Connect with us

Hi, what are you looking for?

LuduNwayOo

သတင်း

မင်းကင်းမြို့နယ် ကျေးရွာနှစ်ရွာကို စစ်ကောင်စီလေကြောင်း ထပ်မံတိုက်ခိုက်

ပျဉ်းကိုင်းရွာကို ယနေ့(ဇွန်လ ၆ရက်) နံနက်က လေကြောင်းမှပစ်ခတ်ခြင်းဖြစ်ပြီး သာစည်ရွာကို နေ့လည်၁၂နာရီခန့်တွင် လေကြောင်းတိုက်ခိုက်ခြင်းဖြစ်သည်။

(ဇွန်လ ၃ရက်က မင်းကင်းမြို့နယ် ၊ မတောကျေးရွာမှ မင်္ဂလာဆောင်ကို စစ်ကောင်စီက လေကြောင်းမှ ပေါင်၅၀၀ဗုံးနှစ်လုံးကြဲချတိုက်ခိုက်ပြီးနောက် တွေ့ရစဉ်။ ဓာတ်ပုံ - CJ)
(ဇွန်လ ၃ရက်က မင်းကင်းမြို့နယ် ၊ မတောကျေးရွာမှ မင်္ဂလာဆောင်ကို စစ်ကောင်စီက လေကြောင်းမှ ပေါင်၅၀၀ဗုံးနှစ်လုံးကြဲချတိုက်ခိုက်ပြီးနောက် တွေ့ရစဉ်။ ဓာတ်ပုံ - CJ)

အညာသား/People’s Spring

စစ်ကိုင်းတိုင်း၊ မင်းကင်းမြို့နယ်ရှိ ကျေးရွာနှစ် ရွာကို စစ်ကောင်စီက လေကြောင်းမှထပ်မံတိုက်ခိုက်ခဲ့ပြီး ဒေသခံပြည်သူအများအပြားထွက်ပြေးတိမ်းရှောင်နေကြရကြောင်း သတင်းရရှိသည်။

ဇွန်လ ၄ရက်က လေကြောင်းမှ ဗုံးကြဲတိုက်ခိုက်ခဲ့သည့် ပျဉ်းကိုင်းရွာနှင့် သာစည်ကျေးရွာကို ယနေ့ (ဇွန်လ ၆ရက်)တွင် ဗုံးခုနစ်လုံးကြဲချ တိုက်ခိုက် သွားခြင်းဟု မြေပြင် သတင်းရင်းမြစ်များက ပြောသည်။

” လူတစ်ယောက် ဒဏ်ရာရတယ်။ ဒေသခံတွေကတော့ကြောက်တော့ တောင်ယာတွေထဲမှာသွားနေကြရတယ်။ ရွာထဲမှာမနေရဲကြဘူး”ဟု ဒေသခံတစ်ဦးက ပြောသည်။

Public Service Announcement

Public Service Announcement

ပျဉ်းကိုင်းရွာကို ယနေ့(ဇွန်လ ၆ရက်) နံနက်က လေကြောင်းမှပစ်ခတ်ခြင်းဖြစ်ပြီး သာစည်ရွာကို နေ့လည်၁၂နာရီခန့်တွင် လေကြောင်းတိုက်ခိုက်ခြင်းဖြစ်သည်။

စစ်ကောင်စီသည် မင်းကင်းမြို့နယ်၌ နေရာသုံးနေရာကို လေးရက်အတွင်း လေကြောင်းမှ သုံးကြိမ်တိုက်ခိုက်ခြင်းဖြစ်သည်။

ဇွန်လ ၃ရက်နံနက် ၈ နာရီခွဲခန့်က မင်းကင်းမြို့နယ် ၊ မတောကျေးရွာမှ မင်္ဂလာဆောင်ကို စစ်ကောင်စီက လေကြောင်းမှ ပေါင်၅၀၀ဗုံးနှစ်လုံးကြဲချတိုက်ခိုက်ခဲ့ရာ ကလေးငယ် ၇ဦးအပါအဝင် ၃၀ခန့် သေဆုံးခဲ့သည်။

ထို့ပြင်အတည်မပြုနိုင်သောသတင်းများအရ မင်းကင်းမြို့နယ်မှာ နေရာက်ိုးခုကို လေကြောင်းမှ တိုက်ခိုက်မည်ဟု သတင်းများထွက်ပေါ်နေ၍ စိုးရိမ်ထိတ်လန့်နေကြရသည်ဟု ဒေသခံများကပြောသည်။

“စစ်တပ်က အရပ်သားကို ပစ်မှတ်ထားပြီးသတ်ဖြတ်နေတာတွေ ရပ်အောင်လုပ်ပေးပါ။ မြို့မှာက သတင်းအမျိုးမျိုးနဲ့ အရမ်းကြောက်နေရတယ်။ လေယာဉ်သံကိုမကြားရဲဘူး”ဟု ဒေသခံတစ်ဦးက ပြောသည်။

ဒေသခံများလုံခြုံရေးသတိပြုကြရန်၊ ဗုံးခိုကျင်းများ၌ နေထိုင်ကြရန် ပြည်သူ့ကာကွယ်ရေးတပ်ဖွဲ့များက သတိပေးထားသည်။

စစ်ကောင်စီက ပြည်သူလူထုကို အစုလိုက်၊ အပြုံလိုက်သတ်ဖြတ်နေမှုများအား ပိတ်ဆို့ဒဏ်ခတ်အရေးယူရုံ၊ စွပ်စွဲပြစ်တင်ရှုံ့ချရုံမျှဖြင့် မလုံလောက်တော့ကြောင်း အမျိုးသားညီညွတ်ရေးအစိုးရ(NUG)ယာယီသမ္မတ ဒူဝါလရှီးလက နိုင်ငံတကာကို သတိပေးတိုက်တွန်းထားသည်။

ဆက်စပ်သတင်းများ

သတင်း

မံစီမြို့နယ်ဘက်သို့ ထိုးစစ်ဆင်လာသည့် စစ်ကောင်စီ စစ်ကြောင်းနှင့် KIA တို့ ကောင်ဂျာဟန်ဒေသ၌ တိုက်ပွဲဖြစ်ပွားခဲ့ခြင်းဖြစ်သည်ဟု ဆိုသည်။

သတင်း

စစ်ဆေးခံရမှုအတွင်း လက်ကိုင်ဖုန်းများတွင် VPN ဆော့ဝဲလ်ထည့်သွင်းထား၍ ဖုန်းသိမ်း ဆည်းခံရသည့် ပြည်သူအများအပြားရှိပြီး အချို့မှာ ငွေကြေးတန်ဖိုးတစ်ခုဖြင့် ပြန်လည်ရွေးယူရသည်များလည်းရှိနေကြောင်း ၎င်းက ဆက်ပြောသည်။

သတင်း

သုည/People’s Spring စစ်အာဏာရှင် နှစ်နိုင်ငံဖြစ်​သော ​မြောက်ကိုရီးယားနှင့် မြန်မာ အမျိုးသားလက်​ရွေးစဥ်​ဘောလုံးအသင်းတို့ပွဲစဥ် အပြီး စစ်​ကောင်စီလက်​ရွေးစဥ်အသင်းမှာ စံချိန်သစ်တစ်ခုစိုက်ထူခဲ့သည်။ ၂၀၂၁ ​ဖေ​ဖော်ဝါရီ ၁ ရက်မှစ၍ စစ်အာဏာရှင်နိုင်ငံဖြစ်​နေ​သော မြန်မာ နှင့် ကမ္ဘာ့သိအာဏာရှင်နိုင်ငံ ​မြောက်ကိုးရီးယားတို့၏ လာအိုတွင် ယှဥ်ပြိုင်​သောပွဲစဥ်တွင် စစ်​ကောင်စီ၏လက်​ရွေးစဥ်အသင်းက ၄ ဂိုး...

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။