Connect with us

Hi, what are you looking for?

LuduNwayOo

သတင်း

နတ်မောက်တွင် စစ်ကောင်စီတပ်ဗိုလ်မှူးတစ်ဦး အရပ်ဝတ်ဖြင့်အပြင်ထွက်လာစဥ် ပစ်ခတ်ခံရပြီးသေဆုံး

ဖေဖော်ဝါရီ ၂၂ ရက်ကလည်း နတ်မောက်နယ်၊ ကျော်ဆည်ရွာတွင် အင်အား ၃၀ခန့်ဖြင့် တပ်စွဲထားသော စစ်ကောင်စီတပ်ကို နတ်မောက် (ပကဖ)နှင့် ပူးပေါင်းတပ်များက သွားရောက်တိုက်ခိုက်ခဲ့သေးသည်။

(စစ်ကောင်စီတပ် ဗိုလ်မှူးဘစိုင်းထံမှ သိမ်းဆည်းရမိသော ဖုန်းနှစ်လုံး၊ ဖုန်းထဲပါရှိသော ဗိုလ်မှူးဘစိုင်းပုံ။ဓါတ်ပုံ-ပေးပို့)
(စစ်ကောင်စီတပ် ဗိုလ်မှူးဘစိုင်းထံမှ သိမ်းဆည်းရမိသော ဖုန်းနှစ်လုံး၊ ဖုန်းထဲပါရှိသော ဗိုလ်မှူးဘစိုင်းပုံ။ဓါတ်ပုံ-ပေးပို့)

မကွေးတိုင်း၊ နတ်မောက်မြို့နယ်တွင် အရပ် ဝတ်ဖြင့် ဆိုင်ကယ်စီး အပြင်ထွက်လာသည့် စစ်ကောင်စီ​၏ အမှတ်(၂)ပင်မဆက်သွယ်ရေးတပ်မှ ဗိုလ်မှူးဘစိုင်းဆိုသူကို လမ်းမှနေ၍ စောင့်ကြိုပစ်ခတ်ခဲ့ကြောင်း မကွေးတိုင်း ပြည်သူ့ကာကွယ် ရေးတပ်-ငါးပြေမပြောက်ကျားတပ်ဖွဲ့က ဖေဖော်ဝါရီ ၂၅ ရက်တွင် အသိပေးထုတ်ပြန်သည်။

သတင်းကြိုရ၍ ဖေဖော်ဝါရီ ၂၃ ရက်က နတ်မောက်နယ် ဂွေးကုန်းရွာနှင့် သမျှားကုန်းရွာကြား၌ စောင့်ဆိုင်းနေစဥ် နံနက် ၆ နာရီခွဲခန့်တွင် ဆိုင်ကယ်မောင်းနှင်လာသော ဗိုလ်မှူးဘစိုင်းအား တားဆီး၍ လက်ရဖမ်းဆီးကာ စစ်ဆေးမေးမြန်းပြီးနောက် ပစ်ခတ်ရှင်းလင်းခဲ့ကြောင်း ဖော် ပြသည်။

(စစ်ကောင်စီတပ် ဗိုလ်မှူးဘစိုင်းထံမှ သိမ်းဆည်းရမိသော ဖုန်းနှစ်လုံး၊ ဖုန်းထဲပါရှိသော ဗိုလ်မှူးဘစိုင်းပုံ။ဓါတ်ပုံ-ပေးပို့)
(စစ်ကောင်စီတပ် ဗိုလ်မှူးဘစိုင်းထံမှ သိမ်းဆည်းရမိသော ဖုန်းနှစ်လုံး၊ ဖုန်းထဲပါရှိသော ဗိုလ်မှူးဘစိုင်းပုံ။ဓါတ်ပုံ-ပေးပို့)

“ကျနော်တို့ စစချင်းမှာ သူ့ကို(ဘစိုင်း)ဗိုလ်မှူးမှန်း မသိဘူး။ အမှတ်(၂)ပင်မဆက်သွယ်ရေးတပ်ကလို့ပဲ သိထားတာ။ စစ်ဆေးမေးမြန်းတဲ့အချိန်မှာတော့ ဗိုလ်မှူးအဆင့်ဖြစ်တယ်ဆိုတာကို သူကိုယ်တိုင် ဝန်ခံသွားတယ်။ လမ်းမှာတားဆီးစစ်ဆေးပြီး မြေပြင်အခြေနေအရရှင်းလင်းခဲ့ရပါတယ်”ဟု ငါးပြေမပြောက်ကျားတပ်ဖွဲ့မှ တာဝန်ရှိသူတစ်ဦးက People’s Spring သို့ ပြောသည်။

ပစ်ခတ်ခံရ၍ သေဆုံးသွားသော ဗိုလ်မှူးဘစိုင်းဆိုသူသည် အမှတ်(၂)ပင်မဆက်သွယ်ရေးတပ်မှနေ၍ ပုဂံသို့ရထားဖြင့်သွားရန် သမျှားဘူတာသို့ ဆိုင်ကယ်ဖြင့်လာစဥ် ယခုကဲ့သို့ ဖမ်းဆီးပစ်ခတ် ရှင်းလင်းခဲ့ခြင်းဖြစ်ကြောင်း ၎င်းက ဆက်ပြောသည်။

Public Service Announcement

Public Service Announcement

အဆိုပါ စစ်ကောင်စီတပ်ဗိုလ်မှူးအား ကိုယ်တိုင်စစ်မေးစဥ်နှင့် ၎င်းထံမှသိမ်းဆည်းရရှိသော လက်ကိုင်ဖုန်းနှစ်လုံးကို စစ်ဆေးချက်များအရ ၎င်းအား ရွှေတြိဂံတိုင်းသို့ ပြောင်းရွှေ့တော့မည်ဟု သိရပြီး ဗိုလ်မှူးဘစိုင်းနှင့်အတူပါလာသော အမျိုးသမီးငယ်တစ်ဦးကိုမူ ပြန်လည်လွှတ်ပေးခဲ့ကြောင်း ငါးပြေမပြောက်ကျားတပ်ဖွဲ့က အသိပေးသည်။

ဗိုလ်မှူးဘစိုင်းအား စစ်ရေးပစ်မှတ်အဖြစ်သတ်မှတ်စောင့်စိုင်း၍ ပစ်ခတ်မှုလုပ်ဆောင်ခဲ့သော ဂွေးကုန်းကျေးရွာအနီးလမ်းပိုင်းသည် စစ်ကောင်စီ ပင်မစက်လက်နက်ပစ္စည်းထုတ် လုပ်ရေးစက်ရုံ(ရွာမွန်)နှင့် အမှတ်(၂)ပင်မဆက်သွယ်ရေးတပ်ကြားတွင်တည်ရှိပြီး ဂွေးကုန်းတောင်ဘက်ရှိ သမျှားရွာတွင်လည်း ရဲ စခန်းရှိရာ စစ်ကောင်စီတပ်သားများအထိုင်ချထားကြောင်း စုံစမ်းသိရသည်။

အထက်ပါ စစ်ရေးလှုပ်ရှားမှုကို နတ်မောက်မြို့နယ်(ပကဖ)၊ Aung San’s Land တပ်ဖွဲ့၊ ကျားသစ်နက်တပ်ဖွဲ့နှင့် မကွေးတိုင်း ပြည်သူ့ကာကွယ်ရေးတပ်-ငါးပြေမပြောက်ကျားတပ်ဖွဲ့တို့ ပူးပေါင်းလုပ်ဆောင်ခဲ့ခြင်း ဖြစ်သည်။

ဖေဖော်ဝါရီ ၂၂ ရက်ကလည်း နတ်မောက်နယ်၊ ကျော်ဆည်ရွာတွင် အင်အား ၃၀ခန့်ဖြင့် တပ်စွဲထားသော စစ်ကောင်စီတပ်ကို နတ်မောက် (ပကဖ)နှင့် ပူးပေါင်းတပ်များက သွားရောက်တိုက်ခိုက်ခဲ့သေးသည်။

ဆက်စပ်သတင်းများ

သတင်း

လောလောဆယ်အခြေအနေတွင် မြဝတီမြို့၌ တိုက်ပွဲဖြစ်လာနိုင်ဖွယ်မရှိိကြောင်း လုံခြုံရေးသတင်းရင်းမြစ်က ပြောသည်။

သတင်း

ကော့ကရိတ်မြို့သို့ စစ်ကူရောက်ရှိလာသော စစ်ကြောင်းမှာ မည်သည့်လမ်းကြောင်းမှ ရောက်ရှိလာသည်ကို မသိရဘဲ အင်အား ရာနှင့်ချီပါဝင်သည်ဟု ရဲဘော်တစ်ဦးက ပြောသည်။

သတင်း

လွယ်ဂျယ်က ရရှိခဲ့သည့် ငွေများနှင့်ပတ်သက်ပြီး မည်သို့ စီမံသည်ဆိုသည်ကို ဗိုလ်ချုပ်ကြီး ဂွန်မော်က KIO ဘဏ္ဍာရေးဌာန၏ စည်းမျဉ်းအမှတ်(၆၄)၌ ပြဌာန်းထားသည့် အချက်များကို ၎င်း၏ Facebookမှ တဆင့် ရှင်းပြခဲ့သည်။

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။