ရန်ကုန်မြို့၊ ဒဂုံမြို့သစ်တောင်ပိုင်းမြို့နယ် (၁၄၁) ရပ်ကွက် အုပ်ချုပ်ရေးမှူးရုံးအား မတ်လ ၈ရက် ည ၁၀ နာရီခန့်တွင် လက်ပစ်ဗုံးသုံးလုံးဖြင့် ပစ်ခတ်တိုက်ခိုက်ခဲ့ကြောင်း Yangon Army(YA)အဖွဲ့မှ တာဝန်ရှိသူက ပြောသည်။
“ဒီညက ရန်ကုန်တစ်မြို့လုံးခတွေ ခြေရှုပ်နေတော့ ခက်ခက်ခဲခဲဆော်ခဲ့ရတယ်။ အထိအခိုက် ကတော့ အချိန်ယူပြီးဆော်ခဲ့တာဆိုတော့ သေမှာသေချာတယ်”ဟု ၎င်းက ပြောသည်။
အဆိုပါရပ်ကွက်အုပ်ချုပ်ရေးမှူးသည် လူမိုက်များနှင့် ပေါင်း၍ ပြည်သူများအပေါ် ဖိနှိပ်အနိုင်ကျင့်မှုများရှိသောကြောင် YA နှင့် အနောက်ပိုင်းခရိုင်(ပကဖ)တို့ပူးပေါင်း တိုက်ခိုက်ခဲ့ခြင်းဖြစ်သည်။
Public Service Announcement
“ဇိုးတွေကတော့ သိတဲ့အတိုင်း အုပ်စုဖွဲ့ လိုင်စင်ရပြန်ပေးဆွဲနေတဲ့ကောင်တွေ”ဟု အထက်ပါတာဝန်ရှိသူက ပြောသည်။
ဒဂုံမြို့သစ်တောင်ပိုင်းမြို့နယ်၌ ယနေ့ည ပေါက်ကွဲသံကြားရကြောင်း ဒေသခံများ၏ သတင်းပေးပို့ချက်ကို Hlaing Info ကဖော်ပြထားသည်။
“နောက်ထပ်ပစ်မှတ်ကြီးများကိုလဲအကြမ်းဖက်စစ်အာဏာရှင်မပြုတ်မခြင်း ဆက်လက်၍ တိုက်ခိုက်ချေမှုန်းသွားမည်ဖြစ်ကြောင်း
မိဘပြည်သူများအားအသိပေးအပ်ပါသည်။”ဟု YA က အသိပေးထားသည်။
