Connect with us

Hi, what are you looking for?

LuduNwayOo

သတင်း

ကျွန်းလှမြို့ရှိ NUG​၏ ကြားကာလပညာ‌ရေးကျောင်းကို စစ်ကောင်စီ ပေါင် ၅၀၀ဗုံးကြဲတိုက်ခိုက်

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ဘောလုံးကွင်းအတွင်း စစ်ကောင်စီက ပေါင် ၅၀၀ဗုံးကြဲတိုက်ခိုက်ပြီးနောက် မြင်တွေ့ရစဉ်

ဇော်ရမ်း/People’s Spring

စစ်ကိုင်းတိုင်း၊ ကျွန်းလှမြို့နယ်၊ ရွာကုန်းကြီးကျေးရွာရှိ အမျိုးသားညီညွတ်ရေးအစိုးရ(NUG)​၏ ကြားကာလပညာ‌ရေးစာသင်ကျောင်းနှင့် ဘောလုံးကွင်းအတွင်းသို့ ယနေ့(ဇွန်လ ၁၅ရက်) နေ့လယ်တွင် စစ်ကောင်စီက ပေါင်၅၀၀ဗုံး သုံးလုံးကြဲချ တိုက်ခိုက်ခဲ့သည်။

နေ့လယ် ၁၂နာရီခန့်တွင် လေကြောင်းတိုက်ခိုက် ခြင်းဖြစ်ပြီး ကျောင်းပိတ်ထားခြင်းနှင့် ကျောင်းအတွင်း လူနေထိုင်ခြင်းမရှိသောကြောင့် လူထိခိုက်မှုမရှိခဲ့ကြောင်းကျွန်းလှမြို့နယ်မှ ပြည်သူ့အုပ်ချုပ်ရေးအဖွဲ့ဝင်တစ်ဦးက ပြောသည်။

” ထုံးစံအတိုင်း ယုတ်မာတာပါပဲ။ ကလေးတွေမထိတာတော်တော်လေးကံကောင်းတယ်”ဟု ကျွန်းလှမြို့မှ ကြားကာလပညာရေးဝန်ထမ်းတစ်ဦးက ပြောသည်။

Public Service Announcement

Public Service Announcement

ကျွန်းလှမြို့နယ်၊ ရွာကုန်းကြီးကျေးရွာရှိ အမျိုးသားညီညွတ်ရေးအစိုးရ(NUG)​၏ ကြားကာလပညာ‌ရေးစာသင်ကျောင်း
ကျွန်းလှမြို့နယ်၊ ရွာကုန်းကြီးကျေးရွာရှိ အမျိုးသားညီညွတ်ရေးအစိုးရ(NUG)​၏ ကြားကာလပညာ‌ရေးစာသင်ကျောင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ထိခိုက်ဒဏ်ရာရသူမရှိခဲ့ပေ။ သို့သော် စာသင်ကျောင်း မျက်နှာကျက်များပျက်စီးခဲ့ပြီး အိမ်မွေးတိရိစ္ဆာန်အချို့သေဆုံးခဲ့ကြောင်း သတင်းရရှိသည်။

ထို့အပြင် ဒေသခံများက နောက်ထပ်လေကြောင်းတိုက်ခိုက်ခံရမည်ကိုဒေသခံများက စိုးရိမ်နေကြသည်။

ဇွန်လပထမလပတ်အတွင်းက စစ်ကိုင်းတိုင်း၊ မင်းကင်းမြို့နယ်ရှိ နေရာသုံးနေရာကို စစ်ကောင်စီက လေကြောင်းမှ သုံးကြိမ်တိုက်ခိုက်ခဲ့ရာ ကလေးငယ် ခုနစ်ဦးအပါအဝင် ၃၀ခန့် သေဆုံးပြီး အများအပြားဒဏ်ရာရခဲ့သည်။

စစ်ကောင်စီက လေကြောင်းမှတိုက်ခိုက်မှုများဆက်တိုက်ပြုလုပ်နေသောကြောင့် အမျိုးသားညီညွတ်ရေးအစိုးရထိန်းချုပ်နယ်မြေများအတွင်း စာသင်ကျောင်းများ ရက်အကန့်အသက်မရှိပိတ်ထားရန်နှင့် လူစုလူဝေးမလုပ်ကြရန် မင်းကင်းမြို့နယ်ပြည်သူ့ကာကွယ်ရေးအဖွဲ့က ထုတ်ပြန်ထားသည်။

ကျွန်းလှမြို့နယ်ရှိ ကြားကာလပညာရေးစာသင်ကျောင်းများ မည်ကဲ့သို့ဆက်လက် ဆောင်ရွက်မည်ကို မသိရှိရသေးပေ။ ကျွန်းလှမြို့နယ်တွင် လက်တလော၌ တိုက်ပွဲဖြစ်ပွားခြင်းမရှိပေ။ စစ်ကောင်စီက မြို့ပေါ်၌ တပ်စွဲထားသည်။

(ကျွန်းလှမြို့နယ်၊ ရွာကုန်းကြီးကျေးရွာရှိ အမျိုးသားညီညွတ်ရေးအစိုးရ(NUG)​၏ ကြားကာလပညာ‌ရေးစာသင်ကျောင်းနှင့် ဘောလုံးကွင်းအတွင်း စစ်ကောင်စီက ပေါင် ၅၀၀ဗုံးကြဲတိုက်ခိုက်ပြီးနောက် မြင်တွေ့ရစဉ်။ ဓာတ်ပုံ – CJ)

ဆက်စပ်သတင်းများ

သတင်း

ဗီဒီယိုတွေထဲက ပုံရိပ်တွေအရ နှိပ်စက်ညှင်းပန်းမှု၊ ရိုက်နှက်မှု၊ ရှော့ရိုက်မှု၊ လိင်အကြမ်းဖက်မယ်လို့ ခြိမ်းခြောက်မှုစတဲ့ လုပ်ရပ်တွေ ကျူးလွန်နေတာ၊ အမျိုးသမီး ၂ ဦး အပါအဝင် ထိန်းသိမ်းခံရသူ ၄၈ ဦးလောက် ရှိနေတာတွေကို ဆန်းစစ် အတည်ပြုနိုင်ခဲ့တယ်လို့လည်း Fortify Rightsက ဖော်ပြသွားခဲ့ပါတယ်။

သတင်း

CBMဟာ စစ်ကောင်စီရဲ့ နိုင်ငံခြားငွေ ဝင်ရောက်မှု အဓိက ရင်းမြစ်တစ်ခုလည်း ဖြစ်နေပြီး ငွေလဲလှယ်မှု ကြီးကြပ်ရေး ကော်မတီနဲ့ ပူးပေါင်းပြီး ပြည်ပကနေ စစ်လက်နက်တွေ ဝယ်ယူဖို့ လိုအပ်တဲ့ နိုင်ငံခြားငွေကြေးကို စုဆောင်း ရှာဖွေပေးနေပြန်ပါတယ်။

သတင်း

စင်ကာပူရဲ့ လုပ်ဆောင်ချက်တွေကို နမူနာယူဖို့ လိုကြောင်း၊ မြန်မာပြည်သူတွေကို စစ်တပ်က သတ်ဖြတ်တဲ့ လုပ်ရပ်တွေမှာ ထိုင်းဘဏ်တွေက အားပေးအားမြှောက် သဘောမျိုး ပါဝင်နေတာကို လုံးဝ လက်ခံလို့ မဖြစ်နိုင်ကြောင်း သူက ထောက်ပြသွားပါတယ်။

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။