မိထက်/People’s Spring
ပဲခူးတိုင်း၊ အုတ်ဖိုမြို့နယ်၊ အေးမြသာယာနယ်မြေရဲစခန်းမှူး ရဲအုပ်ဇော်ဝင်းကို ပြည်သူ့ကာကွယ် ရေးပူးပေါင်းတပ်ဖွဲ့များက ပစ်ခတ်ရှင်းလင်းလိုက်ကြောင်း ဒေသခံများက ပြောသည်။
အေးမြသာယာနယ်မြေရဲစခန်းမှူး ဦးဆောင်သည့် ရဲတပ်ဖွဲ့ကို စက်တင်ဘာ ၁၆ရက် ညနေ ၃နာရီခွဲတွင် ရဲစခန်းအနီး ပစ်ခတ်တိုက်ခိုက်ခြင်းဟု သတင်းရရှိသည်။
Public Service Announcement
” ဆူညံပွက်လောရိုက်သွားတယ်။ လူနာတင်ကားနဲ့ လာ ခေါ်သွားတယ်။ စစ်ကားလာတယ်”ဟု အုတ်ဖိုမြိုခံတစ်ဦးက ပြောသည်။
တိုက်ခိုက်မှုအတွင်း စခန်းမှူး ရဲအုပ်ဇော်ဝင်းနှင့် သတင်းပေး သေဆုံးခဲ့သည်ဟု ပြည်သူ့ကာကွယ်ရေးရဲဘော်တစ်ဦးက ပြောသည်။
မြို့ခံပြည်သူများကို ပေါ်တာဆွဲဖမ်းဆီးရန် အေးမြသာယာရဲစခန်းမှ အရပ်ဝတ်ဖြင့် ခြေလျင်လာသည့် အင်အား၅ဦးပါအဖွဲ့အား အထက်တန်းကျောင်းရှေ့ လမ်းပေါ်၌ တိုက်ခိုက်ခဲ့ခြင်းဟု သာယာဝတီခရိုင် တပ်ရင်း ၃၈၀၂၊ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖိုက သတင်းထုတ်ပြန်ထားသည်။
စခန်းမှူး ဇော်ဝင်းနှင့် ရဲသတင်းပေး ကိုသက်တို့ နေရာတွင် သေဆုံးပြီး ၎င်းတို့ထံမှ လက်ပစ်ဗုံးတစ်လုံး၊ အခြားပစ္စည်းများနှင့် ပေါ်တာစွဲရန် နံမည်ရေးထားသည့် စာရင်းစာရွက် တစ်ခုတို့ကို သိမ်းဆည်းရရှိခဲ့သည်ဟု ဆိုသည်။
