Connect with us

Hi, what are you looking for?

LuduNwayOo

သတင်း

ဖယ်ခုံတိုက်ပွဲ ပအိုဝ်းပြည်သူ့စစ်နှင့် စစ်ကောင်စီတပ်သား ၉ဦးသေ

ယမန်နေ့ မွန်းလွဲပိုင်း၌ ကရင်နီတပ်မတော်(KA)၊KNDF၊PDF ပူးပေါင်းတပ်နှင့် စစ်ကောင်စီတပ်၊ ပအိုပ်အမျိုးသားတပ်မတော်(PNA)တို့ ဖယ်ခုံမြို့နယ် ပြည်လုံးရွာ၌ တွေ့ဆုံတိုက်ပွဲဖြစ်ခဲ့သည်ဟု ဆိုသည်။

ပအိုပ်အမျိုးသားတပ်မတော်(PNA)မှ ကျန်ရှိသည့် အသုံးအဆောင်အချို့အား တွေ့ရစဥ်၊ ဓာတ်ပုံ - ကရင်နီစစ်ဖက်ဆိုင်ရာ ဗဟိုသတင်းထုတ်ပြန်ရေးအဖွဲ့(KMIC)
ပအိုပ်အမျိုးသားတပ်မတော်(PNA)မှ ကျန်ရှိသည့် အသုံးအဆောင်အချို့အား တွေ့ရစဥ်၊ ဓာတ်ပုံ - ကရင်နီစစ်ဖက်ဆိုင်ရာ ဗဟိုသတင်းထုတ်ပြန်ရေးအဖွဲ့(KMIC)

လက်နက် ၈လက်နှင့် ကျည်များရဟု ကရင်နီတပ်အသိပေး

ရှမ်းပြည်နယ် ဖယ်ခုံမြို့နယ်၌ ယမန်နေ့(ဖေဖော်ဝါရီ ၂၇ရက်)က တိုက်ပွဲဖြစ်ပွားရာ စစ်ကောင်စီနှင့် ၎င်း၏လက်အောက်ခံ ပအိုဝ်းပြည်သူ့စစ်(PNO/PNA)တပ်ဖွဲ့ဝင် ၉ဦးသေဆုံးခဲ့သည်ဟု ကရင်နီစစ်ဘက်ဆိုင်ရာသတင်းထုတ်ပြန်ရေးအဖွဲ့က ယနေ့ သတင်းထုတ်ပြန်သည်။

ယမန်နေ့ မွန်းလွဲပိုင်း၌ ကရင်နီတပ်မတော်(KA)၊KNDF၊PDF ပူးပေါင်းတပ်နှင့် စစ်ကောင်စီတပ်၊ ပအိုပ်အမျိုးသားတပ်မတော်(PNA)တို့ ဖယ်ခုံမြို့နယ် ပြည်လုံးရွာ၌ တွေ့ဆုံတိုက်ပွဲဖြစ်ခဲ့သည်ဟု ဆိုသည်။

အဆိုပါတိုက်ပွဲအတွင်း စစ်ကောင်စီတပ်နှင့် PNA ပူးပေါင်းတပ်မှ သေဆုံးဒဏ်ရာရရှိခဲ့ပြီး M.16 (၃)လက်၊ AK(၁)လက်၊ 9MM(၄)လက်နှင့် ကျည်များသိမ်းဆည်းရရှိကြောင်း ကရင်နီတပ်က အသိပေးသည်။

Public Service Announcement
Public Service Announcement

တော်လှန်ရေးပူးပေါင်းတပ်ဖွဲ့မှ စစ်သည် တစ်ဦးကျဆုံးကာ အချို့ဒဏ်ရာရခဲ့သည်ဟု ဆိုသည်။

Public Service Announcement

Public Service Announcement

“စကစ ပူးပေါင်းတပ်ကသေတဲ့သူက ၉ ဦး ထက်တောင်ပိုများဖို့ရှိတယ်။ကျွန်တော်တို့ဘက်ကတော့ KA ရဲဘော်တစ်ဦးကျဆုံးခဲ့ရတယ်”ဟု ကရင်နီစစ်ရေးသတင်းရင်းမြစ်က လူထုနွေဦးသို့ ပြောသည်။

ဖေဖော်ဝါရီ ၂၆ရက်က ဖရူဆိုမြို့နယ်၊ အမှတ်(၁၄)တန်းမြှင့်လေ့ကျင့်ရေးကျောင်း ရှိ စစ်ကောင်စီအသုံးပြုနေသည့် သောက်သုံးရေပိုက်များကို တော်လှန်ရေးအင်အားစုများက ဖျက်စီးခဲ့ရာ ရေပိုက် ကြည့်ရှုစစ်ဆေးရန်နှင့် ပြင်ဆင်ရန်ထွက်လာသည့် စစ်ကောင်စီတပ်ကို လောဂျာကျေးရွာအနီးတွင် ကရင်နီပူးပေါင်းတပ်က ဝင်ရောက်ပစ်ခတ်ခဲ့ကြောင်းလည်း သတင်းထုတ်ပြန်သည်။

အလားတူ ယခုလ ၂၆ ရက်ကလည်း ရှားတောမြို့ဗျူဟာကုန်းသို့ ရိက္ခာပို့ဆောင်သည့် စစ် ကောင်စီယာဥ်တန်း ကြားဖြတ်တိုက်ခိုက်ရာ စစ်ကောင်စီတပ်သား ငါးဦးသေဆုံးပြီး အများအ ပြားဒဏ်ရာရရှိကြောင်း KMICက သီး ခြားထုတ်ပြန်ထားသည်။

စစ်ကောင်စီတပ်က လက်နက်ကြီးများဖြင့် ပြန်လည်ပစ်ခတ်ခဲ့ရာ KNDF တပ်ဖွဲ့ဝင်တစ်ဦး ဒဏ်ရာရခဲ့သည်ဟု ဆိုသည်။

ဖေဖော်ဝါရီ ၂၅ရက်ကလည်း အမှတ်(၁၄)တန်းမြှင့်စစ်လေ့ကျင့်ရေးကျောင်းမှ ထွက်လာသောစစ်ကောင်စီတပ်ကို KA၊KRG.Force နှင့် KNDFပူးပေါင်းတပ်တို့မှ စတင်ပစ်ခတ်ခဲ့ရာ စစ်ကောင်စီတပ်ဖက်မှ တစ်ဦးသေဆုံးကာ အချို့ဒဏ်ရာရခဲ့သည်ဟု ကရင်နီစစ်ဘက်ဆိုင်ရာ သတင်းထုတ်ပြန်ရေးအဖွဲ့က ထုတ်ပြန်ခဲ့ပြီး ယင်းဖြစ်စဉ်၌ တော်လှန်ရေး ရဲဘော်များထိခိုက်မှုမရှိဟု အသိပေးထားသည်။

ဆက်စပ်သတင်းများ

သတင်း

ကရင်အမျိုးသားအစည်းအရုံး(KNU) ဖာပွန်ခရိုင် တပ်မဟာ(၅)နယ်မြေတွင် ဇူလိုင်လအတွင်းတိုက်ပွဲ ၆၆ကြိမ်ဖြစ်ပွားခဲ့ကြောင်း KNU တပ်မဟာ(၅)က သတင်းထုတ်ပြန်သည်။

သတင်း

ကရင်အမျိုးသားအစည်းအရုံး(KNU) ဖာပွန်ခရိုင် တပ်မဟာ(၅)နယ်မြေ တွင် ဇူလိုင်လအတွင်းတိုက်ပွဲ ၆၆ကြိမ်ဖြစ်ပွားခဲ့ကြောင်း KNU တပ်မဟာ(၅)ကသတင်းထုတ်ပြန်သည်။

သတင်း

စစ်တက္ကသိုလ်များရှိရာ ပြင်ဦးလွင်မြို့တွင် မနက်ဖန်(ဇူလိုင် ၂၀ရက်) တိုက်ပွဲဖြစ်မည်ဟုဆိုကာ ဒေသခံများအကြား ပြောဆိုသတင်းပျံ့နေသည်။

သတင်း

မန္တလေးတိုင်း၊ သပိတ်ကျင်းမြို့နယ်၊ ချောင်းကြီးကျေးရွာကို စစ်ကောင်စီက လေကြောင်းတိုက်ခိုက်ခဲ့ရာ ဒေသခံပြည်သူ ၇ဦး သေဆုံးကြောင်း ဒေသခံများက ပြောသည်။