ဇူလိုင်-၂၊၂၀၂၆။ဇော်ရမ်း/People’s Spring
စစ်တပ်အခိုင်မာတပ်စွဲထားတဲ့ မင်းဘူး(စကု)မြို့က ဥယျာဉ်တံတားစစ်ဆေးရေးဂိတ်စခန်းကို ပြည်သူ့ကာကွယ်ရေးတပ်ဖွဲ့နဲ့ပူးပေါင်းတပ်တွေက စီးနင်းတိုက်ခိုက်ပြီး မီးရှို့ဖျက်ဆီးလိုက်ပါတယ်။
မင်းဘူး(စကု)မြို့နယ်ပကဖ နဲ့ ချင်းကာကွယ်ရေးတပ်(အရှို)-CDF (Asho)၊လူဘောင်သစ်တပ်တော်(NSA)တို့ကဇွန်၂၈ရက် မနက်အစောပိုင်းမှာ စီးနင်းတိုက်ခိုက််ခဲ့တာဖြစ်ပါတယ်။
“နာရီဝက်တောင်မကြာဘူး။ဒီကောင်တွေကြောက်လန့်ပြီးထွက်ပြေးကုန်တာ။အသေရှိတာသေချာပေမယ့်တိတိကျကျမသိသေးဘူး”လို့ တော်လှန်ရေးရဲဘော်တဦးကပြောပါတယ်။
Public Service Announcement
တိုက်ပွဲအတွင်း အာဏာသိမ်းစစ်တပ် တပ်ဖွဲ့ဝင်တွေစခန်းစွန့်ထွက်ပြေးသွားပြီး လက်နက်ခဲယမ်းတွေနဲ့ စစ်သုံးပစ္စည်းအချို့သိမ်းဆည်းရရှိခဲ့တယ်လို့မင်းဘူး(စကု)မြို့နယ်ပကဖက သတင်းထုတ်ပြန်ထားပါတယ်။ အဲဒီစခန်းကိုလည်း မီးရှို့ဖျက်ဆီးရှင်းလင်းခဲ့တယ်ဆိုပါတယ်။
မင်းဘူးမြို့နယ်ထဲမှာ စစ်တပ်ရဲ့စစ်ရေးပစ်မှတ်တွေကို တော်လှန်ရေးပူးပေါင်းတပ်တွေက တိုက်ခိုက်မှုတွေအရှိန်မြှင့်နေပါတယ်။ ပြီးခဲ့တဲ့ မေလ ၂၈ရက်က ငဖဲမြို့နယ်က နတ်ရေကန်ဗျူဟာကို ပို့မယ့် လက်နက်ခဲယမ်းတွေတင်ဆောင်လာတဲ့ကားကိုမင်းဘူး-အမ်း လမ်းပိုင်းပေါ်မှာ မင်းဘူးမြို့နယ် ပကဖ၊ CDF-Asho၊ NSA လူ့ဘောင်သစ် တပ်မတော်တို့ပူးပေါင်းပြီး တိုက်ခိုက်ခဲ့ကြပါသေးတယ်။စစ်သား၆ ဦး သေဆုံး၊ ၃ ဦး ဖမ်းမိခဲ့ပြီး အူဇီ သေနတ်၃လက်၊ MA-1၂လက်၊ MA-2 ၁ လက်၊ ၅.၅၆ ကျည် လက်ဆွဲဘောက် ၁ လုံး၊ ၁၂၂ မမ MLRS ရော့ကတ် ပို့ယမ်း သေတ္တာ ၆ လုံးနဲ့ ၁၂၂ မမ MLRS ရော့ကတ် ၂၈ လုံး သိမ်းဆည်းနိုင်ခဲ့တယ်လို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက မေလ၂၉ရက်နေ့မှာ သတင်းထုတ်ပြန်ခဲ့ပါတယ်။
မင်းဘူးမြို့နယ်က စစ်တပ်ထိန်းချုပ်ထားတဲ့နေရာတွေမှာ စစ်တပ်နဲ့ ပျူစောထီးပူးပေါင်းတပ်တွေက ဒေသခံအမျိုးသားတွေရောအမျိုးသမီးတွေကိုပါ ဖမ်းဆီးနေလို့ တောင်ယာစိုက်ပျိုးရေးလုပ်ငန်းခွင်တွေကိုတောင် သွားဖို့ခက်ခဲနေတယ်လို့ ဒေသခံသတင်းရင်းမြစ်တွေကပြောပါတယ်။ ဇွန်လ၂၈ ရက်နေ့ကတိုက်ခိုက်ခံရပြီးတဲ့နောက် အဲဒီနေ့ကစပြီး စစ်ကောင်စီက မကွေးမြို့ကနေ အင်အားတွေ ဖြည့်တင်းခဲ့တယ်လို့ တော်လှန်ရေးသတင်းရင်းမြစ်တွေကပြောပါတယ်။
