▪︎စစ်သားတစ်ဦးသေပြီး ပျူတစ်ဦးထိခိုက်ဒဏ်ရာရဟုဒေသခံများပြော
စစ်ကောင်စီက မတရားဖမ်းဆီးထားသောနိုင်ငံရေး အကျဥ်းသား (၁၀)ကို တောင်ငူအကျဥ်းထောင်မှ တရားရုံးသို့ ရုံးထုတ်စဥ် လုံခြုံရေးလိုက်ပါလာသော စစ်ကောင်စီတပ်သားများထံမှ သေနတ်လု ထွက်ပြေးလွတ်မြောက်မှု ဖြစ်ပွားခဲ့ကြောင်း တောင်ငူဒေသခံများက ပြောသည်။
ယနေ့(မေ ၁၈)နေ့လယ် ၃ နာရီဝန်းကျင်ကတောင်ငူအကျဥ်းထောင်မှ နိုင်ငံရေးအကျဥ်းသား (၁၀)ဦးကို ရုံးထုတ်စစ်ဆေးစဥ် အကျဥ်းသားများက သေနတ်လုထွက် ပြေး အပြန်အလှန်ပစ်ခတ်မှု ဖြစ်ပွားခဲ့သည်ဟု ဒေသခံများက ပြောသည်။
“တရားရုံးနဲ့ ထောင်၊ ရဲစခန်းအမှတ်(၁)၊ ရဲစခန်းအ မှတ်(၂)တွေနဲ့က အရမ်းကြီးဝေးမနေဘူး။ သွားရင်လည်း မြို့ထဲကနေ ပတ်သွားရတာ။ဘယ်နားမှာ ဘယ်လိုဖြစ်သွားလဲ သေချာမသိလိုက်ဘူး”ဟု အ ထက်ပါဖြစ်စဥ်နှင့်ပတ်သက်ပြီး တောင်ငူမြို့ခံတစ်ဦးက ပြောသည်။
အထက်ပါ အကျဥ်းသားများခုခံထွက်ပြေးသည်ဖြစ်စဥ်တွင် အပြန်အလှန်ပစ်ခတ်မှုဖြစ်ပွားခဲ့ရာ စစ်ကောင်စီတပ်မှ တပ်ကြပ်မောင်မျိုးဆိုသူသေဆုံးပြီး စစ်မှုထမ်းဟောင်းနှင့် ပျူစောထီးဟုဆိုသူကျော်မြင့်(တပ်ကြပ်ကြီးဟောင်း)ဒဏ်ရာရသွားကြောင်း ဒေသခံများက ပြောသည်။
Public Service Announcement
တောင်ငူအကျဥ်းထောင်မှနေ၍ ရုံးထုတ်လာသူများတွင် နိုင်ငံရေးပုဒ်မများဖြင့်သည့် ၄၉(က)၊ ၅၀ (က)၊၅၀(ည)၊ ၅၁(ဂ)၊ ၅၂(က)စသည်တို့ဖြင့် ဖမ်းဆီးခံ ထားရသူများဖြစ်ကြောင်းသိရသည်။
လုံခြုံရေးလိုက်ပါသူများအား ပြန်လည်ခုခံ၍ ထွက် ပြေးသွားသောအကျဥ်းသားများသည် စစ်ကောင်စီတပ်သားများထံမှ ကာဘိုင်တစ်လက်၊ ခြောက် လုံးပြူးတစ်လက်၊ MA 11 တစ်လက်၊ G 3 တစ်လက်အသီးသီးလုယူသွားခဲ့သည်ဟု စစ်ကောင်စီဝါဒဖြန့်မီဒီယာများတွင် ဖော်ပြသည်။
စစ်ကောင်စီဝါဒဖြန့် News Of Myanmar ၏ တယ်လီဂရမ် စာမျက်နှာတွင် ချစ်မင်းသူဦးဆောင်သော ၁၀ဦးသည် ဒုရဲအုပ်အေးသော်ထံမှခြောက်လုံးပြူးနှင့် ရဲတပ်သားအောင်သူဝင်းထံမှ G3 တစ်လက်လုယူထွက်ပြေးခဲ့သည်ဟု ဖော်ပြသည်။ထိုစဥ် တားဆီးသူများကိုပစ်ခတ်ရာထောင်တပ်ကြပ်မောင်မျိုးသေဆုံးပြီး တပ်ကြပ်ကြီးကျော်မြင့်တွင် ကျည်ထိမှန်ဒဏ်ရာရခဲ့သည်ဟုဆိုသည်။
အဆိုပါနှစ်ဦးထံမှ ကာဘိုက်တစ်လက်နှင့် MA 11 တစ်လက်ပါထပ်မံယူဆောင်ကာ သေနတ်လေးလက်နှင့်အတူ ထွက်ပြေးလွတ်မြောက်သွားကြောင်းသိရသည်။
