နိုင်ပကောင်း/People’s Spring
ကရင်နဲ့မွန်ပြည်နယ်အစပ်မှာရှိပြီး ဘုရားသုံးဆူ- သံဖြူဇရပ်လမ်းပိုင်းကိုစိုးမိုးထားတဲ့ စစ်ကောင်စီရဲ့ လွတ်ရှမ်းရွာ တပ်စခန်းကို ဝန်းရံပိတ်ဆို့တိုက်ခိုက်မှုတွေကြောင့် စစ်ကောင်စီတပ်ဖွဲ့ဝင်တွေ စခန်းစွန့်ခွာ ထွက်ပြေးသွားကြတယ်လို့ ကရင်စစ်ရေးသတင်းရင်းမြစ်က ပြောပါတယ်။
ကရင်ပြည်နယ်၊ကြာအင်းဆိပ်ကြီးမြို့နယ်အပိုင်ထဲမှာရှိတဲ့ လွတ်ရှမ်းရွာစခန်းကို ရဖို့ ပြီးခဲ့တဲ့ သြဂုတ်လကစတင်တိုက်ခိုက်ရာမှာ မနေ့ စက်တင်ဘာလ ၁၂ ရက်မှာ KNU တပ်မဟာ ၆နဲ့ ပူးပေါင်းတပ်တွေက အပြီးသတ်သိမ်းနိုင်ခဲ့တာပါ။
https://www.facebook.com/LuduNwayOo/videos/508237305142141
Public Service Announcement
လွတ်ရှမ်းရွာ စခန်းဟာ ခြံစည်းရိုးသုံးထပ် ကာရံထားပြီး ကွန်ကရစ်ဘန်ကာ အပြင် ကတုတ်ကျင်းတွေ နဲ့ အခိုင်အမာ ခြေကုပ်ယူထားတဲ့စခန်းဖြစ်တယ်လို့သိရပါတယ်။
အဲဒီစခန်းဟာ ယခင်က KNU ရဲ့စစ်ဆေးရေးဂိတ် ဖြစ်ခဲ့ပေမယ့် စစ်ကောင်စီတပ်က သိမ်းယူပြီးနောက် ခြေကုပ်စခန်းအဖြစ်နေရာယူတပ်စွဲထားခဲ့တာပါ။ အခုတော့ အရင်က စခန်းဟောင်းနေရာကို KNU က ပြန်လည်သိမ်းယူနိုင်ခဲ့တာလည်းဖြစ်ပါတယ်။
ဘုရားသုံးဆူ – သံဖြူဇရပ် လမ်းပိုင်းမှာ စစ်ကောင်စီရဲ့ အနန်းကွင်းရွာ စခန်းနဲ့ လွတ်ရှမ်းရွာ စခန်းတို့ကို KNU နဲ့ ပူးပေါင်းတပ်က တိုက်ခိုက်ရာမှာ လွတ်ရှမ်းရွာစခန်းကို ပြန်သိမ်းနိုင်ခဲ့တာပါ။ အဲဒီ တပ်စခန်းနှစ်ခုကတော့ ၁၁ မိုင်သာဝေးပါတယ်။
