Connect with us

Hi, what are you looking for?

LuduNwayOo

သတင်း

မြန်မာနိုင်ငံတစ်ဝန်းပြည်တွင်းနေရပ်စွန့်ခွာထွက်ပြေးရသူဦးရေ ၁ ဒသမ ၈ သန်းနီးပါးရှိလာဟု ကုလထုတ်ပြန်

ဒီအထဲကမှ လူဦးရေ ၁ ဒသမ ၄ သန်းကျော်ဟာ ၂၀၂၁ ဖေဖော်ဝါရီ အာဏာသိမ်းယူမှုအပြီး ဖြစ်ပေါ်လာတဲ့ ပဋိပက္ခနဲ့ မလုံခြုံမှုတွေကြောင့် နေရပ်စွန့်ခွာထွက်ပြေးကြရသူတွေဖြစ်တယ်လို့ ကုလသမဂ္ဂရဲဲ့ OCHA က ဖော်ပြပါတယ်။

(စစ်​ကောင်စီတပ်ရန်​ကြောက်၍ထွက်​ပြေးတိမ်း​ရှောင်​နေရ​သော စစ်ကိုင်း၊ မ​ကွေး၊ကရင်နီ ​ဒေသမှစစ်​ဘေး​ရှောင်များ။ ဓါတ်ပုံ- CJ၊PS)
(စစ်​ကောင်စီတပ်ရန်​ကြောက်၍ထွက်​ပြေးတိမ်း​ရှောင်​နေရ​သော စစ်ကိုင်း၊ မ​ကွေး၊ကရင်နီ ​ဒေသမှစစ်​ဘေး​ရှောင်များ။ ဓါတ်ပုံ- CJ၊PS)

ကုလသမဂ္ဂရဲ့ နောက်ဆုံးကိန်းဂဏန်းတွေအရ မြန်မာနိုင်ငံတစ်ဝန်း ပြည်တွင်းနေရပ်စွန့်ခွာထွက်ပြေးရသူဦးရေ ၁ ဒသမ ၈ သန်းနီးပါးရှိလာပြီလိို့ လူသားချင်းစာနာမှုဆိုင်ရာညှိနှိုင်း‌ရေးရုံး (OCHA)က မနေ့က ထုတ်ပြန်ပါတယ်။

ပြီးခဲ့တဲ့မတ်လ ၂၇ ရက်အထိ ကုလသမဂ္ဂကောက်ခံရရှိတဲ့ စာရင်းတွေကို ပြုစုထုတ်ပြန်လိိုက်တာဖြစ်ပြီး ဖေဖော်ဝါရီလကုန်ပိုင်းနဲ့နှိုင်းယှဥ်ရင် တစ်လအတွင်း ပြည်တွင်းနေရပ်စွန့်ခွာသူဦးရေ တစ်သိန်းကျော်မြင့်တက်လာတာလည်းဖြစ်ပါတယ်။

ဒီအထဲကမှ လူဦးရေ ၁ ဒသမ ၄ သန်းကျော်ဟာ ၂၀၂၁ ဖေဖော်ဝါရီ အာဏာသိမ်းယူမှုအပြီး ဖြစ်ပေါ်လာတဲ့ ပဋိပက္ခနဲ့ မလုံခြုံမှုတွေကြောင့် နေရပ်စွန့်ခွာထွက်ပြေးကြရသူတွေဖြစ်တယ်လို့ ကုလသမဂ္ဂရဲ့ OCHA က ဖော်ပြပါတယ်။

အစီရင်ခံနေစဥ်ကာလအတွင်းမှာ ပြည်နယ်နဲ့တိုင်းအများအပြားမှာ လက်နက်ကြီးပစ်ခတ်မှုတွေနဲ့ လေကြောင်းတိုက်ခိုက်မှုတွေအပါအဝင် ပဋိပက္ခတွေ ဆက်လက်ဖြစ်ပွားနေတယ်လို့ OCHA က ဆိုပါတယ်။

Public Service Announcement

Public Service Announcement

ကချင်ပြည်နယ်မှာ ဖားကန့်မြို့နယ်အတွင်း လေကြောင်းတိုက်ခိုက်မှုတွေ၊ မိုးညှင်းမြို့နယ်အတွင်း ပေါက်ကွဲမှုတွေနဲ့ ဖားကန့်၊ ရွှေကူနဲ့ ဆွမ်ပရာဘွမ်မြို့နယ်အတွင်း စစ်တပ်(ထုတ်ပြန်ချက်တွင် တပ််မတတော်ဟုသုံးနှုန်း)စစ်ကြောင်းထိုးတာတွေနဲ့ အရပ်သားဖမ်းဆီးစစ်ဆေးမှုတွေရှိခဲ့တယ်လို့ ဆက်လက်ဖော်ပြပါတယ်။

ဒါကြောင့် ရွှေကူမြို့နယ်တွင်း ကျေးရွာအများအပြားက အရပ်သား ၁,၃၀၀ ကျော်ဟာ, မတ်လအစောပိုင်းကတည်းက အိုးအိမ်စွန့်ခွာတိမ်းရှောင်နေကြရပြီး ယာယီစခန်း (၁၀)ခုနဲ့ အနီးအနားက တောတောင်တွေထဲမှာ နေထိုင်လျက်ရှိပြီး သူတို့ဟာ စားနပ်ရိက္ခာ၊ အမိုးအကာနဲ့ မရှိမဖြစ်လိုအပ်တဲ့ အခြားလူ့အသုံးအဆောင်ပစ္စည်းတွေလိုအပ်လျက်ရှိကာ လူသားချင်းစာနာမှုဆိုင်ရာ မိတ်ဖက်အဖွဲ့အစည်းတွေဟာ ဖြစ်ပေါ်လာတဲ့လိုအပ်ချက်တွေကို ဖြည့်ဆည်းပေးနိုင်ဖို့ ဆောင်ရွက်နေကြတယ်လို့ ဆိုပါတယ်။

Public Service Announcement
Public Service Announcement

စစ်အာဏာသိမ်းမှုကို လက်နက်ကိုင်တွန်းလှန်မှုအားကောင်းတဲ့ စစ်ကိုင်းနဲ့ မကွေးတိုင်းတို့ အပြင် ကျန်ပြည်နယ်၊ တိုင်းတွေမှာ စစ်တပ်က မီးရှို့တာ၊ လက်နက်ကြီးနဲ့ လေကြောင်းတိုက်ခိုက််မှုတွေ ပိုမို တိုးမြှင့်လုပ်ဆောင်လာတာကို တွေ့ရပါတယ်။ အထူးသဖြင့် ပြီးခဲ့တဲ့ ဖက်ဆစ်တော်လှန်ရေးနေ့ မတ်လ ၂၇ ရက်မှာ အာဏာသိမ်းစစ်ခေါင်းဆောင်မင်းအောင်လှိုင်က NUG ၊ PDF နဲ့ PDF ကို ကူညီပံ့ပိုးနေတဲ့ တိုင်းရင်းသားလက်နက်ကိုင်တွေကို ချေမှုန်းနှိမ်နင်းမယ်လို့ ပြောဆိုအပြီး စစ်တပ်က အကြမ်းဖက်မှုနဲ့ အင်အားအလွန်အကျွံသုံးတိုက်ခိိုက်မှုတွေ ပိုမိုတိုးမြှင့်လုပ်ဆောင်လာတာလို့ ဒေသခံကာကွယ်ရေး တပ်ဖွဲ့တွေက ပြောပါတယ်။

ဒါ့အပြင် ကုလသမဂ္ဂ OCHA ရဲဲ့ ပြည်တွင်းနေရပ်စွန့်ခွာထွက်ပြေးရသူဦးရေ ကိန်းဂဏန်းမှာ မြေပြင်အချက်အလက်ထက် များစွာလျော့နည်းနေတယ်လို့ စစ်ကိုင်းတိုင်း၊ ကရင်ပြည်နယ်နဲ့ ကရင်နီပြည်နယ် တို့ရှိ စစ်ဘေးရှောင်အရေးကူညီပေးနေသူတွေက ထောက်ပြကြပါတယ်။

ဆက်စပ်သတင်းများ

သတင်း

လုံခြုံရေးကောင်စီအနေဖြင့်လည်း အဆိုပါအသက်ဆုံးရှုံးမှုများနှင့် မြန်မာအရပ်သားပြည်သူများအား အကာအကွယ်ပေးရန် ပျက်ကွက်ခြင်းတို့အတွက် တာဝန်ရှိသည်မှာ ရှင်းလင်းမြင်သာကြောင်း သံအမတ်ကြီးက ထောက်ပြသည်။

သတင်း

ကုလသမဂ္ဂသည် မြန်မာပြည်ရှိ လူပေါင်း ၂ သန်းကျော်ကို ရောက်ရှိကူညီခဲ့ပြီးဖြစ်ပြီး လာမည့် ၂၀၂၅ နှစ်ကုန်တွင် လူပေါင်း ၈ သန်း​အထိ ရောက်ရှိကူညီနိုင်ရန် ရည်မှန်းထားသည်ဟု ဆိုသည်။

သတင်း

ဒေါ်အောင်ဆန်းစုကြည်ဟာ အရင် စစ်အစိုးရ လက်ထက်ကလည်း နေအိမ် အကျယ်ချုပ် ဘဝမှာ ၁၅ နှစ်လောက် နေထိုင်ခဲ့ရပြီး သားနှစ်ဦးဖြစ်တဲ့ အလက်ဇန္ဒားနဲ့ ကင်မ်တို့ကတော့ မိခင်နဲ့ဝေးရာ ဗြိတိန်နိုင်ငံမှာ ကြီးပြင်းခဲ့ကြပါတယ်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။