▪︎စစ်ကောင်စီထံမှတ်ပုံတင်သောပါတီများနှင့် စစ်ကောင်စီရွေးကောက်ပွဲကူညီသူများကိုလည်း ဆက်လက်အရေးယူမည်ဟုသတိပေး
ချင်းဒေသကာကွယ်ရေးတပ်-ဟာခါး(CDF -ဟားခါး)ကောင်စီရုံးက ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP) ရုံးနှင့် ပိုင်ဆိုင်မှုအားလုံး ပြည်သူပိုင်အဖြစ် သိမ်းလိုက်ကြောင်း ယနေ့ (ဧပြီ ၁၂ )အမိန့်ထုတ်ပြန်လိုက်သည်။
အကြမ်းဖက်စစ်အာဏာရှင် သက်ဆိုးရှည်နိုင်ရေးအတွက် အာဏာသိမ်းစစ်ကောင်စီထံ မှတ်ပုံတင်ထားသော ပါတီများကို ဧပြီ ၁၁ရက်မှစ၍ မတရားအသင်းအဖြစ် ကြေညာလိုက်ကြောင်း ဟားခါး ချင်းကာကွယ်ရေးတပ်(CDF) ကောင်စီက ယမန့်နေ့တွင်ထုတ်ပြန်ပြီးနောက် ယနေ့တွင်ကြံ့ဖွံ့ရုံးနှင့် ပိုင်ဆိုင်မှုများကိုသိမ်းဆည်းကြောင်းထပ်မံကြေညာခြင်းဖြစ်သည်။
USDPသည် အာဏာသိမ်း စစ်ကောင်စီထံမှတ်ပုံတင်ကာ အာဏာရူးရွေးကောက်ပွဲ၌ ပါဝင်ယှဉ်ပြိုင်မည်ဖြစ်၍ ဟားခါးမြို့နယ်အတွင်းရှိ ပါတီ၏ ရုံးနှင့် အခြားပိုင်ဆိုင်မှုအားလုံးကို ယနေ့ ဧပြီ ၁၂ရက်မှစ၍ ပြည်သူပိုင်အဖြစ် သိမ်းလိုက်သည်ဟုအသိပေးခဲ့သည်။
တော်လှန်ရေးကာလအတွင်း ပြည်သူလူထုကိုယ်စား ဟားခါး CDF ကောင်စီက လိုအပ်သလိုစီမံ ဆောင်ရွက်သွားမည်ဟုလည်းအသိပေးထုတ်ပြန်ခဲ့သည်။
Public Service Announcement
ဟားခါးCDF ကထိုသို့ပြုလုပ်ခြင်းအပေါ် ပြည်သူများက ပြတ်သားသည်လုပ်ရပ်ဟု သဘောကျကြောင်းပြောဆိုနေကြသည်ကိုလည်းတွေ့ရသည်။
“ အားပေးထောက်ခံတယ်။ ဆွေးနွေးစရာမရှိတဲ့ပွဲမို့ လုပ်သင့်လုပ်ထိုက်တာကို ရဲရဲသာလုပ်ကြပါ” ဟု ဟားခါးCDF ထုတ်ပြန်ချက်အောက်တွင်ဘပြည်သူတစ်ဦးကမှတ်ချက်ပြုသည်။
“ ကြိုက်တယ် အဲလိုပြတ်သားတာကို ၊ ဖြစ်ကိုဖြစ်သင့်တာ၊ ရန်ငါပြတ်သားတယ်ဆိုတာဒါမျိုး” ဟု အခြားပြည်သူတစ်ဦးကလည်းပြောသည်။
အခြားပြည်သူတစ်ဦးကလည်း “ ကြိုဆိုတယ်ကွာ ငါတို့ဘက်ကအဲလို ရန်ငါပြတ်ဖြစ်နေရမယ် ။စစ်ကို စစ်နဲ့တူအောင်တိုက်တာ ကြိုဆိုတယ်” ဟုမှတ်ချက်ပေးသည်။
ထိုအပြင် စစ်ကောင်စီထံ မှတ်ပုံတင်သည့် ပါတီများနှင့် အာဏာရှင် ရွေးကောက်ပွဲ ဖြစ်မြောက်ရေး ပါဝင်ပတ်သက်သူများအပေါ် လိုအပ်သော အရေးယူမှုများ ဆက်လက် ဆောင်ရွက်သွားမည်ဖြစ်ကြောင်းလည်း ဧပြီ ၁၁ ရက်တွင် အသိပေးထုတ်ပြန်ခဲ့သည်။
စစ်ကောင်စီထံ မှတ်ပုံတင်သည့် ပါတီများနှင့် အာဏာရှင် ရွေးကောက်ပွဲ ဖြစ်မြောက်ရေး ပါဝင်ပတ်သက်သူများအပေါ် လိုအပ်သော အရေးယူမှုများ ဆက်လက် ဆောင်ရွက်သွားမည်ဖြစ်ကြောင်းလည်း ဧပြီ ၁၁ ရက်တွင် အသိပေးထုတ်ပြန်ခဲ့သည်။
ဟားခါး CDF ကောင်စီသည်ယခုနှစ်ဇန်နဝါရီ ၉ရက်တွင်ကြေညာချက်ထုတ်ပြန်ခဲ့ရာ စစ်ကောင်စီ၏ ရွေးကောက်ပွဲကို ဆန့်ကျင်ကန့်ကွက်ကြောင်း နှင့် ရွေးကောက်ပွဲဖြစ်မြောက်ရေးပါဝင်ဆောင်ရွက်သူများနှင့် ပါတီ အဖွဲ့အစည်းများကို ပြည်သူလူထု၏ ရန်သူအဖြစ် သတ်မှတ်ကာ ပြင်းပြင်းထန်ထန် အရေးယူမည်ဟု အသိပေးခဲ့သည်။
