Connect with us

Hi, what are you looking for?

LuduNwayOo

သတင်း

မြိုင်နယ်တွင် စစ်ကောင်စီတပ်က ညသန်းခေါင်စစ်ကြောင်းထိုးပြီး ပြည်သူ ၁၀ဦး ဖမ်းဆီးသွား

စစ်ကောင်စီတပ်သည် မြိုင်မြို့နယ်အတွင်းရှိ ကျေးရွာများအား ဇူလိုင်လဆန်းကတည်းက စစ်ကြောင်းထိုးပြီး ဒေသခံပြည်သူများအား ဖမ်းဆီးမှုများ ပြုလုပ်နေသည်။

(စစ်ကောင်စီတပ်ဖွဲ့ဝင်တစ်ဦးကို ၂၀၂၁ မတ်လအတွင်းက ရန်ကုန်မြို့၌ တွေ့ရစဉ်။ ဓာတ်ပုံ-EPA/EFE)
(စစ်ကောင်စီတပ်ဖွဲ့ဝင်တစ်ဦးကို ၂၀၂၁ မတ်လအတွင်းက ရန်ကုန်မြို့၌ တွေ့ရစဉ်။ ဓာတ်ပုံ-EPA/EFE)

မကွေးတိုင်း၊ မြိုင်မြို့နယ်တွင် စစ်ကောင်စီတပ်က ညသန်းခေါင် စစ်ကြောင်းထိုးလာ၍ ပြည်သူများထွက်ပြေးတိမ်းရှောင်ခဲ့ရပြီး ပြည်သူ ၁၀ဦးအား ဖမ်းဆီးသွားကြောင်း ဒေသခံများက ပြောသည်။

ပခုက္ကူမြို့နယ်၊ အနောက်ဘုန်းကန်ကျေးရွာ ပျူစောထီးစခန်းမှထွက်လာသော စစ်ကောင်စီတပ်သည် ဇူလိုင် ၂၄ရက် ညနေ ၃ နာရီခန့်က မြိုင်မြို့နယ်၊ နှောပင်ကျေးရွာကို ပစ်ခတ်ဝင်ရောက်ပြီး ဒေသခံပြည်သူ ၁၀ဦးကို လူသားဒိုင်းအဖြစ်ဖမ်းဆီးခေါ်ဆောင်သွားကြောင်း ဒေသခံများက ပြောသည်။

အဆိုပါ စစ်ကောင်စီတပ်နှင့် ပျူများအား ဒရုန်းဖြင့် ဗုံးချတိုက်ခိုက်ခဲ့ကြောင်း ပခုက္ကူမြို့နယ် (ပကဖ) တပ်ခွဲ(၂) Young Force(UG)အဖွဲ့ ပြန်ကြားရေးတာဝန်ခံက ပြောသည်။

“အင်အားက၈၀ လောက်ပါတယ်။ ပခုက္ကူကနေ စစ်ကြောင်းလာတာပါ။ဗုံးသီးကတော့ လေးလုံးပါ။”ဟု ၎င်း ပြန်ကြားရေးတာဝန်ခံက ပြောသည်။

Public Service Announcement

Public Service Announcement

အဆိုပါ စစ်ကောင်စီတပ်သည် ည ၇ နာရီခန့်တွင် ကမ္မရွာကို ဝင်ရောက်ပြီး ည၁၂နာရီခန့်တွင် စစ်ကြောင်းပြန်ထွက်လာ၍ ပြည်သူများ ညအချိန်မတော်ထွက်ပြေးတိမ်းရှောင်ခဲ့ရကြောင်း ဒေသတွင်းသတင်းရင်းမြစ်များက ပြောသည်။

ယမန်နေ့ (ဇူလိုင် ၂၅ ရက်) နံနက်ပိုင်းတွင် စစ်ကောင်စီတပ်က မြိုင်မြို့နယ်အရှေ့ပိုင်းကျေးရွာများသို့ ဆက်လက်ဝင်ရောက်မွှေနှောက်နေကြောင်း သတင်းရရှိသည်။

စစ်ကောင်စီတပ်သည် မြိုင်မြို့နယ်အတွင်းရှိ ကျေးရွာများအား ဇူလိုင်လဆန်းကတည်းက စစ်ကြောင်းထိုးပြီး ဒေသခံပြည်သူများအား ဖမ်းဆီးမှုများ ပြုလုပ်နေသည်။

ဆက်စပ်သတင်းများ

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။

သတင်း

ဇွန်လ ၁၅ ရက်ကလည်း တနင်္သာရီမြို့နယ်ရှိ အောင်သာဝစစ်ကောင်စီတပ်စခန်းကို KNLA၊ PDF ပူးပေါင်းတပ်များက တိုက်ခိုက်သိမ်းပိုက်ခဲ့သေးသည်။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

သတင်း

နှစ်ပေါင်း ၂၇ နှစ်ကြာတပ်စွဲထားသည့် အဆိုပါ စခန်းကို မတိုက်ခိုက်ခင်ကတည်းက လက်နက်ချရန် အကြောင်းကြားခဲ့သော်လည်း လက်နက်ချခြင်းမရှိ၍ ယနေ့ (ဇွန်လ ၁၄ရက်)နံနက်တွင် ထိုးစစ်ဆင်ခဲ့ရာ နေ့လယ် ၁၂နာရီတွင် သိမ်းပိုက် နိုင်ခဲ့သည်ဟု ဆိုသည်။