ထားမှုအကူအညီများ လိုအပ်လျက်ရှိသည်ဟု သိရသည်