Connect with us

Hi, what are you looking for?

LuduNwayOo

သတင်း

ဆိပ်ဖြူတွင် စစ်တပ်က နှစ်ပတ်အတွင်း ပြည်သူငါးဦးသတ်ဖြတ်၊ ကျေးရွာ လေးရွာ မီးရှို့ဖျက်ဆီး

စစ်တပ်၏ မီးရှို့ဖျက်ဆီးမှုကြောင့် မိဘုရားချိုင့်ရွာ နေအိမ်များ၊စိုင်ဖြူရွာမှ နေအိမ် ၁၇လုံး၊ တောင်ရွာမကျေးရွာရှိ နေအိမ် လေးလုံး၊ ကံတွင်းရွာရှိ နေအိမ်လေးလုံး ပြာကျခဲ့ကြောင်း ဒေသခံများက ပြောသည်။

ကံတွင်းကျေးရွာအား စစ်ကောင်စီတပ်က မီးရှို့ဖျက်ဆီးသွားစဥ်။ ဓာတ်ပုံ-WLSPG
ကံတွင်းကျေးရွာအား စစ်ကောင်စီတပ်က မီးရှို့ဖျက်ဆီးသွားစဥ်။ ဓာတ်ပုံ-WLSPG

မကွေးတိုင်း၊ ဆိပ်ဖြူမြို့နယ်တွင် စစ်ကောင်စီတပ်က နှစ်ပတ်အတွင်း ဒေသခံပြည်သူ ငါးဦးကို သတ်ဖြတ်ပြီး ကျေးရွာ လေးရွာမှ နေအိမ်များကို မီးရှို့ဖျက်ဆီးသွားကြောင်း ဒေသတွင်း သတင်းရင်းမြစ်များက ပြောသည်။

စစ်ကောင်စီတပ်သည် ဇူလိုင် ၁၀ ရက်မှစတင်ကာ ဆိပ်ဖြူမြို့နယ်အတွင်းရှိ ကျေးရွာများအား စစ်ကောင်းထိုးဝင်ရောက်ခဲ့သည်။

ဇူလိုင် ၁၂ရက်တွင် ဂွေးတိုတဲတိုက်ရှိ ဒေသခံ ပြည်သူ သုံးဦးကို မီးရှို့သတ်ဖြတ်ခဲ့ကြောင်း We Love Seikphyu အဖွဲ့က ပြောသည်။

ဇူလိုင် ၁၅ရက်တွင် ပခုက္ကူမြို့နယ်အတွင်း ဝင်ရောက်ပြီး ဇူလိုင် ၁၈ ရက်အထိ စိုင်ဖြူကျေးရွာအနီးတွင် စခန်းချတပ်စွဲခဲ့သည်။

Public Service Announcement

Public Service Announcement

ထို့နောက် စစ်ကောင်စီတပ် ထွက်ခွာသွားပြီးနောက် စိုင်ဖြူရွာ၌ လေဖြတ်နေသော အဘွားအိုတစ်ဦး၏ ပုပ်ပွနေသော ရုပ်အလောင်းတစ်လောင်းအား ထပ်မံတွေ့ရှိခဲ့ရကြောင်း ဒေသခံများက ပြောသည်။

Public Service Announcement
Public Service Announcement

အလားတူ ဇူလိုင် ၂၆ ရက်ကလည်း အရှေ့ကမ်းဖြူရွာမှ စစ်ကြောင်းပြန်ထွက်ချိန် အသက် (၅၇) နှစ်အရွယ် ဒေသခံတစ်ဦး သေနတ်ဒဏ်ရာဖြင့် သေဆုံးခဲ့ကြောင်း ဒေသခံများက ဆိုသည်။

“အရပ်ဝတ်နဲ့ကံတွင်းရွာကို လာပြီး “စစ်ခွေးတွေဘယ်သွားကြလဲ” ဆိုပြီး PDF ပုံစံနဲ့ဝင်လာကြတယ်။ပြည်သူတွေက သိနေတော့ မဖြေတဲ့အခါ ဒူးထောက်ထိုင်ခိုင်းတယ်။လူမရှိတဲ့ အိမ်တွေ ဝင်မွှေပြီး လိုချင်တာယူသွားကြတယ်”ဟု ဒေသခံတစ်ဦးက ပြောသည်။

စစ်တပ်၏ မီးရှို့ဖျက်ဆီးမှုကြောင့် မိဘုရားချိုင့်ရွာ နေအိမ်များ၊စိုင်ဖြူရွာမှ နေအိမ် ၁၇လုံး၊ တောင်ရွာမကျေးရွာရှိ နေအိမ် လေးလုံး၊ ကံတွင်းရွာရှိ နေအိမ်လေးလုံး ပြာကျခဲ့ကြောင်း ဒေသခံများက ပြောသည်။

စစ်ကောင်စီစစ်ကြောင်းကြောင့် ဆိပ်ဖြူ – ပခုက္ကူနယ်စပ်ရှိ ဆိပ်ဖြူမြို့နယ်ဘက်မှ တောင်ရွာမ၊မြောက်ရွာမ၊ရေယဉ်ချောင်၊ဇီးပင်ကြီး၊သံပုရာပင်နှင့်ဆားလောက် ကျေးရွာများ၊ ပခုက္ကူမြို့နယ်ရှိ စိုင်ဖြူ၊ရှားဒူး၊တောင်ပလူ၊အရှေ့ကမ်းဖြူနှင့် ဥယျာဉ်စုအစရှိသည့် ကျေးရွာပေါင်း ၁၁ ရွာထက်မနည်းမှ ဒေသခံပြည်သူထောင်ချီ ထွက်ပြေးတိမ်းရှောင်ခဲ့ရသည်။

ဆက်စပ်သတင်းများ

သတင်း

စစ်ကောင်စီသည် စစ်ပွဲနှင့်တိုက်ရိုက်မသက်ဆိုင်သည့် အပြစ်မဲ့ပြည်သူများကို အလစ်အငိုက်ချောင်း ဦးတည်တိုက်ခိုက်တက်သော အကျင့်ရှိသည်ဟု AA က အသိပေးသည်။

သတင်း

စစ်ကောင်စီတပ်သည် တိုက်ပွဲဖြစ်ပွားခြင်းမရှိဘဲ အကြောင်းမဲ့မီးဝင်ရှို့သွားခြင်းဖြစ်ကြောင်း၊ မီးရှို့ဖျက်ဆီးပြီးနောက် ၎င်းတို့တပ်စွဲရာနေရာများသို့ ပြန်လည်ဝင်ရောက်သွားကြောင်း သိရသည်။

သတင်း

ရေမျက်နီရွာအတွင်း စစ်ကောင်စီတပ်အထိုင်ချထားသည့် ရဲစခန်းကို ဒေသခံကာကွယ်ရေးတပ်များက ၂၀၂၃ ဒီဇင်ဘာအတွင်းက တိုက်ခိုက်ခဲ့ပြီး စစ်ကောင်စီက လေကြောင်းအသုံးပြု ကာကွယ်ခဲ့ရသည်။

သတင်း

နေအိမ်မီးလောင်၍ မီးငြှိမ်းသတ်သည့် ပြည်သူတစ်ဦးကိုလည်း စစ်ကောင်စီတပ်က ပစ်ခတ်သတ်ဖြတ်သွားကြောင်း ဒေသခံများက ပြောသည်။