Connect with us

Hi, what are you looking for?

LuduNwayOo

သတင်း

ရွှေကူနယ် မံဝိန်းရွာကို လေကြောင်းတိုက်ခိုက်ခြင်း၊ စစ်ကြောင်းများ ဝင်ရောက်မီးရှို့ခြင်းကြောင့် နေအိမ် ၁၀၀ကျော် မီးလောင်ပြာကျ

ယမန်နေ့ (မတ်လ ၃၀ရက်( နေ့လည်ပိုင်းက မံဝိန်းရွာကို စစ်ကောင်စီတပ်က လေကြောင်းတိုက်ခိုက်ခဲ့ရာ နေအိမ် နှစ်လုံး မီးလောင်ပျက်စီးခဲ့ပြီး မီးကူးစက်မှုများ ရှိခဲ့သည်ဟု ဖော်ပြသည်။

(ကချင်ပြည်နယ် မံဝိန်းရွာကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်၊ မီးရှို့ဖျက်ဆီးပြီးနောက် ဝေဟင်မှ မြင်တွေ့ရစဉ်)

ကချင်ပြည်နယ် မံဝိန်းရွာကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့သည့်အပြင် စစ်ကြောင်းများ ဝင်ရောက်၍ နေအိမ်များကို မီးရှို့ဖျက်ဆီးခဲ့ရာ နေအိမ် ၁၀၀ကျော် မီးလောင်ပြာကျခဲ့ရသည်ဟု ရွှေကူပြည်သူ့ကာကွယ်ရေးတပ်(PDF)က ယနေ့ နေ့လည်ပိုင်းတွင် သတင်းထုတ်ပြန်သည်။

ယမန်နေ့ (မတ်လ ၃၀ရက်( နေ့လည်ပိုင်းက မံဝိန်းရွာကို စစ်ကောင်စီတပ်က လေကြောင်းတိုက်ခိုက်ခဲ့ရာ နေအိမ် နှစ်လုံး မီးလောင်ပျက်စီးခဲ့ပြီး မီးကူးစက်မှုများ ရှိခဲ့သည်ဟု ဖော်ပြသည်။

ထို့ပြင် စစ်ကောင်စီ၏ တပ်မ(၈၈)လက်အောက်ခံ တပ်များက ကျေးရွာအတွင်း နေအိမ်များကို မီးရှို့ ဖျက်ဆီးမှု ပြုလုပ်ခဲ့ခြင်းဖြစ်ကြောင်း၊ လူနေအိမ် ၁၀၀ ထက်မနည်း မီးလောင်ပျက်စီးခဲ့ပြီး စပါးကျီများလည်း မီးလောင်ပျက်စီးခဲ့ကြောင်း ထုတ်ပြန်သည်။

ကျေးရွာကို မီးရှို့ဖျက်ဆီးခဲ့၍ ပျက်စီးဆုံးရှုံးခဲ့မှုများကို ဝေဟင်မှရိုက်ကူးထားသည့် ရုပ်သံမှတ်တမ်းကိုလည်း ဖော်ပြခဲ့ရာ ရွာတန်းရှည်၏ သုံးပုံနှစ်ပုံခန့် မီးလောင်ပြာကျခဲ့သည်ကိုတွေ့ရသည်။

Public Service Announcement

Public Service Announcement

စစ်ကောင်စီတပ်သည် မတ်လ ၂၄ရက်ကလည်း ရွှေကူမြို့နယ် နတ်လန်ရွာမှ နေအိမ်အချို့ကို မီးရှို့ဖျက်ဆီးခဲ့သည်။

မတ်လ ၂၀ရက်တွင် ရွှေကူမြို့မှ ထွက်လာသည့် စစ်ကြောင်းက မြို့နယ်အတွင်းရှိ ကျေးရွာများကို စစ်ကြောင်းထိုး ဝင်ရောက်လာ၍ ကချင်လွတ်လပ်ရေးတပ်မတော်(KIA)နှင့် PDF ပူးပေါင်းတပ်ဖွဲ့များက ခုခံတိုက်ခိုက်လျက်ရှိရာ တိုက်ပွဲများ ဆက်တိုက်ဖြစ်ပွားနေသည်။ စစ်ကောင်စီတပ်က အထိနာ၍ မတ်လ ၂၅ရက်နှင့် ၃၀ ရက်နေ့များ၌ လေကြောင်းမှ ပစ်ကူပေးတိုက်ခိုက်ခဲ့သည်။

ဆက်စပ်သတင်းများ

သတင်း

စခန်းအများအပြား လက်လွှတ်လိုက်ရသည့် စစ်ကောင်စီက လေကြောင်းမှ အချိန်မရွေးတိုက်ခိုက်လာနိုင်ကြောင်း ဒေသခံများအား ကာကွယ်ရေးရဲဘော်များက သတိပေးသည်။

နိုင်ငံတကာ

အစ္စရေး စစ်တပ်ကတော့ လေတပ် တိုက်လေယာဉ်တွေဟာ ဟားမားစ်တွေရဲ့ အခြေခံ အဆောက်အအုံ နေရာတွေကို ပစ်မှတ်ထား တိုက်ခိုက်ခဲ့ပြီး အသေးစိတ် အချက်အလက်တွေကို မကြာခင် ထုတ်ပြန်သွားမယ်လို့ ကြေညာထားပါတယ်။

သတင်း

တောင်ကုတ်မြို့နယ်၊ ကံဆိပ်ကျေးရွာကို တိုက်ပွဲဖြစ်ပွားခြင်းမရှိဘဲ စစ်ကောင်စီက လေကြောင်းဗုံးကြဲတိုက်ခိုက်ခြင်းဟု ဒေသခံများကပြောသည်။

သတင်း

စစ်ကောင်စီက လေကြောင်းနှင့် ဒရုန်းများဖြင့် ပစ်ခတ်တိုက်ခိုက်မှုများ အရှိန်မြင့်လာသည့် အပေါ် ယနေ့(ဇွန်လ ၁၁ရက်)တွင် သတိပေးထုတ်ပြန်ခြင်းဖြစ်သည်။