Connect with us

Hi, what are you looking for?

LuduNwayOo

သတင်း

ဒေါ်​အောင်ဆန်းစုကြည်​နေအိမ် လေလံကိစ္စအဓိကလုပ်ကိုင်သော ဗဟန်းမြို့နယ်ထွေအုပ်နှင့် စည်ပင်ရုံးအား ရန်ကုန်ပကဖ ဖောက်ခွဲတိုက်ခိုက်

လက်ရှိ လူထုကြား ​သောကများ​နေကြသည့် စစ်မှုထမ်းကိစ္စကို အထူးအ​လေး​ပေးပြုလုပ်​နေကြသည့် စစ်ကောင်စီအလိုတော်ရိ ဝန်ထမ်းများ၊ ​ထွေအုပ်၊ ရပ်ကွက်အုပ်ကြီးများနှင့် လက်​​ဝေခံ ထောက်တိုင်များလည်း သတိထား​နေကြရန် ရန်ကုန်ပကဖက ပြင်းထန်စွာ သတိ​ပေးသည်။

(ဒေါ်အောင်ဆန်းစုကြည်​၏နေအိမ်နှင့် ဖောက်ခွဲတိုက်ခိုက်ခဲ့သည့် ထွေအုပ်ရုံးဟောင်းနှင့်စည်ပင်ရုံးနေရာအား မြင်တွေ့ရစဉ်)
(ဒေါ်အောင်ဆန်းစုကြည်​၏နေအိမ်နှင့် ဖောက်ခွဲတိုက်ခိုက်ခဲ့သည့် ထွေအုပ်ရုံးဟောင်းနှင့်စည်ပင်ရုံးနေရာအား မြင်တွေ့ရစဉ်)

လူထုခေါင်းဆောင် ဒေါ်​အောင်ဆန်းစုကြည်​​၏နေအိမ် ခြံအမှတ်(၅၄) လေလံကိစ္စ အဓိကပါဝင်လုပ်ကိုင်​ပေးသည့် ဗဟန်းမြို့နယ် စည်ပင်ရုံးနှင့် ထွေအုပ်ရုံးဟောင်းအား ရန်ကုန်ပကဖ (အထူးတပ်ဖွဲ့)က အဝေးထိန်းမိုင်းဖြင့် တပြိုင်တည်း ဖောက်ခွဲတိုက်ခိုက်ခဲ့ကြောင်း ရန်ကုန်ပကဖမှ တာဝန်ရှိသူက လူထုနွေဦးသို့ ပြောသည်။

ရန်ကုန်မြို့၊ ကမ္ဘာအေးဘုရားလမ်းနှင့် ကုက္ကိုင်းရိပ်သာလမ်းထောင့်ရှိ ဗဟန်းမြို့နယ်အထွေထွေအုပ်ချုပ်ရေးမှူးရုံးဟောင်းတွင် တပ်စွဲထားသည့် စစ်ကောင်စီတပ်သားများနှင့် မြို့နယ် စည်ပင်သာယာရေးကော်မတီရုံးကို ယ​နေ့ (မတ်လ ၁၉ရက်) နံနက်စော ၄နာရီခန့်က ရန်ကုန်ပကဖ (အထူးတပ်ဖွဲ့) က အဝေးထိန်းမိုင်းဖြင့် တပြိုင်တည်း ဖောက်ခွဲတိုက်ခိုက်ခဲ့ခြင်း​ဖြစ်သည်။

(ဒေါ်အောင်ဆန်းစုကြည်​၏နေအိမ်နှင့် ဖောက်ခွဲတိုက်ခိုက်ခဲ့သည့် ထွေအုပ်ရုံးဟောင်းနှင့်စည်ပင်ရုံးနေရာအား မြင်တွေ့ရစဉ်)
(ဒေါ်အောင်ဆန်းစုကြည်​၏နေအိမ်နှင့် ဖောက်ခွဲတိုက်ခိုက်ခဲ့သည့် ထွေအုပ်ရုံးဟောင်းနှင့်စည်ပင်ရုံးနေရာအား မြင်တွေ့ရစဉ်)

အဆိုပါ တိုက်ခိုက်မှုကြောင့် ဘန်ကာတွင်းကင်းစောင့်​နေ​သော ရဲနှစ်ဦးပွဲချင်းပြီး ​သေဆုံးကာ အိပ်ပျော်နေသော စစ်ကောင်စီတပ်သားအများအပြား ဒဏ်ရာပြင်းပြင်းထန်ထန်ရခဲ့​ကြောင်းသိရသည်ဟု အထက်ပါတာဝန်ရှိသူက ပြောသည်။

စစ်ကောင်စီတပ်သားများ လုံခြုံ​ရေးလှည့်ပြီးပြန်ဝင်လာချိန်နှင့် အချိန်ကိုက်ဖြစ်၍ အထိနာခဲ့​ကြောင်း၊ နံနက် ၄နာရီခွဲခန့်တွင် စစ်ကား၊ လူနာတင်ကားများ လမ်းမ​ပေါ် သွား​လာနေ​ကြောင်း အနီးပတ်ဝန်းကျင်မှတဆင့်ကြားသိရသည်ဟု ဆိုသည်။ သို့သော် အသေးစိတ်စာရင်းမသိရသေး​သော်လည်း စစ်ကောင်စီတပ်သားများအထိနာခဲ့ကြောင်း ၎င်းက ဆက်ပြောသည်။

Public Service Announcement

Public Service Announcement

ယခုတိုက်ခိုက်မှုသည် လူထုခေါင်းဆောင် ဒေါ်အောင်ဆန်းစုကြည်၏ သမိုင်းဝင် ပါဝါ(၅၄) ခြံ လေလံကိစ္စမြေပုံ၊ မြေရာဇဝင်များအတွက် အဓိကဇာတ်ကောင်အဖြစ် လုပ်ကိုင် ဆောင်ရွက် ပေးခဲ့သည့် စစ်ကျွန်ဗဟန်းစည်ပင်အား ပြင်းထန်​သောအ​ရေးယူမှုပြုလုပ်ခဲ့ခြင်းဖြစ်သည်ဟု ရန်ကုန် ပကဖက ပြောသည်။

​ထို့အပြင် ပြည်သူလူထုနှင့်ဆန့်ကျင်​သောလုပ်ရပ်များ ကျူးလွန်​နေ​သူ မည်သည့်အဖွဲ့အစည်း၊ လူပုဂ္ဂိုလ်ကိုမဆို ရန်ကုန်ပကဖ က လက်ပိုက်ကြည့်နေမည်မဟုတ်ဘဲ ယခုထက် ပိုမို ပြင်းထန်​သော အ​ရေးယူတိုက်ခိုက်မှုများကို စနစ်တကျ ပြုလုပ်သွားမည်ဟု ရန်ကုန်ပကဖက ဆိုသည်။

လက်ရှိ လူထုကြား ​သောကများ​နေကြသည့် စစ်မှုထမ်းကိစ္စကို အထူးအ​လေး​ပေးပြုလုပ်​နေကြသည့် စစ်ကောင်စီအလိုတော်ရိ ဝန်ထမ်းများ၊ ​ထွေအုပ်၊ ရပ်ကွက်အုပ်ကြီးများနှင့် လက်​​ဝေခံ ထောက်တိုင်များလည်း သတိထား​နေကြရန် ရန်ကုန်ပကဖက ပြင်းထန်စွာ သတိ​ပေးသည်။

ဆက်စပ်သတင်းများ

သတင်း

ပြည်သူ့များ၏ နေအိမ်များကို မတရားသဖြင့် ဖျက်စီးရာတွင် ပါဝင်ခဲ့သောကြောင့် ပစ်မှတ်အနေဖြင့် သတ်မှတ်ပြီး တိုက်ခိုက်ခဲ့ခြင်းဖြစ်ကြောင်း Dark Shadow အဖွဲ့က ထုတ်ပြန်ခဲ့သည်။

သတင်း

အဆိုပါတိုက်ခိုက်မှုဖြစ်စဉ်များဖြစ်ခဲ့သည်မှာ မှန်ကန်ပြီး လူထိခိုက်မှုမရှိကြောင်း လှိုင်သာယာကင်းထောက်ချန်နယ်မှ တာဝန်ရှိသူတစ်ဦးက ပြောသည်။

သတင်း

ယင်းပေါက်ကွဲမှုဖြစ်ပွားပြီးနောက် ဝေဘာဂီရပ်ကွက်၊ ၆ ကွေ့နှင့် အောင်မင်္ဂလာကားဝင်းအနီးတို့တွင် စစ်ကားများဖြင့် ပိတ်ဆို့၍ စစ်ဆေးမှုများ ပြုလုပ်နေကြောင်း ဒေသခံပြည်သူအချို့က ပြောသည်။

သတင်း

စစ်ကောင်စီ၏ ပစ်မှတ်များကိုလည်း ဆက်တိုက်တိုက်ခိုက်ချေမှုန်းသွားမည်ဖြစ်၍ ပြည်သူများအနေဖြင့် စစ်ကောင်စီနှင့် ပတ်သက်သည့် နေရာများကို ဝေးဝေးမှရှောင်ကြရန်လည်း မေတ္တာရပ်ခံထားသည်။