Connect with us

Hi, what are you looking for?

LuduNwayOo

သတင်း

မြိုင်နယ်တွင် စစ်ကောင်စီလက်အောက်ခံဝန်ထမ်းများ ပြည်သူနှင့်မပူးပေါင်းပါ​က နေအိမ်ချိတ်ပိတ်မည်ဟု ပကဖ သတိပေး

မြိုင်မြို့ပေါ်တွင် စစ်ကောင်စီက ထိန်းသိမ်းထားနိုင်သော်လည်း ကျေးရွာများတွင်မူ စစ်ကောင်စီတပ်က ထိန်းချုပ်နိုင်ခြင်းမရှိကြောင်း မြိုင်နယ်ခံများက ပြောသည်။

(အာဏာသိမ်းကာလအစောပိုင်း ၂၀၂၁ မတ်လအတွင်းက မြိုင်မြို့ပေါ်တွင် ဆန္ဒပြပြည်သူများအား စစ်ကောင်စီတပ်က အကြမ်းဖက်ဖြိုခွင်းခဲ့စဥ်။ ဓာတ်ပုံ - Cj)
(အာဏာသိမ်းကာလအစောပိုင်း ၂၀၂၁ မတ်လအတွင်းက မြိုင်မြို့ပေါ်တွင် ဆန္ဒပြပြည်သူများအား စစ်ကောင်စီတပ်က အကြမ်းဖက်ဖြိုခွင်းခဲ့စဥ်။ ဓာတ်ပုံ - Cj)

မကွေးတိုင်း၊ မြိုင်မြို့နယ်ရှိ စစ်ကောင်စီ လက်အောက်ခံ ရဲများနှင့် ဌာနဆိုင်ရာဝန်ထမ်းများ အနေဖြင့် ပြည်သူနှင့်မပူးပေါင်းပါ​က ၎င်းတို့နေအိမ်ခြံဝင်းများအား ချိတ်ပိတ်မည်ဟု မြိုင်မြို့နယ် ပြည်သူ့ကာကွယ်ရေးတပ်ဖွဲ့(ပကဖ)ခေါင်းဆောင် ဗိုလ်လက်ယျာက ပြောသည်။

အဆိုပါ ဝန်ထမ်းများအနေဖြင့် ပြည်သူလူထုနှင့် ပူးပေါင်းခြင်းမရှိပါက ၎င်းတို့၏ နေအိမ်ခြံဝင်းများအား မြို့ပေါ်နှင့် ရပ်ကွက်ကျေးရွာ မည်သည့်နေရာတွင် ရှိနေသည်ဖြစ်စေ ပြည်သူ့ဘဏ္ဍာအဖြစ်သိမ်းဆည်းခြင်း၊ ချိတ်ပိတ်ခြင်းများအား ပြုလုပ်သွားမည်ဖြစ်ကြောင်း မြိုင်(ပကဖ)က ကြေညာသည်။

“အဖွဲ့တွေက က​လေးတွေဖမ်းတာတို့၊ ခေါင်းဆောင်တွေဖမ်းတာတို့ ပါတီဝင်တွေဖမ်းတာတို့ အဲလိုမျိုးတွေရှိတယ်။ ဖမ်းပြီးရင် အိမ်တွေချိတ်ပိတ်တယ်။ သူတို့တွေက ချိတ်ပိတ်ထားတဲ့အိမ်တွေမှာ တက်နေကြတယ်။ သူတို့ CDM လုပ်ရင်လုပ်၊မလုပ်ဘူးဆိုရင် ချိတ်ပိတ်မယ်။ သူတို့ကိုသက်ရောက်မှုတစ်ခု ပြန်ပေးတာပါ။”ဟု ဗိုလ်လက်ယျာက ပြောသည်။

အဆိုပါ လုပ်ငန်းများအား လာမည့် ဇူလိုင် ၁၅ ရက်အတွင်း နောက်ဆုံးထားဆောင်ရွက်သွားမည်ဖြစ်ကြောင်း မြိုင်(ပကဖ)က သတိပေးထားသည်။

Public Service Announcement

Public Service Announcement

မြိုင်မြို့ပေါ်တွင် စစ်ကောင်စီက ထိန်းသိမ်းထားနိုင်သော်လည်း ကျေးရွာများတွင်မူ စစ်ကောင်စီတပ်က ထိန်းချုပ်နိုင်ခြင်းမရှိကြောင်း မြိုင်နယ်ခံများက ပြောသည်။

“ပြည်သူ့စစ်ရွာတွေဆို အပြင်တောင်မထွက်ရဲဘူး။ သရက်ကွပြည်သူ့စစ်ရွာဆို ဆရာ၊ဆရာမတွေတောင် သွားပြီးစာမသင်ရဲဘူး။”ဟု ဒေသခံတစ်ဦးက ပြောသည်။

မြိုင်မြို့တွင် စစ်ကောင်စီလက်အောက်ခံဝန်ထမ်း ၄၀၀ ကျော်ရှိပြီး မြို့နယ်အတွင်း နေအိမ်ခြံဝင်းနှင့်နေထိုင်သူ ၈၀ဝန်းကျင်ရှိကြောင်း၊ စစ်ကောင်စီကလည်း တော်လှန်ရေးတွင်ပါဝင်နေသူများ၏ မြိုင်မြို့ပေါ်ရှိ နေအိမ် ၁၀လုံးကျော်ကို ချိတ်ပိတ်ထားကြောင်း မြိုင်(ပကဖ)က ပြောသည်။

ဆက်စပ်သတင်းများ

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။

သတင်း

ဇွန်လ ၁၅ ရက်ကလည်း တနင်္သာရီမြို့နယ်ရှိ အောင်သာဝစစ်ကောင်စီတပ်စခန်းကို KNLA၊ PDF ပူးပေါင်းတပ်များက တိုက်ခိုက်သိမ်းပိုက်ခဲ့သေးသည်။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

သတင်း

နှစ်ပေါင်း ၂၇ နှစ်ကြာတပ်စွဲထားသည့် အဆိုပါ စခန်းကို မတိုက်ခိုက်ခင်ကတည်းက လက်နက်ချရန် အကြောင်းကြားခဲ့သော်လည်း လက်နက်ချခြင်းမရှိ၍ ယနေ့ (ဇွန်လ ၁၄ရက်)နံနက်တွင် ထိုးစစ်ဆင်ခဲ့ရာ နေ့လယ် ၁၂နာရီတွင် သိမ်းပိုက် နိုင်ခဲ့သည်ဟု ဆိုသည်။