ဧရာဝတီတိုင်း၊ ဖျာပုံမြို့အနီး ပင်လယ်ပြင်အတွင်း ယနေ့နံနက် ၉နာရီကျော်က ရစ်ခ်ျတာစကေး ၄ဒဿမ ၇အဆင့်ငလျင်ရှိ ငလျင်လှုပ်ခတ်ခဲ့ကြောင်း အမေရိကန်ဘူမိလေ့လာရေးဌာန USGS က သတင်းထုတ်သည်။
ငလျင်သည် မြေအနက် ၁၀ ကီလိုမီတာခန့်တွင်ဗဟိုပြု၍ ယနေ့(ဇွန်လ ၂၁ရက်) ၉နာရီ ၁၇မိနစ်တွင် လှုပ်ရှားခြင်းဟု ထုတ်ပြန်ထားသည်။
“ငလျင်က မသိလိုက်ဘူး။ ဒါပေမယ့် ငလျင်သတင်းကြားတော့ ကြောက်တယ်။ အင်အားပြင်းပြင်း မလှုပ်ဖို့ပဲ ဆုတောင်းနေရတာပဲ”ဟု ဖျာပုံမြို့ခံတစ်ဦးကပြောသည်။
ဖျာပုံမြို့အနီး ပင်လယ်ပြင်အတွင်း သုံးရက်အတွင်း နှစ်ကြိမ်မြောက်လှုပ်ခြင်းဖြစ်သည်။ ဇွန်လ ၁၉ ရက် ၈ နာရီခန့်ကလည်း ရစ်ခ်ျတာစကေး ၅ဒဿမ ၄ အဆင့်ငလျင်လှုပ်ခဲ့သည်။
Public Service Announcement
ဧရာဝတီတိုင်းအတွင်း ရန်ကုန်မြိုနှင့် ထိစပ်နေသော မြို့နယ်အချို့တွင် ငလျင်လှုပ်ရှားမှု မကြာခဏ ဖြစ်နေသည်။ပြီးခဲ့သည့် ဇွန်လ ၇ရက်က မအူပင်မြို့တွင် အင်အားရစ်ချ်တာစကေး ၄ဒဿမ၈အဆင့် လှုပ်ခတ်ခဲ့ပြီး မြို့ပေါ်မှ အဆောက်အဦအချို့ ပြိုကျပျက်စီးခဲ့သည်။ မအူပင်မြို့၊မိုးကုတ်ဝိပဿနာကျောင်းတိုက်မှ အဆောက်အဦးတစ်ခုပြိုကျရာ သီလရှင်တစ်ပါးနှင့်အမျိုးသမီးတစ်ဦး သေဆုံးခဲ့သည်။
