'/%3E%3C/svg%3E){kind=small}
▪︎စစ်တပ်မှသေဆုံးထိခိုက်မှုရှိသဖြင့် ရဟတ်ယာဥ်နှင့်ဖိုက်တာဂျက်အသုံးပြုသော်လည်းPDFများထိခိုက်မှုမရှိ
ပေါက်မြို့နယ်အတွင်းစစ်ကြောင်းထိုးလာ၍ ပြည်သူပိုင်ပစ္စည်းများကိုဖျက်ဆီးလာသော စစ်ကောင်စီတပ်ကို ဒေသခံပြည်သူ့ကာကွယ်ရေးမဟာမိတ်တပ်ပေါင်းစုက တိုက်ခိုက်ရာ အထိနာ၍စစ်ကြောင်း နောက်ပြန်ဆုတ်သွားကြောင်းပေါက်မြို့နယ်၊ သနပ်ပင်ဇင်းကျေးရွာကို အင်အား၁၀၀ဖြင့် မတ်၁၄ရက်က စစ်ကြောင်းထိုးလာသည့် စစ်ကောင်စီစစ်ကြောင်းကို မတ် ၁၅ ရက်(ယမန့်နေ့)နေ့က မဟာမိတ်တပ်ပေါင်းစု ဝိုင်းဝန်းတိုက်ခိုက်ခဲ့သည်။ဝိုင်းဝန်းတိုက်ခိုက်ခံရသောစစ်တပ်စစ်ကြောင်းသည် ယမန်နေ့ညနေပိုင်းတွင် ၎င်းတို့ အထိုင်စခန်းကို ပြန်လည်ဆုတ်ခွာသွားခြင်းဖြစ်ကြောင်းအနောက်ပိုင်းတိုင်းတပ်ရင်း (၇၀၃)မှတာဝန်ရှိသူကရှင်းပြသည်။
စစ်ကောင်စီစစ်ကြောင်းသည် ကျေးရွာအတွင်းဝင်ရောက်ပြီး နေအိမ်နှစ်လုံးနှင့် ဆိုင်ကယ်များအပါအဝင်ပြည်သူပိုင်ပစ္စည်းများကို မီးရှို့ဖျက်ဆီးခဲ့၍ ဒေသတွင်း မဟာမိတ်တပ်ပေါင်းစုက တိုက်ခိုက်ခဲ့ခြင်းဖြစ်သည်။
“ဒီဘက်ကျေးရွာတွေကို စစ်ကြောင်းထိုးဖို့ရောက်လာတာကို ကာကွယ်ရေးတပ်တွေက စုပေါင်းပြီးတိုက်ခိုက်ခဲ့တာပါ။သူတို့က ၇ ယောက်၈ယောက်လောက်ထိတယ်။ ဒါကြောင့် သူတို့ဘက် လေယာဉ်နဲ့ လာပစ်သွားတယ်”ဟု အနောက်ပိုင်းတပ်ရင်း ၇၀၃ တာဝန်ရှိသူကPeople’s Spring သတင်းဌာနသို့ပြောသည်။
ဒေသခံပြည်သူ့ကာကွယ်ရေးတပ်များ၏ တိုက်ခိုက်မှကြောင့်စစ်ကောင်စီစစ်ကြောင်းသည် သနပ်ပင်ဇင်းကျေးရွာမှ ၎င်းတို့အခြေစိုက်ရာ ပျူစောထီးကျေးရွာဖြစ်သည့် ကုက္ကိုလ်စုရွာကို မတ် ၁၅ရက် ညနေပိုင်းတွင် ပြန်လည်ဆုတ်ခွာသွားသည်။
Public Service Announcement
စစ်ကောင်စီတပ်က နေ့လယ် ၁၂ နာရီခန့်က ရဟတ်ယာဉ်တစ်စီးဖြင့် ၇ကြိမ်လာရောက်ပစ်ခတ်ခဲ့ပြီး ၊ညပိုင်းတွင် ဖိုက်တာဂျက်လေယာဥ်ဖြင့် ဗုံးကျဲသော်လည်း ဒေသခံကာကွယ်ရေးတပ်များဘက်မှ အထိအခိုက်မရှိကြောင်းပါဝင်တိုက်ခိုက်နေသည် ရဲဘော်တစ်ဦးကပြောသည်။
