မန္တလေး ပုသိမ်ကြီးမြို့နယ်၊ မြရည်နန္ဒာအိမ်ရာ အနီး လမ်းဘေး မြေကွက်လပ်မှာလူလတ်ပိုင်းအမျိုးသား ရုပ်အလောင်းကို ဒီနေ့မနက်ပိုင်းမှာ တွေ့ခဲ့ရတယ်လို့ လူမှုကူညီရေးအသင်းထံကသိရပါတယ်။
အလောင်းတွေ့တဲ့နေရာဟာ မြရည်နန္ဒာ အိမ်ရာ အရှေ့ဘက် ၁၂၀ လမ်း နဲ့ သန့်ဇင်ကုန်းကျေးရွာဒေါင့် မှာ ဒီမနက် ၁၀ နာရီဝန်းကျင်က တွေ့ခဲ့ရတာပါ။
သေဆုံးသူအမျိုးသားဟာ အသက် ၃၀ ဝန်းကျင်ရှိပြီး ပြင်ပ ဒဏ်ရာမတွေ့ရဘူးလို့လည်း သိရပါတယ်။
“ အခုဖြစ်တဲ့နေရာဝန်းကျင်တလျောက် အလောင်းတွေလာလာပစ်ကြတာ” လို့ လူမှုကူညီရေးအသင်းအဖွဲ့ဝင်တစ်ဦးကဆိုပါတယ်။
Public Service Announcement
ဇွန်လ ၂၈ ရက်လည်း မြရည်နန္ဒအိမ်ရာအနီး ၁၂၀ လမ်း နား မြေကွက်လပ်မှာပဲအမျိုးသားအလောင်း တစ်လောင်းတွေ့ခဲ့တာရှိပါတယ်။
မန္တလေးမှာ ပြီးခဲ့တဲ့ တစ်ပတ်တာအတွင်း စွန့်ပစ်ထားတဲ့ အမျိုးသား ရုပ်အလောင်း ၆ လောင်းတွေ့ခဲ့ရပြီး အဲဒီမှာအချို့ဟာ သတ်ဖြတ်ခံထားရတဲ့လက္ခဏာတွေ တွေ့ရတယ်လို့ လူမှုကူညီရေးအသင်းထံကတဆင့်သိရပါတယ်။
