စောနွေဦး/People’s Spring
သန်းခေါင်စာရင်းကောက်ယူရန် မင်းဘူးမြို့တွင် Non CDM ကျောင်းဆရာမကို စစ်ကောင်စီက သင်တန်းပေးနေကြောင်း ဒေသခံများက ပြောသည်။
နိုင်ငံအနှံ့ရေကြီးမြေပြိုမှုဖြစ်နေချိန်တွင် စစ်ကောင်စီက ပြည်လုံးကျွတ်သန်းခေါင်စာရင်းကောက်ယူရန်ကြိုးစားနေပြီး လာမည့် အောက်တိုဘာ ၁ရက်တွင် သန်းခေါင်စာရင်းကောက်ယူမည်ဟု စစ်ကောင်စီက ကြေညာထားသည်။
“မင်းဘူးက ခရိုင်မြို့ဆိုတော့ မင်းဘူး အထက(၂)ထဲမှာ ကျောင်းဆရာမတွေကို ဒီလကုန်အပြီးဆိုပြီး သင်တန်းပေးနေတယ်။”ဟု မင်းဘူးမြို့ခံတစ်ဦးက ပြောသည်။
Public Service Announcement
စစ်ကောင်စီက သန်းခေါင်စာရင်းကောက်ယူမှုကို အောက်တိုဘာ ၁ ရက်မှ ၁၅ ရက်အထိကောက်ခံမည်ဟု စစ်ကောင်စီက ထုတ်ပြန်ထားသည်။
“စစ်ကောင်စီရဲ့ နိုင်ငံရေးထွက်ပေါက်အဖြစ်လုပ်မယ့် ဒီသန်းခေါင်စာရင်းကောက်တာကို မင်းဘူးမြို့နယ်ထဲမှာ လက်ခံမှာမဟုတ်ပါဘူး။ စစ်ကောင်စီနဲ့ ပူးပေါင်းတဲ့ ဘယ်ဝန်ထမ်းမဆို အရေးယူသွားမှာဖြစ်တယ်ဆိုတာ ရှင်းရှင်းလင်းလင်း အသိပေးထားလိုပါ”ဟု မင်းဘူးမြို့နယ်၊အခြေစိုက် မင်းဘူးခရိုင်၊ အမှတ်(၆)တပ်ရင်းတာဝန်ရှိသူက ပြောသည်။
ထို့အပြင် မင်းဘူးခရိုင်အတွင်း မြို့နယ်များဖြစ်သည့် စလင်း၊ပွင့်ဖြူမြို့နယ်တို့မှ ကာကွယ်ရေးတပ်များကလည်း စစ်ကောင်စီ၏ သန်းခေါင်းစာရင်းကောက်ခံမှုများကို လက်ခံမည် မဟုတ်ကြောင်း အသီးသီးထုတ်ပြန်ထားသည်။
