နိုင်ပကောင်း/People’s Spring
ကရင်အမျိုးသားအစည်းအရုံး (KNU) လက်အောက်ခံ တပ်မဟာ ၅ စစ်ရေးလှုပ်ရှားရာ ဖာပွန်ဒေသမှာ မိုးတွင်းကာလအတွင်း စစ်ရှောင်ပြည်သူတွေ စားနပ်ရိက္ခာရရှိဖို့ ခက်ခဲနေတယ်လို့ KNU ဆီက သိရပါတယ်။
မိုးတွင်းကာလအတွင်း ဖာပွန်ခရိုင်ထဲမှာ မိုးကြီးတာကြောင့် ရေကြီးရေလျှံ ပြီး လမ်း ၊တံတားတွေ ပျက်စီးတာ ၊ သွားလာရေးခက်ခဲတာတွေကြောင့် စစ်ရှောင်ပြည်သူတွေ စားနပ်ရိက္ခာ ရဖို့ ခက်ခဲနေတာလို့ KNU တပ်မဟာ (၅) ပြောရေးဆိုခွင့်ရှိသူ ဗိုလ်မှုးကြီးစောကလယ်ဒိုက အသိပေးပါတယ်။
Public Service Announcement
လမ်းပန်းဆက်သွယ်ရေးကြောင့် ရိက္ခာပို့ဖို့ ခက်ခဲသလို ထောက်ပံ့မှုမလုံလောက်တာတွေကြောင့် စစ်ရှောင်တွေ အခက်ကြုံနေရတာလို့သိရပါတယ်။
တိုက်ပွဲတွေကြောင့် တောတောင်ထဲ ထွက်ပြေးလာတဲ့ စစ်ရှောင်တွေ အများအပြားရှိနေဆဲ ဖြစ်ပြီး အများစုဟာ နေရပ်ပြန်ဖို့ မဖြစ်နိုင်သေးဘူးလို့လည်း ဗိုလ်မှုးကြီးစောကလယ်ဒိုက ဆိုပါတယ်။
KNU တပ်မဟာ (၅) နယ်မြေ ဖာပွန်ဒေသဟာ စစ်ကောင်စီတပ်နဲ့ တိုက်ပွဲ ဖြစ်ပွားနှုန်းများတဲ့ဒေသဖြစ်ပြီး အခုနှစ် ၆ လတာအတွင်းမှာ တိုက်ပွဲ ၄၅၀ ကျော်ဖြစ်ထားတယ်လို့ KNUရဲ့စာရင်းအရသိရပါတယ်။
စစ်ရှောင်ဦးရေဟာလည်း ဖာပွန်ဒေသမှာ ကိုးသောင်းနီးပါးရှိလာပါပြီ။
